ជាតិ
សង្គមជាតិ
×![]()
អ្នកនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន បានថ្លែងសោកស្ដាយ និងថ្កោលទោសទាំងភាគីកម្ពុជា និងរៀតណាមដែលបានប៉ះទង្គិចគ្នាដោយហិង្សានៅព្រំដែនក្នុងខេត្តស្វាយរៀង។ ពលរដ្ឋ និងព្រះសង្ឃខ្មែរដឹកនាំដោយតំណាងរាស្ត្រគណបក្សសង្គ្រោះជាតិ បានប្រទូសរ៉ាយដោយហិង្សាទល់នឹងប្រជាជនវៀតណាមកាលពីថ្ងៃទី២៨មិថុនា ត្រង់ចំណុចភូមិគោកធ្លក ឃុំត្នោត ស្រុកកំពង់រោទិ៍ ខេត្តស្វាយរៀង។ ភាគីកម្ពុជាបានចោទប្រកាន់ប្រជាជនវៀតណាមថា កំពុងសាងសង់ផ្លូវនៅក្នុងតំបន់ដែលប្រទេសទាំងពីរមិនទាន់ឯកភាពគ្នា។
ការប៉ះទង្គិចគ្នាក្នុងសំណុំរឿងបញ្ហាព្រំដែន រវាងក្រុមអ្នកតំណាងរាស្ត្រ និងពលរដ្ឋខ្មែរ ទល់នឹងប្រជាជនវៀតណាម នៅក្នុងខេត្តស្វាយរៀងនៅរសៀលថ្ងៃទី២៨មិថុនា បានបង្កឲ្យមានការភ្ញាក់ផ្អើលយ៉ាងខ្លាំង ខណៈដែលទំនាស់ព្រំដែនកម្ពុជាវៀតណាមបានកំពុងកើតឡើងក្នុងរយៈពេលប៉ុន្មានសប្តាហ៍ចុងក្រោយនេះ។
អ្នកនាំពាក្យទីស្តីការគណៈរដ្ឋមន្ត្រី លោក ផៃ ស៊ីផាន បានបង្ហាញការសោកស្តាយចំពោះហេតុការណ៍ហិង្សានេះ។ មន្ត្រីរដ្ឋាភិបាលរូបនេះ មិនចង់បន្ទោសក្រុមអ្នកតំណាងរាស្ត្រគណបក្សប្រឆាំងដែលបានដឹកនាំពលរដ្ឋតវ៉ាបញ្ហាព្រំដែននោះទេ ប៉ុន្តែសម្រាប់លោក ការដោះស្រាយបញ្ហាព្រំដែនតាមយន្តការរដ្ឋាភិបាល គឺជារឿងល្អបំផុត។ លោក ផៃ ស៊ីផាន អត្ថាធិប្បាយយ៉ាងដូច្នេះថា៖«យើងលើកកម្ពស់ប្រជាពលរដ្ឋអ្នកស្នេហាជាតិដែលបានស្វះស្វែងការពារព្រំដែន។ តែបញ្ហានេះរដ្ឋាភិបាលប្រទេសទាំងពីរកំពុងដោះស្រាយជាមួយគ្នា។ ដូចនេះបើតំណាងរាស្ត្រគណបក្សសង្គ្រោះជាតិមានឯកសារអ្វីបន្ថែមគួរយកមកឲ្យរដ្ឋាភិបាល។ រដ្ឋាភិបាលកំពុងដោះស្រាយដោយសន្ដិភាព ឈរលើមូលដ្ឋានច្បាប់ និងលិខិតបទដ្ឋានគតិយុត្តិជាធរមាន»។ លោកបន្ថែមថា៖«រដ្ឋាភិបាលនឹងតាមអនុវត្តតាមច្បាប់ជាតិ និងអន្តរជាតិដើម្បីដោះស្រាយបញ្ហាព្រំដែននេះ។ ហើយបើមិនមានលទ្ធផលនោះ ចុងក្រោយរដ្ឋាភិបាលនឹងដាក់ពាក្យទៅអង្គការសហប្រជាជាតិ ឬតុលាការយុត្តិធម៌អន្តរជាតិ ICJ»។
យ៉ាងហោចណាស់ភាគីកម្ពុជា១០នាក់រងរបួស រីឯភាគីវៀតណាមរងរបួស៨នាក់ ក្នុងការប៉ះទង្គិចដោយហិង្សា។ នេះបើយោងតាមរបាយការណ៍របស់អាជ្ញាធរខេត្តស្វាយរៀង។
ប៉ុន្តែនៅក្នុងរបាយការណ៍នោះ អាជ្ញាធរខេត្តស្វាយរៀងប្រកាសមិនទទួលខុសត្រូវចំពោះផ្លូវច្បាប់ លើហេតុការណ៍ប៉ះទង្គិចគ្នានៅព្រំដែនកម្ពុជា-វៀតណាមនេះទេ ដោយសំអាងថា តំណាងរាស្ត្រគណបក្សសង្គ្រោះជាតិបានធ្វើសកម្មភាព ដោយមិនបានផ្ដល់ដំណឹង និងរកកិច្ចសហការជាមួយអាជ្ញាធរមានសមត្ថកិច្ចជាមុន។
មន្ត្រីស៊ើបអង្កេតសិទ្ធិមនុស្សលីកាដូ លោក អំ សំអាត មានប្រសាសន៍ថា ការលើកឡើងរបស់អាជ្ញាធរខេត្តស្វាយរៀងនេះ គឺជាការគេចវេះពីការទទួលខុសត្រូវរបស់ខ្លួនប៉ុណ្ណោះ ព្រោះអាជ្ញាធរមិនបានជួយការពារប្រជាពលរដ្ឋខ្លួនឯង ទើបបណ្ដាលឲ្យមានការប៉ះទង្គិចគ្នានេះ។ លោកបន្ថែមថា៖«អាជ្ញាធរខេត្តស្វាយរៀងគួរតែការពារតំណាងរាស្ត្រ និងប្រជាពលរដ្ឋកម្ពុជា ព្រោះសកម្មភាពរបស់ពួកគេគ្រាន់តែជាដំណើរទស្សនកិច្ច ចង់ដឹងចុះត្រួតពិនិត្យព្រំដែន ក្នុងបូរណភាពទឹកដី និងអធិបតេយ្យភាពរបស់ខ្លួន»។
ការប៉ះទង្គិចគ្នាបណ្ដាលឲ្យមានអ្នករងរបួសនេះ គឺកើតឡើងខណៈដែលតំណាងរាស្ត្របក្សសង្គ្រោះជាតិដែលដឹកនាំដោយលោក រៀល ខេមរិន្ទ្រ និងលោក អ៊ុំ សំអាន ចុះពិនិត្យព្រំដែនខេត្តស្វាយរៀង ត្រង់ចំណុចភូមិគោកធ្លក ឃុំត្នោត ស្រុកកំពង់រោ ខេត្តស្វាយរៀង។ ប្រជាពលរដ្ឋខ្មែរនៅតំបន់នោះចោទថា វៀតណាមបានរំលោភទឹកដីខ្មែរ និងកំពុងធ្វើផ្លូវក្នុងតំបន់ដែលមិនទាន់ឯកភាពគ្នា៕
ការប៉ះទង្គិចគ្នាក្នុងសំណុំរឿងបញ្ហាព្រំដែន រវាងក្រុមអ្នកតំណាងរាស្ត្រ និងពលរដ្ឋខ្មែរ ទល់នឹងប្រជាជនវៀតណាម នៅក្នុងខេត្តស្វាយរៀងនៅរសៀលថ្ងៃទី២៨មិថុនា បានបង្កឲ្យមានការភ្ញាក់ផ្អើលយ៉ាងខ្លាំង ខណៈដែលទំនាស់ព្រំដែនកម្ពុជាវៀតណាមបានកំពុងកើតឡើងក្នុងរយៈពេលប៉ុន្មានសប្តាហ៍ចុងក្រោយនេះ។
អ្នកនាំពាក្យទីស្តីការគណៈរដ្ឋមន្ត្រី លោក ផៃ ស៊ីផាន បានបង្ហាញការសោកស្តាយចំពោះហេតុការណ៍ហិង្សានេះ។ មន្ត្រីរដ្ឋាភិបាលរូបនេះ មិនចង់បន្ទោសក្រុមអ្នកតំណាងរាស្ត្រគណបក្សប្រឆាំងដែលបានដឹកនាំពលរដ្ឋតវ៉ាបញ្ហាព្រំដែននោះទេ ប៉ុន្តែសម្រាប់លោក ការដោះស្រាយបញ្ហាព្រំដែនតាមយន្តការរដ្ឋាភិបាល គឺជារឿងល្អបំផុត។ លោក ផៃ ស៊ីផាន អត្ថាធិប្បាយយ៉ាងដូច្នេះថា៖«យើងលើកកម្ពស់ប្រជាពលរដ្ឋអ្នកស្នេហាជាតិដែលបានស្វះស្វែងការពារព្រំដែន។ តែបញ្ហានេះរដ្ឋាភិបាលប្រទេសទាំងពីរកំពុងដោះស្រាយជាមួយគ្នា។ ដូចនេះបើតំណាងរាស្ត្រគណបក្សសង្គ្រោះជាតិមានឯកសារអ្វីបន្ថែមគួរយកមកឲ្យរដ្ឋាភិបាល។ រដ្ឋាភិបាលកំពុងដោះស្រាយដោយសន្ដិភាព ឈរលើមូលដ្ឋានច្បាប់ និងលិខិតបទដ្ឋានគតិយុត្តិជាធរមាន»។ លោកបន្ថែមថា៖«រដ្ឋាភិបាលនឹងតាមអនុវត្តតាមច្បាប់ជាតិ និងអន្តរជាតិដើម្បីដោះស្រាយបញ្ហាព្រំដែននេះ។ ហើយបើមិនមានលទ្ធផលនោះ ចុងក្រោយរដ្ឋាភិបាលនឹងដាក់ពាក្យទៅអង្គការសហប្រជាជាតិ ឬតុលាការយុត្តិធម៌អន្តរជាតិ ICJ»។
យ៉ាងហោចណាស់ភាគីកម្ពុជា១០នាក់រងរបួស រីឯភាគីវៀតណាមរងរបួស៨នាក់ ក្នុងការប៉ះទង្គិចដោយហិង្សា។ នេះបើយោងតាមរបាយការណ៍របស់អាជ្ញាធរខេត្តស្វាយរៀង។
ប៉ុន្តែនៅក្នុងរបាយការណ៍នោះ អាជ្ញាធរខេត្តស្វាយរៀងប្រកាសមិនទទួលខុសត្រូវចំពោះផ្លូវច្បាប់ លើហេតុការណ៍ប៉ះទង្គិចគ្នានៅព្រំដែនកម្ពុជា-វៀតណាមនេះទេ ដោយសំអាងថា តំណាងរាស្ត្រគណបក្សសង្គ្រោះជាតិបានធ្វើសកម្មភាព ដោយមិនបានផ្ដល់ដំណឹង និងរកកិច្ចសហការជាមួយអាជ្ញាធរមានសមត្ថកិច្ចជាមុន។
មន្ត្រីស៊ើបអង្កេតសិទ្ធិមនុស្សលីកាដូ លោក អំ សំអាត មានប្រសាសន៍ថា ការលើកឡើងរបស់អាជ្ញាធរខេត្តស្វាយរៀងនេះ គឺជាការគេចវេះពីការទទួលខុសត្រូវរបស់ខ្លួនប៉ុណ្ណោះ ព្រោះអាជ្ញាធរមិនបានជួយការពារប្រជាពលរដ្ឋខ្លួនឯង ទើបបណ្ដាលឲ្យមានការប៉ះទង្គិចគ្នានេះ។ លោកបន្ថែមថា៖«អាជ្ញាធរខេត្តស្វាយរៀងគួរតែការពារតំណាងរាស្ត្រ និងប្រជាពលរដ្ឋកម្ពុជា ព្រោះសកម្មភាពរបស់ពួកគេគ្រាន់តែជាដំណើរទស្សនកិច្ច ចង់ដឹងចុះត្រួតពិនិត្យព្រំដែន ក្នុងបូរណភាពទឹកដី និងអធិបតេយ្យភាពរបស់ខ្លួន»។
ការប៉ះទង្គិចគ្នាបណ្ដាលឲ្យមានអ្នករងរបួសនេះ គឺកើតឡើងខណៈដែលតំណាងរាស្ត្របក្សសង្គ្រោះជាតិដែលដឹកនាំដោយលោក រៀល ខេមរិន្ទ្រ និងលោក អ៊ុំ សំអាន ចុះពិនិត្យព្រំដែនខេត្តស្វាយរៀង ត្រង់ចំណុចភូមិគោកធ្លក ឃុំត្នោត ស្រុកកំពង់រោ ខេត្តស្វាយរៀង។ ប្រជាពលរដ្ឋខ្មែរនៅតំបន់នោះចោទថា វៀតណាមបានរំលោភទឹកដីខ្មែរ និងកំពុងធ្វើផ្លូវក្នុងតំបន់ដែលមិនទាន់ឯកភាពគ្នា៕
© រក្សាសិទ្ធិដោយ thmeythmey.com
