លោក ហ៊ុន សែន ថា មិនចរចាជាមួយមេដឹកនាំCNRP រឿងឃុំខ្លួនសកម្មជន១១នាក់ឡើយ

ជាតិ

នយោបាយជាតិ

លោក ហ៊ុន សែន ថា មិនចរចាជាមួយមេដឹកនាំCNRP រឿងឃុំខ្លួនសកម្មជន១១នាក់ឡើយ

28, Jul 2015 , 9:45 am

រូបភាព

ដោយ: ធឿន បញ្ញាឬទិ្ធ

លោកនាយករដ្ឋមន្ត្រី ហ៊ុន សែន បដិសេធថា លោកមិននិយាយជាមួយថ្នាក់ដឹកនាំគណបក្សសង្គ្រោះជាតិ ពីរឿងឃុំខ្លួនសកម្មជនទាំង១១នាក់ របស់គណបក្សនេះឡើយ។ លោក ហ៊ុន សែន បញ្ជាក់ថា រូបលោកគ្រាន់តែអាចផឹកទឹកតែនិងសួរសុខទុក្ខ ថ្នាក់ដឹកនាំគណបក្សសង្គ្រោះជាតិប៉ុណ្ណោះ តែបញ្ហាឃុំខ្លួនអ្នកទាំងនោះ ជាការសម្រេចរបស់តុលាការ មិនពាក់ព័ន្ធនឹងរូបលោកនោះទេ។ ប្រមុខរដ្ឋាភិបាលកម្ពុជា ក៏ជំរុញឲ្យគណបក្សសង្គ្រោះជាតិ ប្ដឹងទៅសាលាឧទ្ធរណ៍ដើម្បីដោះស្រាយបញ្ហាសកម្មជនខ្លួន ដែលជាវិធីល្អជាងជួបចចារជាមួយរូបលោក ។ ការលើកឡើងរបស់ លោក ហ៊ុន សែន បែបនេះ ធ្វើឡើងនៅក្នុងពិធីបុណ្យចម្រើនព្រះជន្ម ថ្វាយសម្តេចព្រះមហាសុមេធាធិបតី កិត្តិឧទ្ទេសបណ្ឌិត នន្ទ ង៉ែត សម្តេចព្រះសង្ឃនាយក នៅវត្តបទុមវត្តី រាជធានីភ្នំពេញ កាលពីថ្ងៃទី២៧ ខែកក្កដា ក្រោយពីលោក កឹម សុខា ប្រធានស្តីទីគណបក្សសង្គ្រោះជាតិ ថា លោកនឹងជំរុញឲ្យមានជំនួបរវាង លោក សម រង្ស៊ី និងលោក ហ៊ុនសែន ដើម្បីពិភាក្សាដោះលែង សកម្មជនទាំង១១នាក់ ។

សូមស្ដាប់សំឡេង៖

កាលពីថ្ងៃទី២៧ កក្កដា លោក កឹម សុខា ប្រធានស្ដីទីគណបក្សសង្គ្រោះជាតិ បញ្ជាក់ថា រូបលោក ក៏គ្រោងស្នើជួបជាមួយលោក ស ខេង ប្រធានក្រុមមតិភាគច្រើនរដ្ឋសភាដែរ ដើម្បីដោះស្រាយបញ្ហាសកម្មខ្លួន តែលោកមិនទាន់អាចបញ្ជាក់ពីពេលវេលាជាក់លាក់នៅឡើយទេ។

លោក កឹម សុខា មានជំនឿចិត្តថា គណបក្សខ្លួននៅមានផ្លូវចំនួន៣ក្នុងការជួយសកម្មជនខ្លួន រួមមាន ការតតាំងតាមផ្លូវច្បាប់ ប្ដឹងទៅសាលាឧទ្ធរណ៍នឹងអាចជួយឲ្យសកម្មជនទាំង១១រូបនោះ នៅក្រៅឃុំ ដោយលោកបានលើកហេតុផលថា គ្រាដែលសាលាដំបូងរាជធានីភ្នំពេញ សម្រេចសាលក្រមកាត់ទោសសកម្មជនទាំងនោះ គឺមិនមានវត្តមានមេធាវីរបស់ចុងចោទឡើយ។ លោក បន្ថែមថា កិច្ចព្រមព្រៀងកាលពីថ្ងៃទី២២ កក្កដា និងវប្បធម៌សន្ទនារវាងគណបក្សទាំងពីរ ក៏ជាមធ្យោបាយដែលអាចជួយដោះលែងសកម្មជនខ្លួនដែរ៕

ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ

4 ថ្ងៃ

ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...

5 ថ្ងៃ

តើពាក្យងារជា «សម្តេច» មានន័យដូចម្តេច?

1 ថ្ងៃ

គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ

1 សប្តាហ៍

តើពាក្យ «ដុតដៃដុតជើង» មានន័យដូចម្តេច?

6 ថ្ងៃ

អត្ថបទពេញនិយមបន្ថែម