ពីនេះ ពីនោះ
ទឹកធម្មជាតិ ៣ ប្រភេទជួយកម្ចាត់ជាតិពុលចេញពីថ្លើម
× ដើម្បីកម្ចាត់ជាតិពុលក្នុងថើ្លម អ្នកត្រូវបរិភោគអាហារដែលជួយបង្កើនអង់ស៊ីមសម្រាប់បន្សាបជាតិពុល និងបណ្តេញសារធាតុដែលមានគ្រោះថ្នាក់ចេញពីថ្លើម។ ការទទួលទានអាហារដែលមានផ្ទុកសារធាតុចិញ្ចឹមដល់ថ្លើម ជាវិធីសាស្ត្រដ៏ល្អបំផុតក្នុងការលើកកម្ពស់ និងបន្សាបជាតិពុលចេញពីថ្លើមយ៉ាងរហ័ស។ ខាងក្រោមនេះ ជាវិធីធម្មជាតិសម្រាប់បន្សាប និងលាងជាតិពុលចេញពីថ្លើម៖
១. ទឹកមើមស្ពៃក្រហម និងការ៉ុត ៖ មើមស្ពៃក្រហម និងការ៉ុតជាប្រភពសម្បូរបែបនៃសារធាតុ Glutathione, អាស៊ីតអាមីណូ ដែលជួយក្នុងការបន្សាបជាតិពុលក្នុងថ្លើម ហើយក្រៅពីជួយបន្សាបជាតិពុលចេញពីរាងកាយ រុក្ខជាតិទាំងពីរយ៉ាងនេះ អាចជួយអុកស៊ីតកម្មកោលិកាថ្លើមថែមទៀត។
២. ផ្លែក្រូច ៖ ផ្លែក្រូចមានផ្ទុកវីតាមីន C និងសារធាតុប្រឆាំងអុកស៊ីតកម្មផ្សេងៗទៀត ដែលអាចជួយលើកកម្ពស់ អង់ស៊ីម បន្សាបជាតិពុលក្នុងរាងកាយ និងថ្លើម។ ជាពិសេសផឹកទឹកក្រូចមួយកែវពេលព្រឹក មានប្រសិទ្ធិភាពខ្ពស់បំផុត។
៣. ទឹកបន្លែពណ៌បៃតង ៖ បន្លែពណ៌បៃតងដូចជា ខាត់ណា ស្ពៃ ត្រសក់ អាចជួយកម្ចាត់កាកសំណល់មិនល្អចេញពីរាងកាយ។ បន្លែពណ៌បៃតងប្រភេទនេះមានផ្ទុកជាតិអាស៊ីត Alpha lipoic ដែលអាចជួយជំរុញការផលិតសារធាតុចាំបាច់សម្រាប់លាងសម្អាតថើ្លម។ ជាពិសេសជាងនេះទៅទៀតមានផ្ទុកសារធាតុ ក្លរ៉ូហ្វីល ដែលអាចជួយឲ្យទឹកប្រម៉ាត់កាន់តែប្រសើរឡើង និងរំញោចការបញ្ចេញជាតិពុលពីថ្លើម។
© រក្សាសិទ្ធិដោយ thmeythmey.com