ជាតិ
×![]()
អ្នកវិភាគនយោបាយ យល់ថា ផែនទីដែលរដ្ឋាភិបាលបានស្នើខ្ចីពីអង្គការសហប្រជាជាតិ (UN )តែមិនទាន់រកឃើញនោះ អាចជាហេតុផលមួយត្រឹមត្រូវ។ តែហេតុផលរកមិនឃើញនេះ អ្នកវិភាគនយោបាយយល់ថា អាចមកពីអង្គការសហប្រជាជាតិ ខ្វះបច្ចេកទេសថែរក្សាឯកសារ ឬ មកពីមេដឹកនាំជំនាន់មុនមិនបានយកទៅដាក់នៅអង្គការសហប្រជាជាតិ។
លោក សុខ ទូច អ្នកវិភាគនយោបាយ យល់ថា អង្គការសហប្រជាជាតិ ដែលមិនទាន់រកឃើញផែនទីប្រគល់មកឲ្យរដ្ឋាភិបាលកម្ពុជាខ្ចីបាននោះ គឺអាចមកពីការកង្វះបច្ចេកទេសនៅក្នុងការទុកដាក់ថែរក្សាផែនទី។ លោក សុខ ទូច សង្ស័យថា បើសិនជាអង្គការសហប្រជាជាតិរកផែនទីកម្ពុជាមិនឃើញនោះ មានន័យថា ប្រហែលជាមេដឹកនាំកម្ពុជាជំនាន់មុន មិនមានឯកសារផែនទីយកទៅតម្កល់ទុកនៅអង្គការសហប្រជាជាតិ។ «ទិដ្ឋភាពនេះខ្ញុំយល់ថាមានចំណុចមួយចំនួន ទី១ អាចមេដឹកនាំជំនាន់មុន ដាក់ផែនទីទៅUN ហើយ តែខ្វះការថែរក្សា ដែលធ្វើឲ្យចាស់ ឬ បាត់។ ទី២ អាចមកពីមេដឹកនាំជំនាន់មិនមានផែនទីយកទៅតម្កល់ទុកនៅUN តែប្រាប់ប្រជាពលរដ្ឋថាមានផែនទីតម្កល់ទុក និងទី៣ អាច UN រកផែនទីនោះមិនទាន់ឃើញពិតមែន»។ នេះជាការពន្យល់របស់លោក សុខ ទូច។
ដោយឡែកលោក អ៊ូ វីរៈ អ្នកវិភាគនយោបាយ មានការភ្ញាក់ផ្អើលដែរនៅពេលឮថាអង្គការសហប្រជាជាតិរកផែនទីកម្ពុជាមិនទាន់ឃើញ ខណៈដែលស្ថាប័នមួយនេះមានប្រព័ន្ធគ្រប់គ្រងត្រឹមត្រូវ។ តែយ៉ាងណា លោកជឿថា ផែនទីដែលកម្ពុជាបានតម្កល់នៅអង្គការសហប្រជាជាតិ អាចមិនទាន់រកឃើញនេះ អាចជាហេតុផលមួយត្រឹមត្រូវដែរ ដោយសារអង្គការសហប្រជាជាតិ ជាកន្លែងតម្កល់ទុកឯកសារផែនទីពិភពលោកទាំងអស់។
ទាក់ទងនឹងផែនទី ដែលរដ្ឋាភិបាលស្នើសុំខ្ចីពីអង្គការសហប្រជាជាតិនោះ លោក ហ៊ុន សែន បញ្ជាក់នៅព្រឹកថ្ងៃទី១៦ កក្កដានេះ ថា ខាងភាគីអង្គការសហប្រជាជាតិ មិនទាន់រកឃើញផែនទីនោះឡើយ។
កាលពីថ្ងៃ១៥កក្កដា លោកនាយករដ្ឋមន្ត្រីខ្មែរ ហ៊ុន សែន បានសរសេរលិខិតចំនួន៣ ទៅប្រធានាធិបតីនៃសហរដ្ឋអាមេរិក លោក បារ៉ាក់ អូបាម៉ា ទៅប្រធានាធិបតីបារាំង ហ្វ្រង់ស័រ ហូឡង់ និងនាយករដ្ឋមន្ត្រីអង់គ្លេស ដេវីត ខេមេរ៉ុន ដើម្បីស្នើសុំចម្លងផែនទីរបស់កម្ពុជាជាមួយវៀតណាម ដែលរដ្ឋាភិបាលកម្ពុជាគិតថាប្រទេសមហាអំណាចទាំង៣នេះរក្សាទុកដល់សព្វថ្ងៃនេះ។
ប្រមុខរដ្ឋាភិបាលក្រុងភ្នំពេញបានផ្ញើលិខិតចេញទៅរដ្ឋាភិបាលនៃប្រទេសមហាអំណាចទាំង៣ នេះ ដើម្បីស្នើសុំខ្ចីផែនទីដែលប្រទេសទាំងអស់សុទ្ធតែមានតាំងពីដើមទស្សវត្សរ៍ឆ្នាំ១៩៦០ ដើម្បីយកមកផ្ទៀងផ្ទាត់ជាមួយផែនទីខ្នាត ១/១០០ ០០០ ដែលបោះពុម្ពដោយក្រុមភូមិសាស្ត្រឥណ្ឌូចិន ហើយដែលកម្ពុជាកំពុងប្រើប្រាស់ក្នុងការកំណត់ និងបោះបង្គោលព្រំដែនជាមួយប្រទេសវៀតណាម។
ចំពោះលិខិតចំនួន៣នេះ អ្នកវិភាគលោក សុខ ទូច និងលោក អ៊ូ វីរៈ យល់ថា លោកនាយករដ្ឋមន្ត្រី ហ៊ុន សែន កំពុងបង្ហាញថា ខ្លួនមិនបានប្រើប្រាស់ផែនទីក្លែងក្លាយឡើយ ហើយក៏មិននៅស្ងៀមក្នុងការដោះស្រាយបញ្ហាព្រំដែនដែរ។ ហើយរដ្ឋាភិបាលក៏ចង់បញ្ចប់ទំនាស់ខ្មែរនិងខ្មែរ ដើម្បីរួបរួមសាមគ្គីគ្នាឡើងវិញ ។ ជាពិសេសយកផែនទីមកផ្ចាញ់អ្នកចោទរដ្ឋាភិបាលថា ប្រើប្រាស់ផែនទីក្លែងក្លាយ៕
លោក សុខ ទូច អ្នកវិភាគនយោបាយ យល់ថា អង្គការសហប្រជាជាតិ ដែលមិនទាន់រកឃើញផែនទីប្រគល់មកឲ្យរដ្ឋាភិបាលកម្ពុជាខ្ចីបាននោះ គឺអាចមកពីការកង្វះបច្ចេកទេសនៅក្នុងការទុកដាក់ថែរក្សាផែនទី។ លោក សុខ ទូច សង្ស័យថា បើសិនជាអង្គការសហប្រជាជាតិរកផែនទីកម្ពុជាមិនឃើញនោះ មានន័យថា ប្រហែលជាមេដឹកនាំកម្ពុជាជំនាន់មុន មិនមានឯកសារផែនទីយកទៅតម្កល់ទុកនៅអង្គការសហប្រជាជាតិ។ «ទិដ្ឋភាពនេះខ្ញុំយល់ថាមានចំណុចមួយចំនួន ទី១ អាចមេដឹកនាំជំនាន់មុន ដាក់ផែនទីទៅUN ហើយ តែខ្វះការថែរក្សា ដែលធ្វើឲ្យចាស់ ឬ បាត់។ ទី២ អាចមកពីមេដឹកនាំជំនាន់មិនមានផែនទីយកទៅតម្កល់ទុកនៅUN តែប្រាប់ប្រជាពលរដ្ឋថាមានផែនទីតម្កល់ទុក និងទី៣ អាច UN រកផែនទីនោះមិនទាន់ឃើញពិតមែន»។ នេះជាការពន្យល់របស់លោក សុខ ទូច។
ដោយឡែកលោក អ៊ូ វីរៈ អ្នកវិភាគនយោបាយ មានការភ្ញាក់ផ្អើលដែរនៅពេលឮថាអង្គការសហប្រជាជាតិរកផែនទីកម្ពុជាមិនទាន់ឃើញ ខណៈដែលស្ថាប័នមួយនេះមានប្រព័ន្ធគ្រប់គ្រងត្រឹមត្រូវ។ តែយ៉ាងណា លោកជឿថា ផែនទីដែលកម្ពុជាបានតម្កល់នៅអង្គការសហប្រជាជាតិ អាចមិនទាន់រកឃើញនេះ អាចជាហេតុផលមួយត្រឹមត្រូវដែរ ដោយសារអង្គការសហប្រជាជាតិ ជាកន្លែងតម្កល់ទុកឯកសារផែនទីពិភពលោកទាំងអស់។
ទាក់ទងនឹងផែនទី ដែលរដ្ឋាភិបាលស្នើសុំខ្ចីពីអង្គការសហប្រជាជាតិនោះ លោក ហ៊ុន សែន បញ្ជាក់នៅព្រឹកថ្ងៃទី១៦ កក្កដានេះ ថា ខាងភាគីអង្គការសហប្រជាជាតិ មិនទាន់រកឃើញផែនទីនោះឡើយ។
កាលពីថ្ងៃ១៥កក្កដា លោកនាយករដ្ឋមន្ត្រីខ្មែរ ហ៊ុន សែន បានសរសេរលិខិតចំនួន៣ ទៅប្រធានាធិបតីនៃសហរដ្ឋអាមេរិក លោក បារ៉ាក់ អូបាម៉ា ទៅប្រធានាធិបតីបារាំង ហ្វ្រង់ស័រ ហូឡង់ និងនាយករដ្ឋមន្ត្រីអង់គ្លេស ដេវីត ខេមេរ៉ុន ដើម្បីស្នើសុំចម្លងផែនទីរបស់កម្ពុជាជាមួយវៀតណាម ដែលរដ្ឋាភិបាលកម្ពុជាគិតថាប្រទេសមហាអំណាចទាំង៣នេះរក្សាទុកដល់សព្វថ្ងៃនេះ។
ប្រមុខរដ្ឋាភិបាលក្រុងភ្នំពេញបានផ្ញើលិខិតចេញទៅរដ្ឋាភិបាលនៃប្រទេសមហាអំណាចទាំង៣ នេះ ដើម្បីស្នើសុំខ្ចីផែនទីដែលប្រទេសទាំងអស់សុទ្ធតែមានតាំងពីដើមទស្សវត្សរ៍ឆ្នាំ១៩៦០ ដើម្បីយកមកផ្ទៀងផ្ទាត់ជាមួយផែនទីខ្នាត ១/១០០ ០០០ ដែលបោះពុម្ពដោយក្រុមភូមិសាស្ត្រឥណ្ឌូចិន ហើយដែលកម្ពុជាកំពុងប្រើប្រាស់ក្នុងការកំណត់ និងបោះបង្គោលព្រំដែនជាមួយប្រទេសវៀតណាម។
ចំពោះលិខិតចំនួន៣នេះ អ្នកវិភាគលោក សុខ ទូច និងលោក អ៊ូ វីរៈ យល់ថា លោកនាយករដ្ឋមន្ត្រី ហ៊ុន សែន កំពុងបង្ហាញថា ខ្លួនមិនបានប្រើប្រាស់ផែនទីក្លែងក្លាយឡើយ ហើយក៏មិននៅស្ងៀមក្នុងការដោះស្រាយបញ្ហាព្រំដែនដែរ។ ហើយរដ្ឋាភិបាលក៏ចង់បញ្ចប់ទំនាស់ខ្មែរនិងខ្មែរ ដើម្បីរួបរួមសាមគ្គីគ្នាឡើងវិញ ។ ជាពិសេសយកផែនទីមកផ្ចាញ់អ្នកចោទរដ្ឋាភិបាលថា ប្រើប្រាស់ផែនទីក្លែងក្លាយ៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
