អន្តរជាតិ
នយោបាយអន្តរជាតិ
ក្រិកសុំជំនួយថ្មីពីតំបន់អឺរ៉ូ ដោយសន្យាអនុវត្តកំណែទម្រង់នៅសប្តាហ៍ក្រោយ
×![]()
ដើម្បីទទួលបានជំនួយថ្មី និងចៀសវាងមិនអោយក្រិកដើរចេញពីតំបន់អឺរ៉ូ នាយករដ្ឋមន្ត្រីក្រិក អាឡិចស៊ិស ស៊ិសប្រាស បានសន្យាបង្ហាញសំណើកំណែទម្រង់ថ្មីៗ ដល់ម្ចាស់បំណុលនៅថ្ងៃព្រហស្បតិ៍នេះ ជាកំណែទម្រង់មានលក្ខណៈច្បាស់លាស់ និងត្រឹមត្រូវយុត្តិធម៌។ ថ្ងៃពុធម្សិលមិញ ក្រិកបានស្នើសុំគំរោងជំនួយថ្មីសម្រាប់រយៈពេល៣ឆ្នាំ ដោយបានសន្យាថា នឹងអនុវត្តនូវវិធានការកែទម្រង់ពន្ធនិងប្រាក់ចូលនិវត្តន៍ ចាប់ពីសប្តាហ៍ក្រោយនេះតែម្តង។
ពលរដ្ឋក្រិកបោះឆ្នោតបដិសេធសំណើម្ចាស់បំណុល កាលពីថ្ងៃអាទិត្យសប្តាហ៍មុន មិនមែនមានន័យថា ពួកគេចង់ដើរចេញពីតំបន់អឺរ៉ូទេ តែគឺពួកគេមិនអាចទទួលសំណើម្ចាស់បំំណុលដែលរឹតបន្តឹងដល់ជីវភាពរស់នៅពួកគេ។ សំណើម្ចាស់បំណុលហាក់បានជាន់ឈ្លីមើលងាយពលរដ្ឋក្រិកពេក។ ដើម្បីចៀសមិនអោយក្រិកដកខ្លួនពីតំបន់អឺរ៉ូ និងទទួលបានកំចីថ្មី សម្រាប់រយៈពេល៣ឆ្នាំខាងមុខ ថ្ងៃព្រហស្បតិ៍នេះ រដ្ឋាភិបាលក្រិកនឹងបង្ហាញសំណើកំណែទម្រង់ថ្មី ដែលមានលក្ខណៈជាក់ស្តែង និងយកជាការបាន ជាសំណើដែលត្រឹមត្រូវ និងយុត្តិធម៌សម្រាប់សង្គមក្រិក។
ម្សិលមិញ រដ្ឋមន្ត្រីហិរញ្ញវត្ថុក្រិកថ្មី គឺលោក Euclide Tsakolotos បានសរសេរលិខិតទៅចលនាស្ថិរភាពហិរញ្ញវត្ថុ ហៅកាត់ថា MES ជាផ្នែកទទួលបន្ទុកគ្រប់គ្រងវិបត្តិហិរញ្ញវត្ថុតំបន់អឺរ៉ូ។ លោកTsakolotos សរសរសុំខ្ចីប្រាក់តំបន់អឺរ៉ូសម្រាប់ពេល៣ឆ្នាំទៀត ដោយសន្យាចាត់អោយមានកំណែទម្រង់និងវិធានការដែលធានាអោយហិរញ្ញវត្ថុសាធារណៈក្រិកមានស្ថិរភាព។ គួរបញ្ជាក់ថា លោកEuclide Tsakolotos បានឡើងកាន់តំណែងជារដ្ឋមន្ត្រីហិរញ្ញវត្ថុក្រិក កាលពីថ្ងៃចន្ទ បន្តពីលោក Yanis Varousfakis។ លោកVarousfakis បានសម្រេចចុះពីតំណែង ដោយសារលោកយល់ច្បាស់ថា ម្ចាស់បំណុលមិនពេញចិត្តនឹងអត្តចរិតដ៏មានៈរបស់លោក ក្នុងពេលចរចាកន្លងមកទេ។
តាំងពីថ្ងៃអង្គារមក បណ្តាប្រទេសអឺរ៉ុបកំពុងតែពិភាក្សាគ្នាបន្ទាន់នៅក្រុងព្រុចសែល ដើម្បីសម្រេចអោយបាននៅថ្ងៃអាទិត្យចុងសប្តាហ៍នេះ នូវគំរោងជំនួយថ្មី សម្រាប់ក្រិក ធ្វើយ៉ាងណាមិនអោយក្រិកដកខ្លួនពីតំបន់អឺរ៉ូ៕
ពលរដ្ឋក្រិកបោះឆ្នោតបដិសេធសំណើម្ចាស់បំណុល កាលពីថ្ងៃអាទិត្យសប្តាហ៍មុន មិនមែនមានន័យថា ពួកគេចង់ដើរចេញពីតំបន់អឺរ៉ូទេ តែគឺពួកគេមិនអាចទទួលសំណើម្ចាស់បំំណុលដែលរឹតបន្តឹងដល់ជីវភាពរស់នៅពួកគេ។ សំណើម្ចាស់បំណុលហាក់បានជាន់ឈ្លីមើលងាយពលរដ្ឋក្រិកពេក។ ដើម្បីចៀសមិនអោយក្រិកដកខ្លួនពីតំបន់អឺរ៉ូ និងទទួលបានកំចីថ្មី សម្រាប់រយៈពេល៣ឆ្នាំខាងមុខ ថ្ងៃព្រហស្បតិ៍នេះ រដ្ឋាភិបាលក្រិកនឹងបង្ហាញសំណើកំណែទម្រង់ថ្មី ដែលមានលក្ខណៈជាក់ស្តែង និងយកជាការបាន ជាសំណើដែលត្រឹមត្រូវ និងយុត្តិធម៌សម្រាប់សង្គមក្រិក។
ម្សិលមិញ រដ្ឋមន្ត្រីហិរញ្ញវត្ថុក្រិកថ្មី គឺលោក Euclide Tsakolotos បានសរសេរលិខិតទៅចលនាស្ថិរភាពហិរញ្ញវត្ថុ ហៅកាត់ថា MES ជាផ្នែកទទួលបន្ទុកគ្រប់គ្រងវិបត្តិហិរញ្ញវត្ថុតំបន់អឺរ៉ូ។ លោកTsakolotos សរសរសុំខ្ចីប្រាក់តំបន់អឺរ៉ូសម្រាប់ពេល៣ឆ្នាំទៀត ដោយសន្យាចាត់អោយមានកំណែទម្រង់និងវិធានការដែលធានាអោយហិរញ្ញវត្ថុសាធារណៈក្រិកមានស្ថិរភាព។ គួរបញ្ជាក់ថា លោកEuclide Tsakolotos បានឡើងកាន់តំណែងជារដ្ឋមន្ត្រីហិរញ្ញវត្ថុក្រិក កាលពីថ្ងៃចន្ទ បន្តពីលោក Yanis Varousfakis។ លោកVarousfakis បានសម្រេចចុះពីតំណែង ដោយសារលោកយល់ច្បាស់ថា ម្ចាស់បំណុលមិនពេញចិត្តនឹងអត្តចរិតដ៏មានៈរបស់លោក ក្នុងពេលចរចាកន្លងមកទេ។
តាំងពីថ្ងៃអង្គារមក បណ្តាប្រទេសអឺរ៉ុបកំពុងតែពិភាក្សាគ្នាបន្ទាន់នៅក្រុងព្រុចសែល ដើម្បីសម្រេចអោយបាននៅថ្ងៃអាទិត្យចុងសប្តាហ៍នេះ នូវគំរោងជំនួយថ្មី សម្រាប់ក្រិក ធ្វើយ៉ាងណាមិនអោយក្រិកដកខ្លួនពីតំបន់អឺរ៉ូ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
