ជាតិ
សង្គមជាតិ
×![]()
ដោយ: ខន ចំប៉ា
គណៈកម្មការទី៥នៃរដ្ឋសភា នឹងត្រូវទទួលបន្ទុកសិក្សាខ្លឹមសារនៃសេចក្តីព្រាងច្បាប់ស្តីពីអង្គការមិនមែនរដ្ឋាភិបាល និងសមាគម។ ក្នុងពេលសិក្សាលើសេចក្តីព្រាងច្បាប់នេះ នាពេលឆាប់ៗខាងមុខនេះ រដ្ឋសភា ក៏នឹងរៀបចំសិក្ខាសាលាពិគ្រោះយោបល់ជាមួយអង្គការសង្គមស៊ីវិលនិងអ្នកពាក់ព័ន្ធផងដែរ។
នៅព្រឹកថ្ងៃទីអង្គារទី២៣ខែមិថុនានេះ គណៈកម្មការអចិន្ត្រៃយ៍នៃរដ្ឋសភា បានជួបពិភាក្សាគ្នា អំពីសេចក្តីព្រាងច្បាប់ស្តីពីអង្គការមិនមែនរដ្ឋាភិបាល និងសមាគម ដែលបានបញ្ជូនមកដល់ដៃរដ្ឋសភា នៅថ្ងៃទី១៦ខែមិថុនា កាលពីសប្តាហ៍មុន។
លោកឈាង វុន អ្នកនាំពាក្យរដ្ឋសភាជាតិ បានថ្លែងប្រាប់សារព័ត៌មានថ្មីៗ តាមខ្សែទូរសព្ទបន្ទាប់ពីបញ្ចប់កិច្ចប្រជុំថា គណៈកម្មការអចិន្ត្រៃយ៍នៃរដ្ឋសភាបានសម្រេចប្រគល់ភារកិច្ចទៅឲ្យគណៈកម្មការទី៥នៃរដ្ឋសភាទទួលបន្ទុកកិច្ចការបរទេស ជាអ្នកធ្វើការសិក្សាស្រាវជ្រាវ និងពិភាក្សា ព្រមទាំងរាយការណ៍ទៅកាន់រដ្ឋសភា អំពីសេចក្តីព្រាងច្បាប់នេះ ដោយសហការជាមួយនឹងគណៈកម្មការចំនួន២ទៀត គឺគណៈកម្មការទី៤ និងទី៦នៃរដ្ឋសភា។ ប្រធាននៃគណៈកម្មការទី៥នៃរដ្ឋសភាដែលទទួលបន្ទុកសិក្សាលើច្បាប់NGOរូបនេះ បានថ្លែងបន្តថា ៖ «គណៈកម្មការនីមួយៗ និងជួបប្រជុំផ្ទៃក្នុងរៀងៗខ្លួន ហើយពួកយើងនឹងជួបពិភាក្សាគ្នា ដើម្បីស្វែងចំណុចវិជ្ជមាន និងអវិជ្ជមាននៃសេចក្តីព្រាងច្បាប់នេះ»។
នៅក្នុងពេលនៃកិច្ចប្រជុំពិភាក្សា និងសិក្សាស្រាវជ្រាវលើខ្លឹមសារនៃសេចក្តីព្រាងច្បាប់នេះ រដ្ឋសភា ក៏នឹងរៀបចំសិក្ខាសាលាពិគ្រោះយោបល់ជាមួយអង្គការសង្គមស៊ីវិល និងអ្នកពាក់ព័ន្ធ ផងដែរ នាពេលឆាប់ៗខាងមុខនេះ។
លោក ឈាង វុន បញ្ជាក់ថា រដ្ឋសភាមិនអាចពន្យារពេលការអនុម័តសេចក្តីព្រាងច្បាប់នេះតទៅទៀតបានទេ។ លោកថា កម្ពុជាមិនអាចបណ្តោយឲ្យអង្គការសង្គមស៊ីវិលជាង៥ពាន់ដែលមានវត្តមាននៅកម្ពុជា ឲ្យធ្វើសកម្មភាពដោយមិនមានច្បាប់គ្រប់គ្រងនោះឡើយ។
សូមបញ្ជាក់ថា ខណៈរដ្ឋសភាកំពុងតែបើកកិច្ចប្រជុំពិភាក្សាលើច្បាប់NGOដ៏ចម្រូងចម្រាសនៅព្រឹកថ្ងៃអង្គារនេះ ក្រុមអង្គការសង្គមស៊ីវិលរាប់រយ បានជួបជុំគ្នាសម្តែងមតិនៅមុខរដ្ឋសភា និងស្នើឲ្យរដ្ឋសភាបញ្ឈប់ការអនុម័តច្បាប់នេះ។ សេចក្តីព្រាងច្បាប់ស្តីពីអង្គការមិនមែនរដ្ឋាភិបាល និងសមាគម ត្រូវបានរដ្ឋាភិបាល អះអាងថា បង្កើតឡើងដើម្បីលើកស្ទួយការប្រើប្រាស់សិទ្ធិសេរីភាព ក្នុងការបង្កើត អង្គការមិនមែនរដ្ឋាភិបាល និងសមាគម និងលើកកម្ពស់កិច្ចប្រតិបត្តិការជាមួយអង្គការសង្គមស៊ីវិលលើគ្រប់វិស័យ។ តែយ៉ាងណាអង្គការសង្គមស៊ីវិលជាតិ និងអន្តរជាតិ មានការព្រួយបារម្ភថា ច្បាប់នេះអាចរឹតត្បិតសិទ្ធិសេរីភាពរបស់ពួកគេ។ កន្លងមកសង្គមស៊ីវិលទាំងនោះ ក៏ស្នើឲ្យរដ្ឋសភា បើកកិច្ចពិគ្រោះយោបល់ដោយចំហរជាមុនសិនទៅលើសេចក្ដីព្រាងច្បាប់នេះ មុននឹងសភាអនុម័ត។
សេចក្តីព្រាងច្បាប់ចុងក្រោយស្តីពី អង្គការមិនមែនរដ្ឋាភិបាល និងសមាគម មាន៩ជំពូក និង៣៩មាត្រា និងត្រូវបានរដ្ឋាភិបាលអនុម័តនៅ ថ្ងៃទី៥មិថុនាកន្លងទៅ។ រដ្ឋាភិបាលបានសម្រេចកែសម្រួលពាក្យពេចន៍ និងបានដកមាត្រាចំនួនពីរចេញពីសេចក្តីព្រាងច្បាប់នេះ គឺមាត្រាដែលចែងពីការដាក់កំហិតលើការចំណាយថវិការដ្ឋបាលរបស់អង្គការ សមាគម និងនីតិវិធីនៃការចុះបញ្ជីរបស់អង្គការអន្តរជាតិ៕
នៅព្រឹកថ្ងៃទីអង្គារទី២៣ខែមិថុនានេះ គណៈកម្មការអចិន្ត្រៃយ៍នៃរដ្ឋសភា បានជួបពិភាក្សាគ្នា អំពីសេចក្តីព្រាងច្បាប់ស្តីពីអង្គការមិនមែនរដ្ឋាភិបាល និងសមាគម ដែលបានបញ្ជូនមកដល់ដៃរដ្ឋសភា នៅថ្ងៃទី១៦ខែមិថុនា កាលពីសប្តាហ៍មុន។
លោកឈាង វុន អ្នកនាំពាក្យរដ្ឋសភាជាតិ បានថ្លែងប្រាប់សារព័ត៌មានថ្មីៗ តាមខ្សែទូរសព្ទបន្ទាប់ពីបញ្ចប់កិច្ចប្រជុំថា គណៈកម្មការអចិន្ត្រៃយ៍នៃរដ្ឋសភាបានសម្រេចប្រគល់ភារកិច្ចទៅឲ្យគណៈកម្មការទី៥នៃរដ្ឋសភាទទួលបន្ទុកកិច្ចការបរទេស ជាអ្នកធ្វើការសិក្សាស្រាវជ្រាវ និងពិភាក្សា ព្រមទាំងរាយការណ៍ទៅកាន់រដ្ឋសភា អំពីសេចក្តីព្រាងច្បាប់នេះ ដោយសហការជាមួយនឹងគណៈកម្មការចំនួន២ទៀត គឺគណៈកម្មការទី៤ និងទី៦នៃរដ្ឋសភា។ ប្រធាននៃគណៈកម្មការទី៥នៃរដ្ឋសភាដែលទទួលបន្ទុកសិក្សាលើច្បាប់NGOរូបនេះ បានថ្លែងបន្តថា ៖ «គណៈកម្មការនីមួយៗ និងជួបប្រជុំផ្ទៃក្នុងរៀងៗខ្លួន ហើយពួកយើងនឹងជួបពិភាក្សាគ្នា ដើម្បីស្វែងចំណុចវិជ្ជមាន និងអវិជ្ជមាននៃសេចក្តីព្រាងច្បាប់នេះ»។
នៅក្នុងពេលនៃកិច្ចប្រជុំពិភាក្សា និងសិក្សាស្រាវជ្រាវលើខ្លឹមសារនៃសេចក្តីព្រាងច្បាប់នេះ រដ្ឋសភា ក៏នឹងរៀបចំសិក្ខាសាលាពិគ្រោះយោបល់ជាមួយអង្គការសង្គមស៊ីវិល និងអ្នកពាក់ព័ន្ធ ផងដែរ នាពេលឆាប់ៗខាងមុខនេះ។
លោក ឈាង វុន បញ្ជាក់ថា រដ្ឋសភាមិនអាចពន្យារពេលការអនុម័តសេចក្តីព្រាងច្បាប់នេះតទៅទៀតបានទេ។ លោកថា កម្ពុជាមិនអាចបណ្តោយឲ្យអង្គការសង្គមស៊ីវិលជាង៥ពាន់ដែលមានវត្តមាននៅកម្ពុជា ឲ្យធ្វើសកម្មភាពដោយមិនមានច្បាប់គ្រប់គ្រងនោះឡើយ។
សូមបញ្ជាក់ថា ខណៈរដ្ឋសភាកំពុងតែបើកកិច្ចប្រជុំពិភាក្សាលើច្បាប់NGOដ៏ចម្រូងចម្រាសនៅព្រឹកថ្ងៃអង្គារនេះ ក្រុមអង្គការសង្គមស៊ីវិលរាប់រយ បានជួបជុំគ្នាសម្តែងមតិនៅមុខរដ្ឋសភា និងស្នើឲ្យរដ្ឋសភាបញ្ឈប់ការអនុម័តច្បាប់នេះ។ សេចក្តីព្រាងច្បាប់ស្តីពីអង្គការមិនមែនរដ្ឋាភិបាល និងសមាគម ត្រូវបានរដ្ឋាភិបាល អះអាងថា បង្កើតឡើងដើម្បីលើកស្ទួយការប្រើប្រាស់សិទ្ធិសេរីភាព ក្នុងការបង្កើត អង្គការមិនមែនរដ្ឋាភិបាល និងសមាគម និងលើកកម្ពស់កិច្ចប្រតិបត្តិការជាមួយអង្គការសង្គមស៊ីវិលលើគ្រប់វិស័យ។ តែយ៉ាងណាអង្គការសង្គមស៊ីវិលជាតិ និងអន្តរជាតិ មានការព្រួយបារម្ភថា ច្បាប់នេះអាចរឹតត្បិតសិទ្ធិសេរីភាពរបស់ពួកគេ។ កន្លងមកសង្គមស៊ីវិលទាំងនោះ ក៏ស្នើឲ្យរដ្ឋសភា បើកកិច្ចពិគ្រោះយោបល់ដោយចំហរជាមុនសិនទៅលើសេចក្ដីព្រាងច្បាប់នេះ មុននឹងសភាអនុម័ត។
សេចក្តីព្រាងច្បាប់ចុងក្រោយស្តីពី អង្គការមិនមែនរដ្ឋាភិបាល និងសមាគម មាន៩ជំពូក និង៣៩មាត្រា និងត្រូវបានរដ្ឋាភិបាលអនុម័តនៅ ថ្ងៃទី៥មិថុនាកន្លងទៅ។ រដ្ឋាភិបាលបានសម្រេចកែសម្រួលពាក្យពេចន៍ និងបានដកមាត្រាចំនួនពីរចេញពីសេចក្តីព្រាងច្បាប់នេះ គឺមាត្រាដែលចែងពីការដាក់កំហិតលើការចំណាយថវិការដ្ឋបាលរបស់អង្គការ សមាគម និងនីតិវិធីនៃការចុះបញ្ជីរបស់អង្គការអន្តរជាតិ៕
© រក្សាសិទ្ធិដោយ thmeythmey.com
