កីឡាជាតិ
ស្វាយរៀងដំឡើងកីឡាករ៨នាក់ពីឈុតយុវជនឲ្យចូលរួមជាមួយឈុតធំ
× ក្លិបកីឡាបាល់ទាត់ខេត្តស្វាយរៀង នាថ្ងៃទី២៤ ខែមិថុនា នេះ បានបង្ហាញឈ្មោះកីឡាករ៨នាក់ពីក្រុមយុវជនអាយុក្រោម១៩ឆ្នាំឲ្យចូលរួមជាមួយក្រុមឈុតធំក្រោមការដឹកនាំរបស់លោក សំ វ៉ាន់ដេត សម្រាប់ការប្រកួតក្របខណ្ឌមិត្តហ្វូនខេមបូឌានលីកឆ្នាំ២០១៥នាពេលខាងមុខ។
កីឡាករទាំង៨រូបនោះដែលស្វាយរៀងបង្ហាញនៅទំព័រហ្វេសប៊ុកផ្លូវការរបស់ខ្លួន រួមមាន៖
១ ឈិន ឆៃនុត និងក្លាយជាអ្នកចាំទីដៃទី៣ ជំនួសកីឡាករ ប៉ុន ចាន់ឧត្តម ដែលលាឈប់ពីបាល់ទាត់អាជីព។
អ្នកចាំទីវ័យ១៧ឆ្នាំ កម្ពស់១ម៉ែត្រ៧៤ ជាសិស្សថ្នាក់ទី១២ វិទ្យាល័យព្រះយុគន្ធរ លេងតំណាងអោយសាលា និងជាអតីតកីឡាករមកពីក្រសួងការពារជាតិ។
២ ផុន ភារ៉ា ខ្សែបម្រើវ័យ១៧ឆ្នាំ កីឡាករយុវជនក្លិបស្វាយរៀងតាំងពីឆ្នាំ២០១៣ លេងអោយវិទ្យាល័យជាស៊ីម សន្ធរមុខ និងវិទ្យាល័យបាក់ខ្លង ខេត្តកោះកុង ទឹកដីកំណើតរបស់ខ្លួន។
៣ អ៊ុក វ៉ាន់ណេ ខ្សែការពារវ័យ១៨ឆ្នាំ កម្ពស់១ម៉ែត្រ៨០ ជាសិស្សថ្នាក់ទី១១ វិទ្យាល័យវត្តភ្នំ អតីតកីឡាករយុវជនក្រសួងការពារជាតិ។
៤ ម៉េត សុភ័កត្រា ខ្សែការពារវ័យ១៨ឆ្នាំ ជាកីឡាករចេញពីថ្នាលយុវជនក្លិបស្វាយរៀង លោក សំ វ៉ាន់ដេត យកមកហ្វឹកហាត់ជាមួយឈុតធំ រយៈពេល៦ខែមកហើយ ជាសិស្សថ្នាក់ទី១១ វិទ្យាល័យព្រះស៊ីសុវត្ថិ។
៥ ថារី សំណាង ខ្សែការពារវ័យ១៧ឆ្នាំ កម្ពស់១ម៉ែត្រ៧៥ ហ្វឹកហាត់ជាមួយស្វាយរៀងU19 រយះពេល១ឆ្នាំ ពីថ្នាលយុវជនក្រសួងការពារជាតិ។
៦ សឿង ខន្តី ខ្សែការពារវ័យ១៧ឆ្នាំ ថ្នាលយុវជនក្លិបស្វាយរៀង។
៧ ហួន សុវណ្ណពិសិដ្ឋ ថ្នាលយុវជនក្លិបស្វាយរៀង។
៨ គន្ធា រ៉ាវ៉ាន់ ថ្នាលយុវជនក្លិបស្វាយរៀង៕
© រក្សាសិទ្ធិដោយ thmeythmey.com