ជាតិ
សង្គមជាតិ
×![]()
ភ្នំពេញ៖ នៅថ្ងៃទី២៨ ខែកក្កដានេះ នគរបាលអន្តោប្រវេសន៍នៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ បានឃាត់ខ្លួនកម្មករវៀតណាមខុសច្បាប់ចំនួន ៤នាក់ កំពុងធ្វើការនៅសិប្បកម្មកែច្នៃឈើមួយកន្លែង ស្ថិតក្នុងសង្កាត់ទន្លេបាសាក់ ខណ្ឌចំការមន។
ប្រធាននាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ លោក អ៊ុក ហៃសីលា និយាយថា កម្មករជនជាតិវៀតណាមទាំង ៤នាក់ ពុំមានលិខិតឆ្លងដែន មកស្នាក់នៅ និងធ្វើការក្នុងប្រទេសកម្ពុជានោះទេ។ ហេតុនេះ លោកថា សមត្ថកិច្ចនឹងចាប់បញ្ជូនខ្លួនទៅស្រុកកំណើតពួកគេវិញ បន្ទាប់ពីការអប់រំណែនាំពីរបៀបធ្វើលិខិតឆ្លងដែន និងឯកសារការងារស្របច្បាប់។
ចំពោះលោក អ៊ុក ហៃសីលា ប្រតិបត្តិការឆែកឆេរនេះ គឺជាការអនុវត្តច្បាប់អន្តោប្រវេសន៍ ដែលគ្របដណ្តប់ជនអន្តោប្រវេសន៍ទាំងអស់ក្នុងប្រទេសកម្ពុជា ហើយសមត្ថកិច្ច នឹងបន្តចុះអនុវត្តកិច្ចការនេះ ដោយពុំជូនដំណឹងមុនឡើយ។
បើតាមប្រធាននាយកដ្ឋានស៊ើបអង្កេត មកដល់ពេលនេះ ជនអន្តោប្រវេសន៍វៀតណាមខុសច្បាប់ជិត ៣ពាន់នាក់ហើយ ត្រូវបានចាប់បញ្ជូនចេញពីប្រទេសកម្ពុជា៕
ប្រធាននាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ លោក អ៊ុក ហៃសីលា និយាយថា កម្មករជនជាតិវៀតណាមទាំង ៤នាក់ ពុំមានលិខិតឆ្លងដែន មកស្នាក់នៅ និងធ្វើការក្នុងប្រទេសកម្ពុជានោះទេ។ ហេតុនេះ លោកថា សមត្ថកិច្ចនឹងចាប់បញ្ជូនខ្លួនទៅស្រុកកំណើតពួកគេវិញ បន្ទាប់ពីការអប់រំណែនាំពីរបៀបធ្វើលិខិតឆ្លងដែន និងឯកសារការងារស្របច្បាប់។
ចំពោះលោក អ៊ុក ហៃសីលា ប្រតិបត្តិការឆែកឆេរនេះ គឺជាការអនុវត្តច្បាប់អន្តោប្រវេសន៍ ដែលគ្របដណ្តប់ជនអន្តោប្រវេសន៍ទាំងអស់ក្នុងប្រទេសកម្ពុជា ហើយសមត្ថកិច្ច នឹងបន្តចុះអនុវត្តកិច្ចការនេះ ដោយពុំជូនដំណឹងមុនឡើយ។
បើតាមប្រធាននាយកដ្ឋានស៊ើបអង្កេត មកដល់ពេលនេះ ជនអន្តោប្រវេសន៍វៀតណាមខុសច្បាប់ជិត ៣ពាន់នាក់ហើយ ត្រូវបានចាប់បញ្ជូនចេញពីប្រទេសកម្ពុជា៕
© រក្សាសិទ្ធិដោយ thmeythmey.com
