ពីនេះ ពីនោះ
តើមានរឿងអ្វីខ្លះ ដែលអ្នកគួរតែប្រាប់ស្វាមីអ្នក ក្រោយពេលដែលរៀបការរួច?
× អ្នកគួរតែប្រាប់រឿងទាំងនេះដល់ប្តីអ្នក បើពុំដូច្នេះទេ អ្នកទាំងពីរអាចឈ្លោះគ្នា ដោយសាររឿងទាំងនេះបាន។ តើមានរឿងអ្វីខ្លះ?
1. អ្នកគួរតែប្រាប់គេថា កាដូ មិនស្ថិតលើតម្លៃទេ តែវាស្ថិតលើចិត្តទៅវិញទេ ឱ្យតែគេមានចិត្ត គឺបានហើយ ដើម្បីកុំឱ្យគេយល់ថា អ្នកចូលចិត្តតែរបស់ថ្លៃ។
2. អ្នកត្រូវតែប្រាប់គេថា តាមពិត មនុស្សស្រី ក៏ទុកការងារជាធំដែរ ហើយស្រឡាញ់ការងារទៀតផង ដូចនេះ ពេលដែលអ្នកទៅធ្វើការ ប្តីអ្នក នឹងមិនឃាត់ឡើយ។
3. អ្នកត្រូវតែឱ្យគេដឹងថា អ្នកត្រូវការឱ្យគេស្តាប់អ្នកបកស្រាយ នៅពេលដែលគេខឹង ហើយពេលដែលឈ្លោះគ្នា ត្រូវតែចេះរំងាប់អារម្មណ៍រៀងៗខ្លួន ទើបមិនបែកបាក់មនោសញ្ចេតនា។
4. អ្នកត្រូវតែនិយាយប្រាប់គេថា ពេលខ្លះ អ្នកក៏ត្រូវការចេញទៅក្រៅ ជាមួយមិត្តភក្តិអ្នកដែរ ដើម្បីពេលដែលអ្នកចេញទៅដើរលេង គេមិនរករឿងអ្នក។
5. អ្នកត្រូវតែប្រាប់គេមុនថា ការងារផ្ទះ ត្រូវតែចែកគ្នាធ្វើ ព្រោះអ្នកទាំងពីរ សុទ្ធតែមានការងារធ្វើរៀងៗខ្លួន សុទ្ធតែនឿយហត់ដូចគ្នា នោះអ្នកនឹងមិនងាយឈ្លោះគ្នា ព្រោះតែរឿងតូចតាចទាំងនេះ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com