ពីនេះ ពីនោះ
មុខរបរអ្វីខ្លះ ដែលអាចធ្វើឱ្យអ្នក ក្លាយជាអ្នកមាន?
×
មានមនុស្សជាច្រើន តែងតែចង់បង្កើតមុខរបររកស៊ីដោយខ្លួនឯង ប៉ុន្តែ គេមិនដឹងថា គួរតែបង្កើតមុខរបរអ្វី ទើបចំណេញទេ។ ដូចនេះ ខាងក្រោមនេះ យើងខ្ញុំនឹងប្រាប់អ្នក ពីមុខរបរមួយចំនួនដល់អ្នក។
1. អ្នកអាចបង្កើតក្លឹប ដែលហាមមិនឱ្យជក់បារីបាន ព្រោះមនុស្សសម័យនេះ សុទ្ធតែចង់មានសុខភាពល្អ ដូចនេះ បើអ្នកបង្កើតក្លឹប ដែលមានបរិយាកាសល្អ មានផាសុខភាព និងគ្មានផ្សែងបារី នោះមនុស្សនឹងចូលចិត្តចូល ជាមិនខានឡើយ។
2. អ្នកក៏អាចបើកកន្លែង មើលថែទាំសត្វបានដែរ ព្រោះមានអ្នកធ្វើការជាច្រើន ចូលចិត្តចិញ្ចឹមសត្វ ដូចនេះ នៅពេលដែលគេធ្វើការរវល់ ហើយមិនបានមើលថែ នោះគេនឹងយកទៅកន្លែង មើលថែទាំសត្វហើយ ប៉ុន្តែ អ្នកត្រូវតែតុបតែងកន្លែងអ្នក ឱ្យស្អាតទើបគេចូល។
3. បើអ្នកមានដី អ្នកអាចជួលឱ្យគេបាន ឬជួលគេឱ្យមើលថែទាំ ហើយដាំដំណាំផ្សេងៗ នោះពេលប្រមូលផល អ្នកនឹងចំណេញប្រាក់ជាមិនខានឡើយ ហើយមិនហត់ទៀតផង។
4. អ្នកអាចបង្កើតកន្លែង ដែលពិគ្រោះយោបល់ ទាក់ទងនឹងរឿងអាពាហ៍ពិពាហ៍បាន ព្រោះសព្វថ្ងៃនេះ មនុស្សមានបញ្ហាអាពាហ៍ពិពាហ៍ កាន់តែច្រើនឡើងៗ ដូចនេះ បើអ្នកបើក ថាមិនត្រូវមានភ្ញៀវច្រើន ប៉ុន្តែ អ្នកត្រូវតែផ្តល់យោបល់ល្អៗ ទើបគេចូល។
5. អ្នកអាចបើកកន្លែងមួយ ដែលអាចឱ្យកូនក្មេងទៅលេងបាន ថែមទាំងអាចឱ្យគេ រៀនសូត្របាន នោះម្តាយឳពុកគេ នឹងតែងតែនាំគេទៅលេង ជាមិនខានឡើយ ព្រោះវាមិនត្រឹមតែអាច ឱ្យកូនសប្បាយចិត្ត ហើយថែមទាំងអាច ធ្វើឱ្យគេទទួលបានចំណេះដឹងទៀតផង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com