ព័ត៍មានសុខភាព
តើមានអាហារអ្វីខ្លះ ដែលអាចស្រូបយកខ្លាញ់ក្បាលពោះអ្នកបាន?
× យើងខ្ញុំជឿជាក់ថា អ្នកដែលមានក្បាលពោះ តែងតែហាត់ប្រាណ ដើម្បីឱ្យស្រក ប៉ុន្តែ បើអ្នកហាត់ ហើយផ្គួបផ្សំជាមួយចំណី ខាងក្រោមនេះ អ្នកនឹងស្រកបានលឿន ជាមិនខានឡើយ។ តើមានអ្វីខ្លះទៅ?
1. អ្នកអាចយកតៅហ៊ូទៅធ្វើឱ្យកករឹង ហើយយកមកបរិភោគបាន ព្រោះនៅពេលដែលវា ឆ្លងកាត់កន្លែងដែលកករួច វាមានសារធាតុជូរម្យ៉ាង ដែលអាចកាត់ជាតិខ្លាញ់ ដែលមានក្នុងរាងកាយអ្នក ដូចនេះ ក្បាលពោះអ្នក នឹងចាប់ផ្តើមស្រកបណ្តើរ។
2. សណ្តែកបណ្តុះពណ៌បៃតង ក៏អាចជួយអ្នក ឱ្យស្រកក្បាលពោះបានដែរ ព្រោះវាមានសារធាតុ ដែលជួយបន្ថយខ្លាញ់ ដែលមានក្នុងសរសៃឈាមអ្នកបាន។
3. ផ្លែល្ហុង ក៏អាចជួយអ្នកដែរ ព្រោះវាអាចជួយរំលាយអាហារបានលឿន ក្រោយពេលដែលអ្នកបរិភោគ ចំណីផ្សេងៗរួច ដូចនេះ ខ្លាញ់ទាំងឡាយ នឹងមិននៅជាប់ក្បាលពោះអ្នកឡើយ។
4. នៅក្នុងផ្លែម្នាស់ មានសារធាតុចិញ្ចឹមជាច្រើន រួមជាមួយវីតាមីន C ដែលអាចជួយអ្នកបំបែកអាហារផ្សេងៗ ក្រោយពេលដែលអ្នក បរិភោគអាហារជាច្រើនរួច ដូចនេះ អ្នកអាចពិសារវាបាន ក្រោយពេលបរិភោគអាហាររួច។
5. ត្រសក់ ក៏អាចជួយអ្នក ឱ្យស្រកក្បាលពោះបានដែរ ព្រោះវាមានវីតាមីន C និង B៕
ផ្តល់សិទ្ធិដោយ៖ www.health.com.kh
© រក្សាសិទ្ធិដោយ thmeythmey.com