ព័ត៍មានសុខភាព
×![]()
ដោយ: ថ្មីៗ
តើអ្នកមានភាពតានតឹងឬទេ? តើអ្នកពិបាកគេងឬទេ? អ្នកអាចដោះស្រាយបញ្ហាទាំងនេះបាន ដោយគ្រាន់តែរួមភេទឲ្យបានជាទៀងទាត់។
ខាងក្រោមនេះ គឺជាហេតុផលមួយចំនួន ដែលអ្នកត្រូវរួមភេទជារៀងរាល់ថ្ងៃ៖
១. ការរួមភេទ អាចកាត់បន្ថយភាពតានតឹងប្រសិនបើអ្នកធ្វើការពេញមួយថ្ងៃ ឬអ្នកកំពុងមានអារម្មណ៍ថាមានភាពតានតឹង នោះការរួមភេទនឹងជួយឲ្យអ្នកបានសម្រាក និងកាត់បន្ថយកម្រិតស្ត្រេសរបស់អ្នកបាន។
២. ការរួមភេទ គឺជាលំហាត់ប្រាណដ៏រីករាយ ការរួមភេទបានធ្វើឲ្យមុខងាររបស់រាងកាយមានការផ្លាស់ប្តូរ ដោយវាបានធ្វើឲ្យចង្វាក់ដកដង្ហើមកើនឡើង ហើយបានដុតបំផ្លាញកាឡូរីនៅក្នុងរាងកាយ។ ប្រសិនបើអ្នករួមភេទ ៣ដងក្នុងមួយសប្តាហ៍ ឲ្យបានទៀងទាត់ អ្នកអាចដុតបំផ្លាញកាឡូរីរហូតដល់ ៧.៥០០កាឡូរី នៅក្នុងមួយឆ្នាំ ដែលស្មើនឹងការរត់ ជិត ១០០គីឡូម៉ែត្រ។
៣. ការរួមភេទ ជួយឲ្យប្រព័ន្ធការពាររាងកាយរឹងមាំការរួមភេទយ៉ាងហោចណាស់ ពីរដងក្នុងមួយសប្តាហ៍ បានជួយបង្កើនអង់ទីករ ឲ្យមានកម្រិតខ្ពស់ជាង អ្នកដែលមិនរួមភេទ។
៤. ការរួមភេទបានជួយឲ្យសម្ពាធឈាមចុះទាប ដែលធ្វើឱ្យអ្នកមានសុខភាពល្អ។
៥. ការរួមភេទ ជួយឲ្យបេះដូងមានសុខភាពល្អជ ការរួមភេទបានជួយដុតបំផ្លាញកាឡូរី នៅក្នុងរាងកាយ ដែលធ្វើឲ្យបេះដូងមានសុខភាពល្អ។ បុរសអាចចៀសផុតពីជំងឺសរសៃឈាមបេះដូង ប្រសិនបើពួកគេរួមភេទឲ្យបានទៀងទាត់នោះ។
៦. ការរួមភេទ ជួយកាត់បន្ថយការឈឺចាប់ ការរួមភេទឲ្យបានទៀងទាត់ អាចជួយកាត់បន្ថយការឈឺចាប់ ការឈឺខ្នង ឬការឈឺក្បាលប្រកាំងជាដើម។
៧. ការរួមភេទ ជួយឲ្យវដ្តរដូវមានភាពទៀងទាត់ វដ្តរដូវអាចមានភាពខុសប្រក្រតីបន្តិចបន្តួច ប្រសិនបើអ្នក មានភាពតានតឹង។ ការរួមភេទ អាចជួយកាត់បន្ថយភាពតានតឹង ដូច្នេះវាអាចជួយឲ្យវដ្តរដូវមានភាពទៀងទាត់។
៨. ការរួមភេទ ជួយឲ្យសាច់ដុំអាងត្រគាក មានភាពល្អប្រសើរជាងមុនការរួមភេទ ជួយឲ្យសាច់ដុំ Quad សាច់ដុំខ្នង និងសាច់ដុំអាងត្រគាក មានភាពរឹងមាំ ហើយអាចជួយឲ្យរោគសញ្ញា នៃការនោមដោយមិនដឹងខ្លួនមានភាពប្រសើរឡើង។
៩. ការរួមភេទ អាចកាត់បន្ថយហានិភ័យ នៃជំងឺមហារីក ជាពិសេស ចំពោះបុរស ប្រសិនបើបុរសរួមភេទ យ៉ាងហោចណាស់ ២១ដងនៅក្នុងមួយខែ នោះអាចកាត់បន្ថយហានិភ័យ នៃជំងឺមហារីកក្រពេញប្រូស្តាតបាន។
១០. ការរួមភេទ ជួយឲ្យគេងលក់ស្រួល ការរួមភេទប្រៀបដូចជាការធ្វើលំហាត់ប្រាណ ដោយវាជួយបង្កើនចង្វាក់បេះដូង ដែលធ្វើឲ្យអ្នកបានសម្រាក។ បន្ថែមពីលើនេះទៀត ក្រោយពីពេលដែលបុរសបញ្ចេញទឹកកាម វាធ្វើឲ្យបុរសអស់កម្លាំង ហើយងងុយគេងខ្លាំង បន្ទាប់ពីរួមភេទ។
១១. ការរួមភេទ ធ្វើឲ្យអ្នកមើលទៅក្មេងជាងអាយុ ១០ឆ្នាំ ប្រសិនបើអ្នករួមភេទបីដង ក្នុងមួយសប្តាហ៍។
ការរួមភេទទៀងទាត់ បានជួយឲ្យអ្នកមានសុខភាពរាងកាយ និងស្មារតីល្អ ដែលជាកត្តាធ្វើឲ្យអ្នកមានអាយុវែង។ បុរសដែលរួមភេទទៀងទាត់ អាចមានអាយុវែងជាង ២ដង នៃអ្នកដែលកម្រនឹងធ្វើការរួមភេទ៕
ផ្តល់សិទ្ធិដោយ៖ www.health.com.kh
© រក្សាសិទ្ធិដោយ thmeythmey.com
