ពីនេះ ពីនោះ
ស្គាល់ខ្លួនឯងច្បាស់ ជាគ្រឹះឆ្ពោះទៅរកភាពជោគជ័យនៅក្នុងជីវិត
× ភាពជោគជ័យតែងតែរង់ចាំមនុស្សដែលមានចំណេះដឹង និងមានគោលដៅជីវិតច្បាស់។ មនុស្សគ្រប់រូបសុទ្ធតែចង់ទទួលបានជោគជ័យនៅក្នុងជីវិត ប៉ុន្តែ ភាពជោគជ័យដែលពួកគេ ស្រមៃចង់បាននោះ បានរសាត់បន្តិចម្តងៗរហូតធ្វើឲ្យពួកគេបាក់ទឹកចិត្តវិញក៏មានដែរ ព្រោះតែពួកគេមិនបានស្វែងយល់ពីខ្លួនឯងច្បាស់ និងមិនមានគោលដៅជីវិតពិតប្រាកដ។ តើត្រូវស្គាល់ខ្លួនឯងយ៉ាងដូចម្តេច? តើត្រូវធ្វើយ៉ាងដូចម្តេច ទើបទទួលបានជោគជ័យនៅក្នុងជីវិត?
១/ ស្គាល់ខ្លួនឯង គឺត្រូវដឹងពីចំណង់ចំណូលចិត្ត ទេព្យកោសល្យខ្លួនឯង ចំណុចខ្លាំងនិងចំណុចខ្សោខ្លួនឯងឲ្យបានច្បាស់។
២/ កំណត់គោលដៅសម្រាប់ជីវិត និងរៀបចំផែនការសកម្មភាពសម្រាប់អនុវត្តន៍ពីមួយជំហានទៅមួយជំហានឲ្យបានច្បាស់។
៣/ មានការតាំងចិត្តខ្ពស់ និងចេះលើកទឹកចិត្តខ្លួនឯង ហើយត្រូវបង្កើតជំនឿលើខ្លួនឯងឲ្យបានកាន់តែច្រើន។
៤/ បង្កើតគំនិត និងទស្សនៈបែបវិជ្ជមាន ជាជាងគិតឬមើលឃើញតែបញ្ហា។ ប្រសិនជាមើលឃើញឬជួបនឹងបញ្ហា ត្រូវតែចាប់ផ្តើមដោះស្រាយបញ្ហានោះដោយមិនទុកយូរឡើយ។
៥/ មានទំនាក់ទំនងល្អជាមួយអ្នកដទៃ។ អ្នកត្រូវគិតថា មនុស្សប្រភេទណាដែលអ្នកចង់សេពគប់ឬរាប់រកជាមួយ។
៦/ ឲ្យតម្លៃលើពេលវេលា ដោយត្រូវធ្វើសកម្មទាំងឡាយណា ដែលទាក់ទិននឹងគោលដៅរបស់អ្នក។
៧/ អនុវត្តន៍សកម្មភាពប្រចាំថ្ងៃឲ្យស្របនឹងផែនការដែលអ្នកបានកំណត់។ រួចឆ្លុះបញ្ចាំងទៅនឹងសកម្មភាពទាំងនោះ ប្រសិនបើមានបញ្ហាឬមិនទទួលបានជោគជ័យទេ ត្រូវរៀបចំរបៀបធ្វើជាថ្មីទៀត រហូតទទួលបានជោគជ័យពិតប្រាកដ៕
© រក្សាសិទ្ធិដោយ thmeythmey.com