កីឡាជាតិ
ជាតិ
ស៊ីហ្គេម៖ គុនដាវ និងវាយកូនឃ្លីលើតុកម្ពុជាមានកម្មវិធីប្រកួតនៅថ្ងៃនេះ
× មួយថ្ងៃមុនពិធីបើកព្រឹត្តិការណ៍កីឡាស៊ីហ្គេមលើកទី២៨ ជាផ្លូវការ កម្ពុជាមានកីឡាពីរប្រភេទដែលត្រូវប្រកួតនៅថ្ងៃទី៤ ខែមិថុនា ឆ្នាំ២០១៥ នេះ គឺកីឡាគុនដាវ និងកីឡាវាយកូនឃ្លីលើតុ។
សម្រាប់កីឡាគុនដាវ កីឡាករកម្ពុជា ជីម ធារ៉ា និង ហង់ ជេដ្ឋា ដែលត្រូវប្រកួតប្រជែងលើវិញ្ញាសា Men’s Individual Foil ដែលមានកីឡាករ១៦នាក់ចូលរួម។ ការប្រកួតប្រព្រឹត្តទៅចាប់ពី៨ និង៣០នាទីព្រឹក នៅសង្វៀន OCBC Arena Hall 2 ។
ជីម ធារ៉ា វ័យ១៧ឆ្នាំ ស្ថិតនៅក្នុង Pool 1 ជាមួយកីឡាករមកពីហ្វីលីពីន ឥណ្ឌូនេស៊ី សឹង្ហបុរី ម៉ាឡេស៊ី និងមីយ៉ាន់ម៉ារ ខណៈ ហង់ ជេដ្ឋា វ័យ២៥ឆ្នាំ តទល់នៅក្នុង Pool 3 ជាមួយកីឡាករមកពីថៃ ម៉ាឡេស៊ី ហ្វីលីពីន និងវៀតណាម។
ដោយឡែកកីឡាវាយកូនឃ្លីលើតុ កីឡាករ ណៃ សារ៉ាវៃ និង លឹម សុខឡុង ត្រូវប្រកួបបង្គ្រប់កិច្ចនៅក្នុងពូលរៀងៗខ្លួនលើវិញ្ញាសាឯកត្តជនផ្នែកបុរស។ សារ៉ាវៃ ជួបកីឡាករឡាវ KongphetPhinitរីឯ សុខឡុង ប៉ះកីឡាករឥណ្ឌូនេស៊ី MaulanaGilang។ ការប្រកួតចាប់ដំណើរការពីម៉ោង១០ និង២០នាទី នៅ Singapore Indoor Stadium ។
© រក្សាសិទ្ធិដោយ thmeythmey.com