ជាតិ
សង្គមជាតិ
ក្រសួងអប់រំនឹងបញ្ជូលមេរៀនស្តីពីការប្រឆាំងអំពើពុករលួយក្នុងកម្រិតមធ្យមសិក្សាបឋមភូមិ
×![]()
ក្រសួងអប់រំ យុវជន និងកីឡា និងអង្គភាពប្រឆាំងអំពើពុករលួយ (ACU) បាន សហការគ្នាចងក្រងសៀវភៅមេរៀនការអប់រំប្រឆាំងអំពើពុករលួយ ដាក់បញ្ជូលក្នុងមុខវិជ្ជា ពលរដ្ឋ ឬសិក្សាសង្គមក្នុងកម្រិតមធ្យមសិក្សាបឋមភូមិ ចាប់ពីថ្នាក់ទី៧ ដល់ថ្នាក់៩ បន្ថែមលើជំហានដំបូង ដែលការអប់រំផ្តោតតែលើកម្រិតមធ្យមសិក្សាទុតិយភូមិ (បាក់ឌុប)។ នៅឆ្នាំបន្តបន្ទាប់ ក្រសួងនឹងដាក់ឲ្យអនុវត្តន៍ក្នុងកម្រិតថ្នាក់ឧត្តមសិក្សា និងកម្មវិធីបណ្តុះបណ្តាលវិជ្ជាជីវៈផងដែរ។
នាពិធីបើកវគ្គបណ្តុះបណ្តាលដល់គ្រូបង្គោលប្រឆាំងអំពើពុករលួយ នៅថ្ងៃទី២៤ មិថុនានេះ ប្រធានអង្គភាពប្រឆាំងអំពើពុករលួយ លោក ឱម យ៉ិនទៀង បានថ្លែងថា សៀវភៅអប់រំស្តីពីការប្រឆាំងអំពើពុករលួយ សម្រាប់កម្រិតមធ្យមសិក្សាបឋមភូមិនេះ គ្រោងដាក់ឲ្យអនុវត្តក្នុងកម្មវិធីសិក្សា ចាប់ពីឆ្នាំសិក្សា ២០១៥ ២០១។ ហើយថា សៀវភៅនេះ មានគោលបំណង កសាងធនធានមនុស្សជំនាន់ក្រោយ ឲ្យចូលរួមប្រយុទ្ធប្រឆាំងអំពើពុករលួយ ប្រកាន់ខ្ជាប់នូវភាពស្អាតស្អំ ស្រឡាញ់យុត្តិធម៌ ប្រកាន់សុចរិតភាព តម្លាភាព គោរពច្បាប់ គោរពខ្លួនឯង និងអ្នកដទៃ។
វគ្គបណ្តុះបណ្តាលសៀវភៅអប់រំស្តីពីការប្រឆាំងអំពើពុករលួយ សម្រាប់កម្រិតមធ្យមសិក្សាបឋមភូមិនេះ មានសិក្ខាកាមដែលជាគ្រូបង្គោលមកពីទូទាំងប្រទេសចំនួន៦០រូប។ វគ្គនេះ ប្រព្រឹត្តទៅរយៈពេល ៣ថ្ងៃ ចាប់ពីថ្ងៃទី២៤ ដល់ទី២៦ ខែមិថុនានេះ នៅអង្គភាពប្រឆាំងអំពើពុករលួយ។ បន្ទាប់ពី គ្រូបង្គោលបានជ្រាបពីខ្លឹមសារ និងរបៀបបង្រៀនមេរៀនស្តីពីការប្រឆាំងអំពើពុករលួយ ក្នុងកម្រិតសិក្សាបឋមភូមិរួច ពួកគេនឹងក្លាយជាគ្រូបង្គោល បណ្តុះបណ្តាលបន្តដល់លោកគ្រូអ្នកគ្រូ ដែលត្រូវបង្រៀនមុខវិជ្ជានេះ នៅទូទាំងប្រទេសទូទាំងប្រទេស ចាប់ពីឆ្នាំសិក្សា ២០១៥-២០១៦តទៅ។
គួរបញ្ជាក់ថា កាលពីឆ្នាំសិក្សា ២០១៤-២០១៥ អង្គភាពប្រឆាំងអំពើពុករលួយ និងក្រសួងក្រសួងអប់រំ យុវជន និងកីឡា ក៏បានរួមគ្នារៀបចំសៀវភៅអប់រំស្តីពីការប្រឆាំងអំពើពុករលួយសម្រាប់កម្រិតមធ្យមសិក្សាទុតិយភូមិ ដាក់បញ្ជូលក្នុងកម្មវិធីសិក្សាដែរ៕
នាពិធីបើកវគ្គបណ្តុះបណ្តាលដល់គ្រូបង្គោលប្រឆាំងអំពើពុករលួយ នៅថ្ងៃទី២៤ មិថុនានេះ ប្រធានអង្គភាពប្រឆាំងអំពើពុករលួយ លោក ឱម យ៉ិនទៀង បានថ្លែងថា សៀវភៅអប់រំស្តីពីការប្រឆាំងអំពើពុករលួយ សម្រាប់កម្រិតមធ្យមសិក្សាបឋមភូមិនេះ គ្រោងដាក់ឲ្យអនុវត្តក្នុងកម្មវិធីសិក្សា ចាប់ពីឆ្នាំសិក្សា ២០១៥ ២០១។ ហើយថា សៀវភៅនេះ មានគោលបំណង កសាងធនធានមនុស្សជំនាន់ក្រោយ ឲ្យចូលរួមប្រយុទ្ធប្រឆាំងអំពើពុករលួយ ប្រកាន់ខ្ជាប់នូវភាពស្អាតស្អំ ស្រឡាញ់យុត្តិធម៌ ប្រកាន់សុចរិតភាព តម្លាភាព គោរពច្បាប់ គោរពខ្លួនឯង និងអ្នកដទៃ។
វគ្គបណ្តុះបណ្តាលសៀវភៅអប់រំស្តីពីការប្រឆាំងអំពើពុករលួយ សម្រាប់កម្រិតមធ្យមសិក្សាបឋមភូមិនេះ មានសិក្ខាកាមដែលជាគ្រូបង្គោលមកពីទូទាំងប្រទេសចំនួន៦០រូប។ វគ្គនេះ ប្រព្រឹត្តទៅរយៈពេល ៣ថ្ងៃ ចាប់ពីថ្ងៃទី២៤ ដល់ទី២៦ ខែមិថុនានេះ នៅអង្គភាពប្រឆាំងអំពើពុករលួយ។ បន្ទាប់ពី គ្រូបង្គោលបានជ្រាបពីខ្លឹមសារ និងរបៀបបង្រៀនមេរៀនស្តីពីការប្រឆាំងអំពើពុករលួយ ក្នុងកម្រិតសិក្សាបឋមភូមិរួច ពួកគេនឹងក្លាយជាគ្រូបង្គោល បណ្តុះបណ្តាលបន្តដល់លោកគ្រូអ្នកគ្រូ ដែលត្រូវបង្រៀនមុខវិជ្ជានេះ នៅទូទាំងប្រទេសទូទាំងប្រទេស ចាប់ពីឆ្នាំសិក្សា ២០១៥-២០១៦តទៅ។
គួរបញ្ជាក់ថា កាលពីឆ្នាំសិក្សា ២០១៤-២០១៥ អង្គភាពប្រឆាំងអំពើពុករលួយ និងក្រសួងក្រសួងអប់រំ យុវជន និងកីឡា ក៏បានរួមគ្នារៀបចំសៀវភៅអប់រំស្តីពីការប្រឆាំងអំពើពុករលួយសម្រាប់កម្រិតមធ្យមសិក្សាទុតិយភូមិ ដាក់បញ្ជូលក្នុងកម្មវិធីសិក្សាដែរ៕
© រក្សាសិទ្ធិដោយ thmeythmey.com
