ជាតិ
សង្គមជាតិ
ស្ត្រីខ្មែររងគ្រោះនៅចិនម្នាក់ទៀត នឹងមកដល់កម្ពុជានៅរសៀលនេះ
× ស្ថានអគ្គកុងស៊ុលកម្ពុជាប្រចាំទីក្រុងក្វាងចូវ ប្រទេសចិន បានជួយសង្គ្រោះស្ត្រីខ្មែររងគ្រោះម្នាក់ទៀត ដែលបានចាញ់បោកមេខ្យល់នាំទៅរៀបការជាមួយបុរសជនជាតិចិន នៅខេត្តហ្វ៊ូជានប្រទេសចិន។
លោក ជុំ សុន្ទរី អ្នកនាំពាក្យក្រសួងការបរទេសកម្ពុជា បានឲ្យដឹងថា ស្ត្រីរងគ្រោះរូបនោះ មានឈ្មោះ ហេង សំណាងមានស្រុកកំណើតនៅភូមិស្វាយ ក្នុងស្រុកពញ្ញាឮ ខេត្តកណ្ដាល។ បើតាមអ្នកនាំពាក្យដដែល ស្ត្រីខ្មែររូបនេះ នឹងត្រឡប់មកដល់កម្ពុជាវិញ នៅម៉ោង៣រសៀល ថ្ងៃទី២៥ ខែកក្កដានេះ នៅអាកាសយានដ្ឋានអន្តរជាតិខេត្តសៀមរាប។
ក្រសួងការបរទេស និងសហប្រតិបត្តិការអន្តរជាតិ ក៏អំពាវនាវដល់ពលរដ្ឋខ្មែរ ពិសេសនារីខ្មែរ ដែលជាជនងាយរងគ្រោះត្រូវប្រុងប្រយ័ត្នចំពោះការឆបោកអូសទាញបញ្ចុះបញ្ចូលពីសំ ណាក់មេខ្យល់ ដែលប៉ុនប៉ងនាំទៅធ្វើការដោយភូតកុហកថា នឹងទទួលបានប្រាក់ខែច្រើន ឬនាំទៅរៀបការជាមួយបុរសជនជាតិចិននៅប្រទេសចិន៕
Tag:
ស្ត្រីខ្មែររងគ្រោះនៅចិន
© រក្សាសិទ្ធិដោយ thmeythmey.com