ជាតិ
សង្គមជាតិ
ព្រឹទ្ធសភាអនុម័តសេចក្តីព្រាងច្បាប់ស្តីពី NGO ដោយគ្មានកែប្រែចំណុចណាឡើយ
×![]()
ភ្នំពេញ៖ សមាជិកព្រឹទ្ធសភាមកពីគណបក្សប្រជាជនកម្ពុជាចំនួន ៤៤រូប បានអនុម័តសេចក្តីព្រាងច្បាប់ស្តីពី សមាគម និងអង្គការមិនមែនរដ្ឋាភិបាល (LANGO) ជាឯកច្ឆន្ទក្នុងសំឡង ៤៤/ ៤៤ ដោយពុំមានការកែសម្រួលខ្លឹមសារអ្វីទាំងអស់ ក្នុងសម័យប្រជុំពេញអង្គលើកទី៧ នីតិកាលទី៣ នៅថ្ងៃទី២៤ ខែកក្កដា។ ស្របពេលការអនុម័តនេះដែរ តំណាង NGO ព្រះសង្ឃ សកម្មជនសិទ្ធិ និងដីធ្លីជាង ២០០អង្គនាក់ បានមកប្រមូលផ្តុំគ្នា នៅខាងមុខព្រឹទ្ធសភា ទាមទារឲ្យច្រានចោលការពិនិត្យពិភាក្សាសេចក្តីព្រាងច្បាប់ស្តីពី NGO ដែលពួកគេចាត់ថា ជាការរឹតត្បិតសិទ្ធិសេរីភាបញ្ចេញមតិ នៃដំណើការការងារសមាគម និងអង្គការក្រៅរដ្ឋាភិបាល។
សមាជិកព្រឹទ្ធសភាមកពីគណបក្ស CPP ចំនួន ៤៤នាក់ អនុម័តសេចក្តីព្រាងច្បាប់ស្តីពី សមាគម និងអង្គការមិនមែនរដ្ឋាភិបាលជាឯកច្ឆន្ទ ទោះបីជាតំណាង NGO ទាំងជាតិ និងអន្តរជាតិ ព្រមទាំងសកម្មជនដីធ្លី និងសិទ្ធិមនុស្សទាមទារឲ្យពន្យាការអនុម័ត និងបន្តពិនិត្យក៏ដោយ។ ការអនុម័តដោយការលើកដៃបោះឆ្នោតជាកញ្ចប់ ត្រូវបានរៀបចំឡើងភ្លាម បន្ទាប់ពីបទអន្តរាគមន៍លើសេចក្តីថ្លែងហេតុបញ្ជាក់ពីហេតុផល និងគោលបំណង នៃការធ្វើច្បាប់ពីសមាជិកព្រឹទ្ធសភាចំនួន ៨នាក់ អស់រយៈពេលជាង ៨ម៉ោង ក្រោមវត្តមានប្រធានព្រឹទ្ធសភា លោក សាយ ឈុំ។ ស្របពេលដែរ សមាជិកព្រឹទ្ធសភាមកពីគណបក្សប្រឆាំងទាំង ១១នាក់ ធ្វើពហិកា ក្នុងការអនុម័ត។
អ្នកនាំពាក្យព្រឹទ្ធសភា លោក ម៉ម ប៊ុននាង និយាយថា ព្រឹទ្ធសភាមិនបានកែសម្រួល ខ្លឹមសារក្នុងសេចក្តី ព្រាងច្បាប់ស្តីពី NGO ទេ ពោលគឺ ព្រឹទ្ធសភា ទទួលខ្លឹមសារទាំងស្រុង ដូចអ្វីដែល រដ្ឋសភា បានអនុម័ត កាលពីថ្ងៃទី១៣ ខែកក្កដា ឆ្នាំ២០១៥ នាសម័យប្រជុំ រដ្ឋសភាលើកទី៤ នីតិកាលទី៥ កន្លងទៅ។ ជាមួយគ្នានេះ អ្នកនាំពាក្យរូប អះអាងថា៖«សេចក្តីព្រាងច្បាប់ស្តីពី NGOនេះ គឺចែងស្របតាមរដ្ឋធម្មនុញ្ញ ច្បាប់ជាតិ និងអន្តរជាតិទាំងអស់ ដែលជាច្បាប់កំពុងអនុវត្តក្នុងប្រទេសប្រជាធិបតេយ្យ»។
ជាមួយគ្នានេះ លោក ប៉ុល លឹម រដ្ឋលេខាធិការក្រសួងមហាផ្ទៃ បានថ្លែងការពារថា សេចក្តីព្រាងច្បាប់នេះ មានគោលបំណងធានាការពារសិទ្ធិសេរីភាព ក្នុងការបង្កើតសមាគម និងអង្គការមិនមែនរដ្ឋាភិបាល នៅប្រទេសកម្ពុជា ដើម្បីការពារផលប្រយោជន៍ស្របច្បាប់របស់ NGO។ លោកបន្តថា ច្បាប់នេះ នឹង ការពារផលប្រយោជន៍សាធារណៈ ព្រមទាំងលើកកម្ពស់កិច្ចសហប្រតិបត្តិការ ក្នុងភាពជាដៃគូរវាង NGO ជាមួយនឹងអាជ្ញាធរសាធារណៈ ក្នុងគោលដៅអភិវឌ្ឍសង្គម។
បើតាមអ្នកនាំពាក្យព្រឹទ្ធសភា លោក ម៉ម ប៊ុននាង បន្ទាប់ពីព្រឹទ្ធសភាអនុម័តរួច សេចក្តីព្រាងច្បាប់នេះ នឹងដាក់ថ្វាយជូនព្រះមហាក្សត្រ ដើម្បីទ្រង់ឡាយព្រះហត្ថលេខា ដាក់ចូលជាធរមាន។ តែយ៉ាងណា អ្នកនាំពាក្យ មិនអាចបញ្ជាក់ពីកាលបរិច្ឆេទចូលជាធរមាននៃច្បាប់នេះទេ។
សេចក្តីព្រាងច្បាប់ស្តីពី សមាគម និងអង្គការមិនមែនរដ្ឋាភិបាល តាក់តែងឡើងជាលាយលក្ខណ៍អក្សរ មាន៩ជំពូក និង៣៩មាត្រា។ សេចក្តីព្រាងច្បាប់នេះ ត្រូវបានរដ្ឋសភាអនុម័តចំនួន ៦៨/៦៨សំឡេង នៃចំនួនសមាជិករដ្ឋសភាមកពីគណបក្សប្រជាជនកម្ពុជា៕
សមាជិកព្រឹទ្ធសភាមកពីគណបក្ស CPP ចំនួន ៤៤នាក់ អនុម័តសេចក្តីព្រាងច្បាប់ស្តីពី សមាគម និងអង្គការមិនមែនរដ្ឋាភិបាលជាឯកច្ឆន្ទ ទោះបីជាតំណាង NGO ទាំងជាតិ និងអន្តរជាតិ ព្រមទាំងសកម្មជនដីធ្លី និងសិទ្ធិមនុស្សទាមទារឲ្យពន្យាការអនុម័ត និងបន្តពិនិត្យក៏ដោយ។ ការអនុម័តដោយការលើកដៃបោះឆ្នោតជាកញ្ចប់ ត្រូវបានរៀបចំឡើងភ្លាម បន្ទាប់ពីបទអន្តរាគមន៍លើសេចក្តីថ្លែងហេតុបញ្ជាក់ពីហេតុផល និងគោលបំណង នៃការធ្វើច្បាប់ពីសមាជិកព្រឹទ្ធសភាចំនួន ៨នាក់ អស់រយៈពេលជាង ៨ម៉ោង ក្រោមវត្តមានប្រធានព្រឹទ្ធសភា លោក សាយ ឈុំ។ ស្របពេលដែរ សមាជិកព្រឹទ្ធសភាមកពីគណបក្សប្រឆាំងទាំង ១១នាក់ ធ្វើពហិកា ក្នុងការអនុម័ត។
អ្នកនាំពាក្យព្រឹទ្ធសភា លោក ម៉ម ប៊ុននាង និយាយថា ព្រឹទ្ធសភាមិនបានកែសម្រួល ខ្លឹមសារក្នុងសេចក្តី ព្រាងច្បាប់ស្តីពី NGO ទេ ពោលគឺ ព្រឹទ្ធសភា ទទួលខ្លឹមសារទាំងស្រុង ដូចអ្វីដែល រដ្ឋសភា បានអនុម័ត កាលពីថ្ងៃទី១៣ ខែកក្កដា ឆ្នាំ២០១៥ នាសម័យប្រជុំ រដ្ឋសភាលើកទី៤ នីតិកាលទី៥ កន្លងទៅ។ ជាមួយគ្នានេះ អ្នកនាំពាក្យរូប អះអាងថា៖«សេចក្តីព្រាងច្បាប់ស្តីពី NGOនេះ គឺចែងស្របតាមរដ្ឋធម្មនុញ្ញ ច្បាប់ជាតិ និងអន្តរជាតិទាំងអស់ ដែលជាច្បាប់កំពុងអនុវត្តក្នុងប្រទេសប្រជាធិបតេយ្យ»។
ជាមួយគ្នានេះ លោក ប៉ុល លឹម រដ្ឋលេខាធិការក្រសួងមហាផ្ទៃ បានថ្លែងការពារថា សេចក្តីព្រាងច្បាប់នេះ មានគោលបំណងធានាការពារសិទ្ធិសេរីភាព ក្នុងការបង្កើតសមាគម និងអង្គការមិនមែនរដ្ឋាភិបាល នៅប្រទេសកម្ពុជា ដើម្បីការពារផលប្រយោជន៍ស្របច្បាប់របស់ NGO។ លោកបន្តថា ច្បាប់នេះ នឹង ការពារផលប្រយោជន៍សាធារណៈ ព្រមទាំងលើកកម្ពស់កិច្ចសហប្រតិបត្តិការ ក្នុងភាពជាដៃគូរវាង NGO ជាមួយនឹងអាជ្ញាធរសាធារណៈ ក្នុងគោលដៅអភិវឌ្ឍសង្គម។
បើតាមអ្នកនាំពាក្យព្រឹទ្ធសភា លោក ម៉ម ប៊ុននាង បន្ទាប់ពីព្រឹទ្ធសភាអនុម័តរួច សេចក្តីព្រាងច្បាប់នេះ នឹងដាក់ថ្វាយជូនព្រះមហាក្សត្រ ដើម្បីទ្រង់ឡាយព្រះហត្ថលេខា ដាក់ចូលជាធរមាន។ តែយ៉ាងណា អ្នកនាំពាក្យ មិនអាចបញ្ជាក់ពីកាលបរិច្ឆេទចូលជាធរមាននៃច្បាប់នេះទេ។
សេចក្តីព្រាងច្បាប់ស្តីពី សមាគម និងអង្គការមិនមែនរដ្ឋាភិបាល តាក់តែងឡើងជាលាយលក្ខណ៍អក្សរ មាន៩ជំពូក និង៣៩មាត្រា។ សេចក្តីព្រាងច្បាប់នេះ ត្រូវបានរដ្ឋសភាអនុម័តចំនួន ៦៨/៦៨សំឡេង នៃចំនួនសមាជិករដ្ឋសភាមកពីគណបក្សប្រជាជនកម្ពុជា៕
Tag:
LANGO
ព្រឹទ្ធសភា
NGO
© រក្សាសិទ្ធិដោយ thmeythmey.com
