ពីនេះ ពីនោះ
×![]()
ដោយ: ថ្មីៗ
រមាស់គូថ ជាបញ្ហាមួយ ដែលវាតែងតែរំខានដល់អ្នកជាខ្លាំង ហើយការរមាស់នេះវាអាចបណ្តាលមកពីកត្តាជាច្រើន ដូចជា ដោយសារតែសារធាតុ នៅក្នុងអាហារដែលយើងបរិភោគ (អាហារដែលហឺរ ទឹកជ្រលក់ហឺរ និងម្ទេស)។ ការរមាស់គូថ ក៏អាចត្រូវបានបង្កឡើងដោយជាតិសំណើមចេះតែបន្តមាននៅក្នុងរន្ធគូថ ដែលបណ្តាលមកពីការរាគរួសញឹកញាប់។
ការមានសំណើមវាធ្វើឱ្យលទ្ធភាពនៃពពួកមេរោគ អាចបង្ករោគបាន ជាពិសេស ចំពោះអ្នកជំងឺទឹកនោមផ្អែម ឬអ្នកជំងឺអេដស៍។ ការព្យាបាលជាមួយឱសថកំចាត់មេរោគ ក៏អាចនាំឱ្យមានការបង្ករោគ និងធ្វើឱ្យរមាស់គូថបានដែរ។ ជំងឺរបកស្បែក ក៏អាច ប៉ះពាល់ធ្វើឱ្យរមាស់គូថ និងការធ្លាយរន្ធគូថ (មានវត្ថុរាវ ធ្លាយចេញតាមជញ្ចាំងរន្ធគូថ)។
មានបញ្ហាផ្សេងទៀតដែលអាចបង្កឱ្យអ្នករមាស់គូថបានដែរ ដូចជា ការមានព្រូនក្នុងរន្ធគូថ មានឬសដូងបាត រហែកជញ្ជាំងរន្ធគូថ និងមានស្បែកដុះលើសក្នុងរន្ធគូថ (លក្ខណៈមិនប្រក្រតី នៃស្បែករបស់គូថ)។
កត្តា ឬមូលហេតុទាំងប៉ុន្មានខាងលើវានឹងអាចបង្ហាញឱ្យអ្នកដឹងថាតើការ រមាស់គូថ វាបណ្តាលមកពីអ្វីខ្លះ ហើយវាក៏ងាយស្រួលសម្រាប់អ្នកក្នុងការបង្ការ ក៏ដូចជាការពារកុំឱ្យមានការរមាស់នេះ៕- sreyneang
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com
