ពីនេះ ពីនោះ
×![]()
ដោយ: ថ្មីៗ
មនុស្សមួយចំនួននៅតែមិនដឹងថា ពាក្យទាំងពីរនេះប្រើក្នុងន័យដូចគ្នា ឬខុសគ្នាយ៉ាងណានោះទេ។ បើតាមវចនានុក្រមខ្មែររបស់សម្តេចព្រះសង្ឃរាជ ជួន ណាត បានបញ្ជាក់ពីអត្ថន័យនៃការប្រើពាក្យពីរនេះខុសគ្នាយ៉ាងដូច្នេះថា៖
ទី១) ពាក្យ «វត្ត» ជានាម មានន័យថា ប្រព្រឹត្តិ, ការប្រព្រឹត្ត, មុខការ, កិច្ចដែលគួរធ្វើ, ការកាន់សីលធម៌, ទំនៀម។ ល។ ឧទាហរណ៍៖ មនុស្សមានវត្តល្អ គឺមនុស្សមានសេចក្តីប្រតិបត្តិល្អ, សិស្សធ្វើវត្តឬយកវត្តគ្រូ គឺសិស្សធ្វើសេចក្តីគោរពចំពោះគ្រូ, វត្តប្រតិបត្តិ គឺការប្រតិបត្តិតាមកិច្ចដែលគួរធ្វើ។ ល។
ទី២) ពាក្យ «វដ្ត» ជាគុណនាម មានន័យថា ដែលវិល, មូល, ដែលជារង់មូល។ បើជានាម មានន័យថា ការវិលទៅមក, ដំណើរវិលកើតវិលស្លាប់, វង់មូល។ ល។ ឧទាហរណ៍៖ វដ្តទុក្ខ គឺទុក្ខសម្រាប់សត្វដែលវិលកើតវិលស្លាប់, វដ្តមូល គឺទីតាំងរបស់វដ្តៈ, វដ្តសង្សារ គឺដំណើរអន្ទោលវិលកើតវិលស្លាប់។ ល៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com
