ជាតិ
មេនសម្រាប់បូជាសពលោក ជា ស៊ីម ទំហំ២៥ម៉ែត្រ៤ជ្រុង ទិដ្ឋភាពសាងសង់មេន នៅរសៀលថ្ងៃទី៩មិថុនា
×
× ទិដ្ឋភាពសាងសង់មេន នៅរសៀលថ្ងៃទី៩មិថុនា
× ក្រុមការងារសាងសង់មេន ឬមេរុ ដែលជាឈាបនដ្ឋានបូជាសពលោក ជា ស៊ីម កំពុងតែមមាញឹកខ្លាំង ដើម្បីអាចបញ្ចប់មេនដ៏ធំមុនថ្ងៃទី១៩ មិថុនា ដែលជាថ្ងៃបូជាសព។
នៅទីធ្លាមុខវត្តបុទុមវត្តីដ៏ធំទូលាយ មេននឹងមានទំហំ ២៥ម៉ែត្រ៤ជ្រុង និងមានកំពស់២៤ម៉ែត្រ។ នេះបើតាមការបញ្ជាក់របស់លោក ឡុង ឌីម៉ង់ អ្នកនាំពាក្យសាលារាជធានីភ្នំពេញ ពីទីតាំងសាងសង់មេន នៅរសៀលថ្ងៃអង្គារនេះ។ អ្នកនាំពាក្យដដែលរៀបរាប់បន្តថា មានរោងបុណ្យ៣ដែលត្រូវសាងសង់ជុំវិញមេននោះ ដែលរោងនីមួយៗអាចទទួលបានភ្ញៀវ៤០០នាក់។ ប៉ុន្តែថា បើតាមលោក ឡុង ឌីម៉ង់ រោងមួយនឹងត្រូវប្រើប្រាស់សម្រាប់ទទួលព្រះសង្ឃ។
«សម្តេច ជា ស៊ីម ជាមនុស្សសំខាន់ បន្ទាប់ពីព្រះមហាក្សត្រ។ យើងត្រូវរៀបចំពិធីឲ្យអធិកអធម ឲ្យស័ក្តសមនឹងឋានៈរបស់សម្តេច»។ នេះជាការពន្យល់របស់មន្ត្រីជាន់ខ្ពស់របស់សាលារាជធានីភ្នំពេញ៕
© រក្សាសិទ្ធិដោយ thmeythmey.com