កីឡាជាតិ
ជាតិ
×![]()
ដោយ: ថ្មីៗ
លោក ថោង ខុន រដ្ឋមន្ត្រីក្រសួងទេសចរណ៍ នឹងរៀបចំព្រឹត្តិការណ៍កីឡាម៉ារ៉ាតុន ជាលក្ខណៈអន្តរជាតិ ចម្ងាយ១២០គីឡូម៉ែត្រ នៅប្រាសាទអង្គរវត្ត ខេត្តសៀមរាប នៅដើមខែមករា ឆ្នាំ២០១៦ ដើម្បីទាក់ទាញភ្ញៀវទេសចរណ៍ជាតិ និងអន្តរជាតិឲ្យចូលមកទស្សនាកម្ពុជាកាន់តែច្រើន និងដើម្បីបង្ហាញពីសក្តានុពលតំបន់ទេសចរណ៍ ឲ្យពិភពលោកស្គាល់ប្រាសាទអង្គរវត្តរបស់កម្ពុជាកាន់តែច្បាស់។ 
លោក ថោង ខុន រដ្ឋមន្ត្រីក្រសួងទេសចរណ៍បានមានប្រសាសន៍ថា ក្នុងឆ្នាំ២០១៥នេះ អង្គរវត្តបានក្លាយជាទិសដៅទេសចរណ៍លេខ១ នៅលើពិភពលោក ហើយតាមរយៈការរៀបចំកីឡា Ultra Marathon ជាលក្ខណៈអន្តរជាតិនេះ អាចធ្វើឲ្យប្រទេសកម្ពុជា ទទួលបានផលចំណេញច្រើនពីវិស័យទេសចរណ៍ ហើយកម្ពុជានឹងអាចទទួលបាននូវកំណើនភ្ញៀវទេសចរណ៍បរទេសកាន់តែច្រើន ដើម្បីរួមចំណែកបង្កើនចំណួលថវិកាដល់សេដ្ឋកិច្ចជាតិ។ លោករដ្ឋមន្ត្រីបានមានប្រសាសទៀតថា ការរៀបចំព្រឹត្តិការណ៍នេះ ដើម្បីផ្សព្វផ្សាយពីសក្តានុពលតំបន់ទេសចរណ៍នៅកម្ពុជាដល់ភ្ញៀវទេសចរណ៍ជាតិ អន្តរជាតិ ក៏ដូចជាពិភពលោកឲ្យស្គាល់កម្ពុជាកាន់តែច្បាស់ ជាពិសេសបង្ហាញពីភាពល្បីល្បាញ នៃប្រាសាទអង្គរវត្ត។
លោក អាង គឹមអៀង ប្រធានសមាគមទីភ្នាក់ងារទេសចរណ៍កម្ពុជាបានឲ្យដឹងថា ការរៀបចំព្រឹត្តិការណ៍នេះ បានបង្ហាញពីការទាក់ទាញដល់កីឡា និងភ្ញៀវទេសចរបរទេស ឲ្យកាន់តែស្គាល់ប្រាសាទអង្គរវត្តកាន់តែច្បាស់ ។ លោកបានមានប្រសាសន៍ទៀតថា ការរៀបចំកីឡាម៉ារ៉ាតុននេះ កម្ពុជានឹងទទួលបានផលប្រយោជន៍កាន់តែច្រើនពីវិស័យទេសចរណ៍ ដូចជាការលក់សំបុត្រជូនភ្ញៀវទេសចរ សណ្ឋាគារ និងភោជនីយដ្ឋាន ជាពិសេសបង្កើតការងារ ជូនប្រជាពលរដ្ឋកម្ពុជាកាន់តែច្រើនថែមទៀត។
ក្រសួងធ្លាប់បានរៀបចំព្រឹត្តិការណ៍កីឡាបានជាច្រើនលើកមកហើយ ដែលទទួលបានជោគជ័យជាបន្តបន្ទាប់ ហើយនៅចុងឆ្នាំ២០១៥ ក្រសួងគ្រោងនឹងរៀបចំព្រឹត្តិការណ៍កីឡាចំនួនពីរបន្ថែមទៀត ទាក់ទងនិងការប្រកួតរត់ពាក់កណ្តាលម៉ារ៉ាតុន និងការរត់ម៉ារ៉ាតុននៅក្នុងតំបន់អង្គរ៕
ប្រភព៖AKP
លោក ថោង ខុន រដ្ឋមន្ត្រីក្រសួងទេសចរណ៍បានមានប្រសាសន៍ថា ក្នុងឆ្នាំ២០១៥នេះ អង្គរវត្តបានក្លាយជាទិសដៅទេសចរណ៍លេខ១ នៅលើពិភពលោក ហើយតាមរយៈការរៀបចំកីឡា Ultra Marathon ជាលក្ខណៈអន្តរជាតិនេះ អាចធ្វើឲ្យប្រទេសកម្ពុជា ទទួលបានផលចំណេញច្រើនពីវិស័យទេសចរណ៍ ហើយកម្ពុជានឹងអាចទទួលបាននូវកំណើនភ្ញៀវទេសចរណ៍បរទេសកាន់តែច្រើន ដើម្បីរួមចំណែកបង្កើនចំណួលថវិកាដល់សេដ្ឋកិច្ចជាតិ។ លោករដ្ឋមន្ត្រីបានមានប្រសាសទៀតថា ការរៀបចំព្រឹត្តិការណ៍នេះ ដើម្បីផ្សព្វផ្សាយពីសក្តានុពលតំបន់ទេសចរណ៍នៅកម្ពុជាដល់ភ្ញៀវទេសចរណ៍ជាតិ អន្តរជាតិ ក៏ដូចជាពិភពលោកឲ្យស្គាល់កម្ពុជាកាន់តែច្បាស់ ជាពិសេសបង្ហាញពីភាពល្បីល្បាញ នៃប្រាសាទអង្គរវត្ត។
លោក អាង គឹមអៀង ប្រធានសមាគមទីភ្នាក់ងារទេសចរណ៍កម្ពុជាបានឲ្យដឹងថា ការរៀបចំព្រឹត្តិការណ៍នេះ បានបង្ហាញពីការទាក់ទាញដល់កីឡា និងភ្ញៀវទេសចរបរទេស ឲ្យកាន់តែស្គាល់ប្រាសាទអង្គរវត្តកាន់តែច្បាស់ ។ លោកបានមានប្រសាសន៍ទៀតថា ការរៀបចំកីឡាម៉ារ៉ាតុននេះ កម្ពុជានឹងទទួលបានផលប្រយោជន៍កាន់តែច្រើនពីវិស័យទេសចរណ៍ ដូចជាការលក់សំបុត្រជូនភ្ញៀវទេសចរ សណ្ឋាគារ និងភោជនីយដ្ឋាន ជាពិសេសបង្កើតការងារ ជូនប្រជាពលរដ្ឋកម្ពុជាកាន់តែច្រើនថែមទៀត។
ក្រសួងធ្លាប់បានរៀបចំព្រឹត្តិការណ៍កីឡាបានជាច្រើនលើកមកហើយ ដែលទទួលបានជោគជ័យជាបន្តបន្ទាប់ ហើយនៅចុងឆ្នាំ២០១៥ ក្រសួងគ្រោងនឹងរៀបចំព្រឹត្តិការណ៍កីឡាចំនួនពីរបន្ថែមទៀត ទាក់ទងនិងការប្រកួតរត់ពាក់កណ្តាលម៉ារ៉ាតុន និងការរត់ម៉ារ៉ាតុននៅក្នុងតំបន់អង្គរ៕
ប្រភព៖AKP
© រក្សាសិទ្ធិដោយ thmeythmey.com
