ព័ត៍មានសុខភាព
សុខភាព៖ ការរាំងរដូវអាចបណ្តាលមកពីបញ្ហាប្រដាប់ភេទ
×
រាំងរដូវ គឺជាការបាត់ មិនមានឈាមរដូវ អាចម្តង ឬច្រើនខែ។ ស្ត្រីដែលបាត់រដូវយ៉ាងហោចណាស់ចំនួនបីដង ឬក្មេងស្រីដែលមិនទាប់ចាប់ផ្តើមមករដូវនៅអាយុ ១៥ឆ្នាំនេះ អាចចាត់ទុកថា មានបញ្ហារាំងរដូវ។ មូលហេតុចំបងបំផុតនៃការរាំងរដូវ គឺការមានផ្ទៃពោះ។ ចំណែកឯមូលហេតុផ្សេងទៀតនៃការាំងរដូវ អាចរួមមានបញ្ហាសរីរាង្គបន្តពូជឬបញ្ហាក្រពេញដែលជួយគ្រប់គ្រងកម្រិតអ័រម៉ូនស្ត្រី។ ចំពោះបញ្ហា ដែលជាប់ទាក់ទងនឹងសរីរាង្គបន្តពូជខុសប្រក្រតី អាចមានដូចជា៖
១) ការមានកោសិកាក្រិនៗក្នុងស្បូន៖ លក្ខខណ្ឌដែលធ្វើអោយជាលិកាឡើងក្រិន នៅក្នុងស្រទាប់ខាងក្នុងនៃស្បូនពេលខ្លះអាចកើតមានឡើងបន្ទាប់ពីការវះកាត់សម្រាលកូន ឬការព្យាបាល ការមានដុំសាច់ក្នុងស្បូន។ ការមានកោសិកាក្រិនលើស្បូន រារាំងការកើនឡើងនៃស្រទាប់សាច់ស្បូន ដែលជាហេតុធ្វើអោយរាំងរដូវ។
២) គ្មានសរីរាង្គបន្តពូជ៖ ពេលខ្លះមានបញ្ហាកើតឡើងក្នុងអំឡុងពេលអភិវឌ្ឍន៍រាងកាយរបស់ទារកក្នុងផ្ទៃម្តាយ ដែលនាំឱ្យក្មេងស្រី អាចកើតមកដោយគ្មានផ្នែកណាមួយដ៏សំខាន់នៃប្រព័ន្ធបន្តពូជដូចជាស្បូនមាត់ស្បូនឬទ្វារមាស។ ដោយសារតែប្រព័ន្ធបន្តពូជរបស់នាង មិនបានអភិវឌ្ឍន៍តាមធម្មតាបាន នាងមិនអាចមានរដូវបានឡើយ។
៣) ភាពខុសប្រក្រតីរបស់ទ្វារមាស៖ ការស្ទះទ្វារមាសអាចបង្អាក់ការហូរឈាមរដូវ។ ភ្នាស ឬជញ្ជាំង អាចនឹងមានវត្តមាននៅក្នុងទ្វារមាស ហើយនឹងរារាំងលំហូរឈាមពីស្បូននិងកស្បូនបាន៕
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com