ជាតិ
នយោបាយជាតិ
×![]()
អ្នកនាំពាក្យអង្គភាពព័ត៌មាន និងប្រតិកម្មរហ័ស នៃទីស្តីការគណៈរដ្ឋមន្ត្រី ចោទប្រធានគណបក្សសង្គ្រោះជាតិលោក សម រង្ស៊ី ដែលបានទិញផែនទីកម្ពុជាពីផ្សារនៃប្រទេសបារាំងក្នុងតម្លៃ ១៦៨ ដុល្លារ ថា ជាទង្វើដែលមានចេតនាអាក្រក់ក្នុងការបន្ទាបបន្ថោក បន្ដុះបង្អាប់នូវតម្លៃការងាររបស់រដ្ឋាភិបាលដែលបានប្រសូត្រចេញពីការបោះឆ្នោត។ការប្រតិកម្មនេះ ធ្វើឡើងបន្ទាប់ពីលោក សម រង្ស៊ី បានសរសេរនៅលើទំព័រហ្វេសប៊ុករបស់ខ្លួនថា ផែនទីបារាំង មុនឆ្នាំ ១៩៥៣ ខ្នាត ១/១០០.០០០ បង្ហាញពីព្រំដែនកម្ពុជា-វៀតណាម ទាំង ២៦ ផ្ទាំង ដែលមានដាក់លក់នៅប្រទេសបារាំង ក្នុងតម្លៃ១៦៨ ដុល្លារអាមេរិក ។ 
សេចក្តីថ្លែងការណ៍របស់អ្នកនាំពាក្យអង្គភាពព័ត៌មាន និងទីស្តីការគណៈរដ្ឋមន្ត្រី ចេញផ្សាយនៅថ្ងៃទី ១៧ ខែ កក្កដា ចាត់ទុកទង្វើរបស់លោក សម រង្ស៊ីថា ជាការបន្ថោកតម្លៃនៃអធិបតេយ្យ និងបូរណភាពទឹកដីរបស់ព្រះរាជាណាចក្រកម្ពុជាផងដែរ និងមានចេតនាបង្ហាញឲ្យឃើញថា ផែនទីដែលទិញនៅតាមផ្សារនេះ មានតម្លៃថ្លៃជាងផែនទីផ្លូវការដែលរដ្ឋាភិបាល បាននិងកំពុងប្រើ និងជាងផែនទីដែលអាចមានរក្សាទុកនៅប្រទេសមហាអំណាចទាំង៣ទៅទៀត។
ទីស្ដីការគណៈរដ្ឋមន្ត្រី យល់ថា ទង្វើដែលមានគ្មានការទទួលខុសត្រូវរបស់លោក សម រង្ស៊ី គឺអាចមានតម្លៃស្មើទៅនឹងការប្រមាថយ៉ាងធ្ងន់ធ្ងរចំពោះអធិបតេយ្យភាព បូរណភាពទឹកកម្ពុជា។ ទន្ទឹមនឹងនេះទីស្តីការគណៈរដ្ឋមន្ត្រី ស្នើឲ្យលោក សម រង្ស៊ី បញ្ឈប់នូវការយកព្រំដែន ក៏ដូចជាយកផែនទីនៅទីផ្សារមកធ្វើជាល្បែងនយោបាយ ដើម្បីបំភ័ន្តសាធារណមតិក្នុងផលប្រយោជន៍នយោបាយរបស់ខ្លួន ។
លោក សម រង្ស៊ី ប្រធានគណបក្សសង្គ្រោះជាតិ បានសរសេរលើទំព័រហ្វេសបុករបសខ្លួនកាលពីថ្ងៃទី១៦ កក្កដា ថា ផែនទីបារាំង មុនឆ្នាំ ១៩៥៣ ខ្នាត ១/១០០.០០០ បង្ហាញពីព្រំដែនកម្ពុជា-វៀតណាម ទាំង ២៦ ផ្ទាំង ដែលទាំងអស់គ្នាចង់បានពេលនេះ មានដាក់លក់នៅប្រទេសបារាំង ក្នុងតម្លៃ ១៥៣,៩១ Euros ស្មើនឹង ១៦៨ ដុល្លារអាមេរិក។ លោកថា គណបក្សសង្គ្រោះជាតិ បានទិញផែនទីទាំង ២៦ ផ្ទាំង (វិក័យបត្រភ្ជាប់មកជាមួយនេះ) យកមកបង្ហាញ ប្រជាពលរដ្ឋខ្មែរទូទាំងប្រទេស។ ច្បាប់ដើមនៃផែនទីនេះ មានតែមួយច្បាប់គត់ ដែលតម្កល់ទុក នៅប្រទេសបារាំង។ អ្វីដែលគេដាក់លក់នោះ គឺជាច្បាប់ចម្លងតាមប្រព័ន្ធអេឡិចត្រូនិក ដែលដាក់បញ្ជូលក្នុង DVD (រូបថតភ្ជាប់មកជាមួយនេះ) ដែលគេធានាជាផ្លូវការថា ដូចច្បាប់ដើម ។
កាលពីថ្ងៃ១៥កក្កដា លោកនាយករដ្ឋមន្ត្រីខ្មែរ ហ៊ុន សែន បានសរសេរលិខិតចំនួន៣ ទៅប្រធានាធិបតីនៃសហរដ្ឋអាមេរិក លោក បារ៉ាក់ អូបាម៉ា ទៅប្រធានាធិបតីបារាំង ហ្វ្រង់ស័រ ហូឡង់ និងនាយករដ្ឋមន្ត្រីអង់គ្លេស ដេវីត ខេមេរ៉ុន ដើម្បីស្នើសុំផ្ទៀងផ្ទាត់ និងចម្លងផែនទីរបស់កម្ពុជាជាមួយវៀតណាម ដែលរដ្ឋាភិបាលកម្ពុជាគិតថាប្រទេសមហាអំណាចទាំង៣នេះរក្សាទុកដល់សព្វថ្ងៃនេះ ខណៈដែលអង្គការសហប្រជាជាតិ មិនទាន់រកឃើញផែនទីកម្ពុជា ប្រគល់ឲ្យរដ្ឋាភិបាលខ្ចី៕
សេចក្តីថ្លែងការណ៍របស់អ្នកនាំពាក្យអង្គភាពព័ត៌មាន និងទីស្តីការគណៈរដ្ឋមន្ត្រី ចេញផ្សាយនៅថ្ងៃទី ១៧ ខែ កក្កដា ចាត់ទុកទង្វើរបស់លោក សម រង្ស៊ីថា ជាការបន្ថោកតម្លៃនៃអធិបតេយ្យ និងបូរណភាពទឹកដីរបស់ព្រះរាជាណាចក្រកម្ពុជាផងដែរ និងមានចេតនាបង្ហាញឲ្យឃើញថា ផែនទីដែលទិញនៅតាមផ្សារនេះ មានតម្លៃថ្លៃជាងផែនទីផ្លូវការដែលរដ្ឋាភិបាល បាននិងកំពុងប្រើ និងជាងផែនទីដែលអាចមានរក្សាទុកនៅប្រទេសមហាអំណាចទាំង៣ទៅទៀត។
ទីស្ដីការគណៈរដ្ឋមន្ត្រី យល់ថា ទង្វើដែលមានគ្មានការទទួលខុសត្រូវរបស់លោក សម រង្ស៊ី គឺអាចមានតម្លៃស្មើទៅនឹងការប្រមាថយ៉ាងធ្ងន់ធ្ងរចំពោះអធិបតេយ្យភាព បូរណភាពទឹកកម្ពុជា។ ទន្ទឹមនឹងនេះទីស្តីការគណៈរដ្ឋមន្ត្រី ស្នើឲ្យលោក សម រង្ស៊ី បញ្ឈប់នូវការយកព្រំដែន ក៏ដូចជាយកផែនទីនៅទីផ្សារមកធ្វើជាល្បែងនយោបាយ ដើម្បីបំភ័ន្តសាធារណមតិក្នុងផលប្រយោជន៍នយោបាយរបស់ខ្លួន ។
លោក សម រង្ស៊ី ប្រធានគណបក្សសង្គ្រោះជាតិ បានសរសេរលើទំព័រហ្វេសបុករបសខ្លួនកាលពីថ្ងៃទី១៦ កក្កដា ថា ផែនទីបារាំង មុនឆ្នាំ ១៩៥៣ ខ្នាត ១/១០០.០០០ បង្ហាញពីព្រំដែនកម្ពុជា-វៀតណាម ទាំង ២៦ ផ្ទាំង ដែលទាំងអស់គ្នាចង់បានពេលនេះ មានដាក់លក់នៅប្រទេសបារាំង ក្នុងតម្លៃ ១៥៣,៩១ Euros ស្មើនឹង ១៦៨ ដុល្លារអាមេរិក។ លោកថា គណបក្សសង្គ្រោះជាតិ បានទិញផែនទីទាំង ២៦ ផ្ទាំង (វិក័យបត្រភ្ជាប់មកជាមួយនេះ) យកមកបង្ហាញ ប្រជាពលរដ្ឋខ្មែរទូទាំងប្រទេស។ ច្បាប់ដើមនៃផែនទីនេះ មានតែមួយច្បាប់គត់ ដែលតម្កល់ទុក នៅប្រទេសបារាំង។ អ្វីដែលគេដាក់លក់នោះ គឺជាច្បាប់ចម្លងតាមប្រព័ន្ធអេឡិចត្រូនិក ដែលដាក់បញ្ជូលក្នុង DVD (រូបថតភ្ជាប់មកជាមួយនេះ) ដែលគេធានាជាផ្លូវការថា ដូចច្បាប់ដើម ។
កាលពីថ្ងៃ១៥កក្កដា លោកនាយករដ្ឋមន្ត្រីខ្មែរ ហ៊ុន សែន បានសរសេរលិខិតចំនួន៣ ទៅប្រធានាធិបតីនៃសហរដ្ឋអាមេរិក លោក បារ៉ាក់ អូបាម៉ា ទៅប្រធានាធិបតីបារាំង ហ្វ្រង់ស័រ ហូឡង់ និងនាយករដ្ឋមន្ត្រីអង់គ្លេស ដេវីត ខេមេរ៉ុន ដើម្បីស្នើសុំផ្ទៀងផ្ទាត់ និងចម្លងផែនទីរបស់កម្ពុជាជាមួយវៀតណាម ដែលរដ្ឋាភិបាលកម្ពុជាគិតថាប្រទេសមហាអំណាចទាំង៣នេះរក្សាទុកដល់សព្វថ្ងៃនេះ ខណៈដែលអង្គការសហប្រជាជាតិ មិនទាន់រកឃើញផែនទីកម្ពុជា ប្រគល់ឲ្យរដ្ឋាភិបាលខ្ចី៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
