ជាតិ
សង្គមជាតិ
×![]()
ភ្នំពេញ៖ ប្រធានគណបក្សសង្គ្រោះជាតិ លោក សម រង្សី បានប្រកាសរៀបចំពិធីពិសាអាហារស្រាយបួសដល់សាសនិកឥស្លាម នៅដើមខែក្រោយនេះ ហើយដែលកម្មវិធីនេះរៀបចំឡើងនៅគេហដ្ឋានរបស់លោកផ្ទាល់។
មន្ត្រីគណបក្សសង្គ្រោះជាតិទទួលបន្ទុកកិច្ចការខ្មែរឥស្លាមបានឲ្យដឹងថា កម្មវិធីនេះធ្វើឡើងដើម្បីបង្ហាញពីការចូលរួមរបស់ថ្នាក់ដឹកនាំគណបក្សសង្គ្រោះជាតិ និងសហគមន៍ខ្មែរឥស្លាម។ លោក អ៊ីសា អូស្មាន បានពន្យល់ថា កន្លងមកធ្លាប់មានការលើកឡើងថា ថ្នាក់ដឹកនាំបក្សសង្គ្រោះជាតិ មិនយកចិត្តទុកដាក់នឹងខ្មែរឥស្លាម តែផ្ទុយទៅវិញគណបក្សសង្គ្រោះជាតិ តែងយកចិត្តទុកដាក់គ្រប់បណ្តាអ្នកកាន់សាសនា មិនថាសាសនាឥស្លាមឫព្រះពុទ្ធនោះទេ។
ការៀបចំអាហារស្រាយបួសរបស់ថ្នាក់ដឹកនាំសង្គ្រោះជាតិជាលើកទី១នេះ ធ្វើឡើងនៅគេហដ្ឋានផ្ទាល់របស់ប្រធានបក្ស ហើយដែលគ្រោងនឹងមានអ្នកចូលរួមប្រមាណ១០០នាក់។ លោក អូស្មាន ពន្យល់ថា ដោយសារទីតាំងតូច ដូច្នេះក្រៅពីយុវជនដែលរស់នៅទីក្រុងភ្នំពេញ នឹងមានតំណាងសហគមន៍ខ្មែរឥស្លាមតាមបណ្តាខេត្តមួយចំនួនទៀតចូលរួម ដែលក្នុងនោះ មានពីខេត្តត្បួងឃ្មុំ កំពង់ចាម កំពង់ឆ្នាំង បន្ទាយមានជ័យ កណ្តាល តាកែវ និងខេត្តក្រុងមួយចំនួនទៀត។
យ៉ាងណាមិញ លោក អ៊ីសា អូស្មាន បញ្ជាក់ថាការរៀបចំអាហារស្រាយបួសដែលគ្រោងធ្វើនៅថ្ងៃទី៥ កក្កដា ខាងមុខនេះមិនមែនជាលើកចុងក្រោយទេ គឺនៅមានលើកក្រោយៗទៀត ដើម្បីបង្កើនភាពសិ្នទ្ធិស្នាល ក៏ដូចជាការដឹងសុខទុក្ខគ្នារវាងថ្នាក់ដឹកនាំបក្សសង្គ្រោះជាតិ និងសហគមន៍ខ្មែរឥស្លាម។ លោក អូស្មានរៀបរាប់ថា៖« នៅកម្មវិធីនោះ មានការសំណេះសំណាលគ្នា និយាយពីធម៌សាសនាឥស្លាមទាក់ទងនឹងបុណ្យខែរ៉ាម៉ាឌន ហើយក៏មានការសំណេះសំណាលរបស់លោកប្រធានសម រង្សី និងសាសនិកឥស្លាមផងដែរ»។
គួរបញ្ជាក់ថា ក្រៅពីលោក សម រង្សី ដែលបានប្រកាសរៀបចំអាហារស្រាយបួសនឹងសហគមន៍ខ្មែរឥស្លាមហើយនោះ ប្រមុខរដ្ឋាភិបាលកម្ពុជា លោក នាយករដ្ឋមន្ត្រី ហ៊ុន សែន គ្រោងនឹងចូលរួមពិសាអាហារស្រាយជាថ្នាក់ជាតិនៅថ្ងៃស្អែកនេះ នៅសាលសន្និសីទកោះពេជ្រ ហើយដែលគ្រោងនឹងមានអ្នកចូលរួមជាច្រើនរយនាក់។ នេះជាលើកទី២ហើយ ដែលការរៀបចំស្រាយបួសរបស់រដ្ឋាភិបាលឆ្នាំដំបូង ធ្វើឡើងនៅថ្ងៃទី ១៨ កក្កដា ឆ្នាំ២០១៤ ៕
មន្ត្រីគណបក្សសង្គ្រោះជាតិទទួលបន្ទុកកិច្ចការខ្មែរឥស្លាមបានឲ្យដឹងថា កម្មវិធីនេះធ្វើឡើងដើម្បីបង្ហាញពីការចូលរួមរបស់ថ្នាក់ដឹកនាំគណបក្សសង្គ្រោះជាតិ និងសហគមន៍ខ្មែរឥស្លាម។ លោក អ៊ីសា អូស្មាន បានពន្យល់ថា កន្លងមកធ្លាប់មានការលើកឡើងថា ថ្នាក់ដឹកនាំបក្សសង្គ្រោះជាតិ មិនយកចិត្តទុកដាក់នឹងខ្មែរឥស្លាម តែផ្ទុយទៅវិញគណបក្សសង្គ្រោះជាតិ តែងយកចិត្តទុកដាក់គ្រប់បណ្តាអ្នកកាន់សាសនា មិនថាសាសនាឥស្លាមឫព្រះពុទ្ធនោះទេ។
ការៀបចំអាហារស្រាយបួសរបស់ថ្នាក់ដឹកនាំសង្គ្រោះជាតិជាលើកទី១នេះ ធ្វើឡើងនៅគេហដ្ឋានផ្ទាល់របស់ប្រធានបក្ស ហើយដែលគ្រោងនឹងមានអ្នកចូលរួមប្រមាណ១០០នាក់។ លោក អូស្មាន ពន្យល់ថា ដោយសារទីតាំងតូច ដូច្នេះក្រៅពីយុវជនដែលរស់នៅទីក្រុងភ្នំពេញ នឹងមានតំណាងសហគមន៍ខ្មែរឥស្លាមតាមបណ្តាខេត្តមួយចំនួនទៀតចូលរួម ដែលក្នុងនោះ មានពីខេត្តត្បួងឃ្មុំ កំពង់ចាម កំពង់ឆ្នាំង បន្ទាយមានជ័យ កណ្តាល តាកែវ និងខេត្តក្រុងមួយចំនួនទៀត។
យ៉ាងណាមិញ លោក អ៊ីសា អូស្មាន បញ្ជាក់ថាការរៀបចំអាហារស្រាយបួសដែលគ្រោងធ្វើនៅថ្ងៃទី៥ កក្កដា ខាងមុខនេះមិនមែនជាលើកចុងក្រោយទេ គឺនៅមានលើកក្រោយៗទៀត ដើម្បីបង្កើនភាពសិ្នទ្ធិស្នាល ក៏ដូចជាការដឹងសុខទុក្ខគ្នារវាងថ្នាក់ដឹកនាំបក្សសង្គ្រោះជាតិ និងសហគមន៍ខ្មែរឥស្លាម។ លោក អូស្មានរៀបរាប់ថា៖« នៅកម្មវិធីនោះ មានការសំណេះសំណាលគ្នា និយាយពីធម៌សាសនាឥស្លាមទាក់ទងនឹងបុណ្យខែរ៉ាម៉ាឌន ហើយក៏មានការសំណេះសំណាលរបស់លោកប្រធានសម រង្សី និងសាសនិកឥស្លាមផងដែរ»។
គួរបញ្ជាក់ថា ក្រៅពីលោក សម រង្សី ដែលបានប្រកាសរៀបចំអាហារស្រាយបួសនឹងសហគមន៍ខ្មែរឥស្លាមហើយនោះ ប្រមុខរដ្ឋាភិបាលកម្ពុជា លោក នាយករដ្ឋមន្ត្រី ហ៊ុន សែន គ្រោងនឹងចូលរួមពិសាអាហារស្រាយជាថ្នាក់ជាតិនៅថ្ងៃស្អែកនេះ នៅសាលសន្និសីទកោះពេជ្រ ហើយដែលគ្រោងនឹងមានអ្នកចូលរួមជាច្រើនរយនាក់។ នេះជាលើកទី២ហើយ ដែលការរៀបចំស្រាយបួសរបស់រដ្ឋាភិបាលឆ្នាំដំបូង ធ្វើឡើងនៅថ្ងៃទី ១៨ កក្កដា ឆ្នាំ២០១៤ ៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
