ជាតិ
សង្គមជាតិ
×![]()
ដោយ: ថ្មីៗ
ភ្នំពេញ៖ ក្រុមការងារទ្វេភាគីកម្ពុជា និងវៀតណាម បានឯកភាពគ្នានឹងមិនឱ្យមានឧប្បត្តិហេតុហិង្សាកើតឡើង ដូចថ្ងៃទី២៨ ខែមិថុនា ឆ្នាំ២០១៥។ ការឯកភាពគ្នានេះ ធ្វើឡើងបន្ទាប់ពីភាគីទាំងពីរចុះពិនិត្យ នៅបង្គោលព្រំដែនលេខ ២០២-២០៣ នៅស្រុកកំពង់រោទិ៍ ខេត្តស្វាយរៀង នៅថ្ងៃទី១៦ កក្កដានេះ។
យោងតាមការប្រកាសលទ្ធផលរួម ក្រុមការងារភាគីទាំងពីរកម្ពុជា និងវៀតណាមបានអះអាងថា គោរពរាល់សទ្ធិសញ្ញាកិច្ចព្រមព្រៀង ដែលបានចុះហត្ថលេខាហើយ និងសេចក្តីប្រកាសព័ត៌មានរួមកម្ពុជា និងវៀតណាម ថ្ងៃទី១៧ ខែមករា ឆ្នាំ១៩៩៥ ព្រមទាំងទប់ស្កាត់ឧប្បត្តិហេតុហិង្សាកើតឡើងរវាងកម្ពុជា-វៀតណាម ដូចថ្ងៃទី២៨ ខែមិថុនា។ ការឯកភាពនេះ ភាគីកម្ពុជាដឹកនាំដោយ លោក ឡុង វិសាឡូ រដ្ឋលេខាធិការក្រសួងការបរទេស និងភាគីវៀតណាមដឹកនាំដោយ លោក ង្វៀន អាញ់យុង អនុប្រធានគណៈកម្មាធិការព្រំដែនរដ្ឋ នៃក្រសួងការបរទេសវៀតណាម។
គួរបញ្ជាក់ផងដែរ នៅថ្ងៃទី១៦ ខែកក្កដានេះ កម្ពុជាស្នើឲ្យវៀតណាមរក្សាភាពស្ងប់ស្ងាត់តាមព្រំដែន ស្របពេលកំពុងមានបញ្ហាដែរ។ មន្ត្រីជាន់ខ្ពស់នៃកងកម្លាំងការពារព្រំដែនប្រទេសកម្ពុជា លោកនាយឧត្តមសេនីយ៍ ដាំ វុទ្ធី អគ្គស្នងការរងនគរបាលជាតិ និងមេបញ្ជាការកងទ័ពការពារព្រំដែនវៀតណាម លោក វ៉ ត្រុងវៀត បានឯកភាពគ្នានឹងខិតខំទប់ស្កាត់ រាល់អំពើហិង្សា នៅតាមបន្ទាត់ព្រំដែនរវាងប្រជាជនប្រទេសទាំងពីរ។ ទន្ទឹមគ្នានោះ ភាគីកម្ពុជាបានស្នើឲ្យភាគីវៀតណាមបន្តភាពស្ងៀមស្ងាត់នៅតាមខ្សែបន្ទាត់ព្រំដែន។
គួរកត់សម្គាល់ដែរថា ការឯកភាពគ្នានេះ ធ្វើឡើងមុនពេលដែលតំណាងរាស្ត្រមកពីគណបក្សសង្គ្រោះជាតិ លោក រៀល ខេមរិន្ទ្រ គ្រោងដឹកនាំប្រជាជនជាង ២ពាន់នាក់ ចុះទៅពិនិត្យបង្គោលព្រំដែនលេខ ២០២-២០៣ នៅស្រុកកំពង់រោទិ៍ ខេត្តស្វាយរៀង នៅថ្ងៃទី១៩ ខែកក្កដានេះម្តងទៀត៕
យោងតាមការប្រកាសលទ្ធផលរួម ក្រុមការងារភាគីទាំងពីរកម្ពុជា និងវៀតណាមបានអះអាងថា គោរពរាល់សទ្ធិសញ្ញាកិច្ចព្រមព្រៀង ដែលបានចុះហត្ថលេខាហើយ និងសេចក្តីប្រកាសព័ត៌មានរួមកម្ពុជា និងវៀតណាម ថ្ងៃទី១៧ ខែមករា ឆ្នាំ១៩៩៥ ព្រមទាំងទប់ស្កាត់ឧប្បត្តិហេតុហិង្សាកើតឡើងរវាងកម្ពុជា-វៀតណាម ដូចថ្ងៃទី២៨ ខែមិថុនា។ ការឯកភាពនេះ ភាគីកម្ពុជាដឹកនាំដោយ លោក ឡុង វិសាឡូ រដ្ឋលេខាធិការក្រសួងការបរទេស និងភាគីវៀតណាមដឹកនាំដោយ លោក ង្វៀន អាញ់យុង អនុប្រធានគណៈកម្មាធិការព្រំដែនរដ្ឋ នៃក្រសួងការបរទេសវៀតណាម។
គួរបញ្ជាក់ផងដែរ នៅថ្ងៃទី១៦ ខែកក្កដានេះ កម្ពុជាស្នើឲ្យវៀតណាមរក្សាភាពស្ងប់ស្ងាត់តាមព្រំដែន ស្របពេលកំពុងមានបញ្ហាដែរ។ មន្ត្រីជាន់ខ្ពស់នៃកងកម្លាំងការពារព្រំដែនប្រទេសកម្ពុជា លោកនាយឧត្តមសេនីយ៍ ដាំ វុទ្ធី អគ្គស្នងការរងនគរបាលជាតិ និងមេបញ្ជាការកងទ័ពការពារព្រំដែនវៀតណាម លោក វ៉ ត្រុងវៀត បានឯកភាពគ្នានឹងខិតខំទប់ស្កាត់ រាល់អំពើហិង្សា នៅតាមបន្ទាត់ព្រំដែនរវាងប្រជាជនប្រទេសទាំងពីរ។ ទន្ទឹមគ្នានោះ ភាគីកម្ពុជាបានស្នើឲ្យភាគីវៀតណាមបន្តភាពស្ងៀមស្ងាត់នៅតាមខ្សែបន្ទាត់ព្រំដែន។
គួរកត់សម្គាល់ដែរថា ការឯកភាពគ្នានេះ ធ្វើឡើងមុនពេលដែលតំណាងរាស្ត្រមកពីគណបក្សសង្គ្រោះជាតិ លោក រៀល ខេមរិន្ទ្រ គ្រោងដឹកនាំប្រជាជនជាង ២ពាន់នាក់ ចុះទៅពិនិត្យបង្គោលព្រំដែនលេខ ២០២-២០៣ នៅស្រុកកំពង់រោទិ៍ ខេត្តស្វាយរៀង នៅថ្ងៃទី១៩ ខែកក្កដានេះម្តងទៀត៕
© រក្សាសិទ្ធិដោយ thmeythmey.com
