ពីនេះ ពីនោះ
ការទទួលខុសត្រូវដោយភាពឆ្លាតវៃ
×
ការទទួលខុសត្រូវដោយភាពឆ្លាតវៃ មិនមែនមានន័យថាគេចវេសមិនទទួលខុសត្រូវ ឬទទួលសខុសត្រូវតិចតួចនោះទេ។ វាគឺជាការទទួលខុសត្រូវមួយដែលប្រកបទៅដោយប្រាជ្ញា ស្មារតី និងភាពឆ្លាតវៃរបស់មនុស្ស ក្នុងការដោះស្រាយបញ្ហា នឹងចេះប្រមួលផ្តុំនូវក្រុមមនុស្សជាច្រើន ឲ្យមកធ្វើការរួមគ្នាជាមួយយើង ធ្វើការជំនួសយើង ឬធ្វើការឲ្យយើង។
ការធ្វើការបែបនេះ នឹងនាំឲ្យយើងទទួលបាននូវឱកាសច្រើនក្នុងជីវិត ព្រោះយើងមិនចាំបាច់ចំណាយកម្លាំងច្រើនតែម្នាក់ឯង ទៅចិញ្ចឹមមនុស្សច្រើននាក់ ឬផ្គត់ផ្គង់ច្រើនផ្នែកទៀតទេ ហើយនឹងមានមនុស្សជាច្រើននាក់ ច្រើនក្រុមនឹងនាំគ្នាមកចូលរួមរកប្រាក់ចំណូលឲ្យយើង បើទោះបីជាយើងមិនស្រួលខ្លួន ហើយសម្រាកនៅផ្ទះ ក៏មានមនុស្សជាច្រើននាក់ទៀត នៅតែធ្វើសកម្មភាពដើម្បីរកប្រាក់ចំណូលឲ្យយើងដដែល។ ហើយការធ្វើបែបនេះ បើទោះបីជាយើងមិនធ្វើសកម្មភាព ឬគ្មានរូបយើងក៏ដោយ ក៏ក្រុមគ្រួសាររបស់យើង ឪពុកម្តាយយើង បងប្អូនសាច់ញាតិយើង ញាតិមិត្តជិតខាងយើង សង្គមជាតិយើង នៅតែមានអ្នករកចំណូលមកផ្គត់ផ្គង់ពួកគេដដែល។ ម្យ៉ាងវិញទៀត នៅពេលដែលមានមនុស្សជាច្រើនមកធ្វើការឲ្យយើង ឬធ្វើការជំនួសយើង នោះវានឹងធ្វើឲ្យមានភាពកក់ក្តៅក្នុងគ្រួសារ ព្រោះមានពេលវេលាគ្រប់គ្រាន់សម្រាប់ប្រើប្រាស់ជីវិតផ្ទាល់ខ្លួន ហើយអាចរស់នៅដោយមិនចាំបាច់រងនូវភាពប្រថុយប្រថានការភ័យព្រួយ នឹងធ្វើឲ្យជីវិតក្រុមគ្រួសាររបស់យើង មានសេចក្តីសុខសុភមង្គលយ៉ាងពិតប្រាកដ។
© រក្សាសិទ្ធិដោយ thmeythmey.com