ជាតិ
សង្គមជាតិ
ខ្មែរក្រោមខ្វះថវិការ ៩ពាន់ដុល្លារទៀត ក្នុងការបញ្ចប់ការថតចម្លងឯកសារទឹកដីកម្ពុជាក្រោម
×![]()
ដោយ: ថ្មីៗ
ភ្នំពេញ៖ លោក ថាច់ សេដ្ឋា ប្រធានសហគមន៍ខ្មែរកម្ពុជាក្រោម បានឲ្យដឹងថា សមាគមន៍របស់លោកខ្វះថវិការប្រមាណជាង ៨ពាន់អឺរ៉ូ ស្មើនឹងជាង ៩ពាន់ដុល្លារបន្ថែមទៀតប៉ុណ្ណោះក្នុងថតចម្លងឯកសារប្រវត្តិសាស្ត្រជាង ៥ពាន់ទំព័រ ដែលទាក់ទងនឹងអាណានិគមនិយមបារាំងកាត់ទឹកដីខ្មែរក្រោមឲ្យវៀតណាមក្នុងអំឡុង ឆ្នាំ១៩៤៩នោះ។ ហើយឯកសារនោះ នឹងត្រូវថតចម្លងរួចក្នុងអំឡុងខែមិថុនា ឆ្នាំ២០១៥នេះ។
សហគមន៍ខ្មែរកម្ពុជាក្រោម និងសម្ព័ន្ធយុវជនខ្មែរដើម្បីប្រជាធិបតេយ្យបានស្រាវជ្រាវរកឃើញឯកសារទាំងនោះ នៅក្នុងបណ្ណាសារដ្ឋានជាតិបារាំងហើយបច្ចុប្បន្ននេះ ហើយពួកគេបានថតចម្លងជិតរួចរាល់ហើយ ដោយនៅមានការខ្វះខាតថវិការប្រមាណ៩ពាន់ដុល្លារទៀត ប៉ុណ្ណោះដើម្បីបញ្ចប់ការថតចំលងឯកសារទាំងនេះ។
ប្រធានសហគមន៍ខ្មែរកម្ពុជាក្រោមលោក ថាច់ សេដ្ឋា បានឲ្យដឹងថាសមាជិកនៃសមាគមលោកបាននិងកំពុងខ្នះខ្នែងរៀបចំថតចម្លងឯកសារនោះឲ្យរួចរាល់ នៅត្រឹមខែមិថុនា ខាងមុខនេះដើម្បីទទួលយកឯកសារទាំង ៥ពាន់ទំព័រពីប្រទេសបារាំង មកផ្សព្វផ្សាយនៅកម្ពុជា។
គួរបញ្ជាក់ថា ឯកសារសំខាន់ៗ ទាក់ទងនឹងទឹកដីកម្ពុជាក្រោមប្រមាណ៥ពាន់ទំព័រនោះត្រូវបាន សហគមន៍ខ្មែរកម្ពុជាក្រោម និងសម្ព័ន្ធយុវជនខ្មែរដើម្បីលទ្ធិប្រជាធិបតេយ្យរកឃើញនៅក្នុងបណ្ណាសារដ្ឋានជាតិបារាំង នៅខេត្តអេអង់ប្រូវ៉ង់ (Aix-en-Provence) តាមរយៈការណែនាំរបស់ស្ថានទូតបារាំងប្រចាំនៅកម្ពុជា។
ឯកសារទាំងនោះ រួមមាន ព្រះរាជសារព្រះករុណាព្រះបាទនរោត្តមផ្ញើរទៅរដ្ឋាភិបាលបារាំងកិច្ចព្រមព្រៀងបារាំងវៀតណាមនៅឆកសមុទ្រហាឡុង នៅដាឡាត់ និងនៅហ្វុងតេនណឺប្លូ ជាដើម។ជាងនេះទៀត ខ្មែរក្រោមក៏រកឃើញកំណត់ហេតុប្រជុំសភាបារាំងក្នុងការកាត់ទឹកដីខ្មែរឲ្យវៀតណាមថ្ងៃទី០៤ មិថុនា ឆ្នាំ១៩៤៩ សន្ធិសញ្ញាបារាំងវៀតណាម និងកំណត់ហេតុចរចាផ្សេងៗ ព្រមទាំងលិខិតឆ្លងឆ្លើយសម្ងាត់ដែលទាក់ទងនឹងការកាត់ផ្ទេរទឹកដីខ្មែរឲ្យវៀតណាមផងដែរ។
បើតាមប្រធានសហគមន៍ខ្មែរកម្ពុជាក្រោម បន្ទាប់ពីបញ្ចប់ការថតចម្លងសហគមន៍ខ្មែរកម្ពុជាក្រោមនឹងធ្វើការបកប្រែជាផ្លូវការនូវឯកសារទាំងនោះពីភាសាបារាំងមកជាភាសាខ្មែរ និងអង់គ្លេស។បន្ទាប់មក ពួកគេ នឹងដាក់ជូនទៅកាន់ក្រសួងអប់រំដើម្បីស្នើសុំបញ្ចូលក្នុងកម្មវិធីសិក្សាតម្កល់នៅរាជ្យបណ្ឌិតសភាកម្ពុជា និងអង្គការយូណេស្តូដើម្បីរក្សាទុកជាប្រវត្តិសាស្ត្រជាតិទៀតផង៕
សហគមន៍ខ្មែរកម្ពុជាក្រោម និងសម្ព័ន្ធយុវជនខ្មែរដើម្បីប្រជាធិបតេយ្យបានស្រាវជ្រាវរកឃើញឯកសារទាំងនោះ នៅក្នុងបណ្ណាសារដ្ឋានជាតិបារាំងហើយបច្ចុប្បន្ននេះ ហើយពួកគេបានថតចម្លងជិតរួចរាល់ហើយ ដោយនៅមានការខ្វះខាតថវិការប្រមាណ៩ពាន់ដុល្លារទៀត ប៉ុណ្ណោះដើម្បីបញ្ចប់ការថតចំលងឯកសារទាំងនេះ។
ប្រធានសហគមន៍ខ្មែរកម្ពុជាក្រោមលោក ថាច់ សេដ្ឋា បានឲ្យដឹងថាសមាជិកនៃសមាគមលោកបាននិងកំពុងខ្នះខ្នែងរៀបចំថតចម្លងឯកសារនោះឲ្យរួចរាល់ នៅត្រឹមខែមិថុនា ខាងមុខនេះដើម្បីទទួលយកឯកសារទាំង ៥ពាន់ទំព័រពីប្រទេសបារាំង មកផ្សព្វផ្សាយនៅកម្ពុជា។
គួរបញ្ជាក់ថា ឯកសារសំខាន់ៗ ទាក់ទងនឹងទឹកដីកម្ពុជាក្រោមប្រមាណ៥ពាន់ទំព័រនោះត្រូវបាន សហគមន៍ខ្មែរកម្ពុជាក្រោម និងសម្ព័ន្ធយុវជនខ្មែរដើម្បីលទ្ធិប្រជាធិបតេយ្យរកឃើញនៅក្នុងបណ្ណាសារដ្ឋានជាតិបារាំង នៅខេត្តអេអង់ប្រូវ៉ង់ (Aix-en-Provence) តាមរយៈការណែនាំរបស់ស្ថានទូតបារាំងប្រចាំនៅកម្ពុជា។
ឯកសារទាំងនោះ រួមមាន ព្រះរាជសារព្រះករុណាព្រះបាទនរោត្តមផ្ញើរទៅរដ្ឋាភិបាលបារាំងកិច្ចព្រមព្រៀងបារាំងវៀតណាមនៅឆកសមុទ្រហាឡុង នៅដាឡាត់ និងនៅហ្វុងតេនណឺប្លូ ជាដើម។ជាងនេះទៀត ខ្មែរក្រោមក៏រកឃើញកំណត់ហេតុប្រជុំសភាបារាំងក្នុងការកាត់ទឹកដីខ្មែរឲ្យវៀតណាមថ្ងៃទី០៤ មិថុនា ឆ្នាំ១៩៤៩ សន្ធិសញ្ញាបារាំងវៀតណាម និងកំណត់ហេតុចរចាផ្សេងៗ ព្រមទាំងលិខិតឆ្លងឆ្លើយសម្ងាត់ដែលទាក់ទងនឹងការកាត់ផ្ទេរទឹកដីខ្មែរឲ្យវៀតណាមផងដែរ។
បើតាមប្រធានសហគមន៍ខ្មែរកម្ពុជាក្រោម បន្ទាប់ពីបញ្ចប់ការថតចម្លងសហគមន៍ខ្មែរកម្ពុជាក្រោមនឹងធ្វើការបកប្រែជាផ្លូវការនូវឯកសារទាំងនោះពីភាសាបារាំងមកជាភាសាខ្មែរ និងអង់គ្លេស។បន្ទាប់មក ពួកគេ នឹងដាក់ជូនទៅកាន់ក្រសួងអប់រំដើម្បីស្នើសុំបញ្ចូលក្នុងកម្មវិធីសិក្សាតម្កល់នៅរាជ្យបណ្ឌិតសភាកម្ពុជា និងអង្គការយូណេស្តូដើម្បីរក្សាទុកជាប្រវត្តិសាស្ត្រជាតិទៀតផង៕
© រក្សាសិទ្ធិដោយ thmeythmey.com
