កីឡាអន្តរជាតិ
អន្តរជាតិ
Beckham ផ្តល់ការភ្ញាក់ផ្អើលដល់គ្រួសារមួយតាមរយៈការចែក iPhones និងលុយ១០ម៉ឺនដុល្លារ
× អតីតខ្សែបម្រើជម្រើសជាតិអង់គ្លេស David Beckham បានផ្លាស់ប្តូរជីវិតគ្រួសារមួយនៅក្នុងរដ្ឋកាលីហ្វរនីញ៉ា សហរដ្ឋអាមេរិក តាមរយៈការផ្តល់ទូរសព្ទ iPhones ថ្មីដល់សមាជិកគ្រួសារទាំងអស់ រួមជាមួយទឹកប្រាក់១០ម៉ឺនដុល្លារអាមេរិក។ អំណោចដ៏ភ្ញាក់ផ្អើលរបស់ Beckham គឺជាផ្នែកមួយនៃកម្មវិធី Knock Knock: Live របស់ទូរទស្សន៍ Fox ក្រោមការរៀបចំរបស់ Ryan Seacrest ដែលជាមិត្តភក្តិរបស់លោក។
នៅតាមរយៈវីដេអូ គេសង្កេតឃើញថា Beckham បានទៅដល់ផ្ទះគ្រួសារលោក Victor Gonzalez ដែលជាអតីតកីឡាករបាល់ទាត់អាជីពម្នាក់នៅក្នុងប្រទេសម៉ិកស៊ិក ហើយបានផ្លាស់ប្តូរការងារទៅធ្វើសំណង់ដើម្បីចិញ្ចឹមគ្រួសារ។ លោក Victor ដែលមានភរិយាឈ្មោះ Claudia ធ្លាប់បានព្យាយាមដើម្បីទៅលេងឲ្យក្លិប LA Galaxy ផងដែរ ប៉ុន្តែបរាជ័យ។
Beckham មានការកោតសរសើរយ៉ាងខ្លាំងពីការតស៊ូររបស់គ្រួសារមួយនេះ ដោយលោកបានលើកឡើងថា វាមានលក្ខណៈស្រដៀងនឹងឆាកជីវិតគ្រួសាររបស់លោកពីមុនមកដែរ៕
© រក្សាសិទ្ធិដោយ thmeythmey.com