កីឡាអន្តរជាតិ
អន្តរជាតិ
Floyd ត្រៀមប្រកួតជាមួយ Berto នៅថ្ងៃទី១២ កញ្ញា មុនពេលចូលនិវត្តន៍
× កីឡាករមិនដែលស្គាល់ពាក្យថាចាញ់ Floyd Mayweather នឹងឡើងប្រកួតជាមួយកីឡាករ Andre Berto នៅសង្វៀន MGM Grand ក្នុងទីក្រុង Las Vegas សហរដ្ឋអាមេរិក នាថ្ងៃទី ១២ កញ្ញាខាងមុខនេះ មុននឹងគេប្រកាសបញ្ចប់អាជីពជាអ្នកប្រដាល់របស់ខ្លួន។
ម្ចាស់ជើងឯកខ្សែក្រវាត់ទម្ងន់មធ្យម Andre Berto វ័យ៣១ឆ្នាំដែលមានសញ្ជាតិដើមហៃទី និងជាគូប្រកួតរបស់ Floyd នៅខែក្រោយនេះ ធ្លាប់ប្រកួត ៣៣ដង ឈ្នះ៣០ដង និងចាញ់៣ដង។ ហើយកីឡាកររូបនេះក៏ធ្លាប់ជាម្ចាស់ជើងឯកពិភពលោកផងដែរ បន្តែបច្ចុប្បន្នត្រូវធ្លាក់ទៅលេខរៀងទី២០នៃចំណាត់ថ្នាក់របស់ពិភពលោកទៅហើយ។
សម្រាប់អ្នកប្រដាល់មិនដែលចាញ់សញ្ជាតិអាមេរិកវ័យ៣៨ឆ្នាំ Floyd Mayweather នេះជាការប្រកួតលើកទី ៤៩ហើយ និងជាការប្រកួតចុងក្រោយរបស់គាត់ផងដែរ មុនបញ្ចប់អាជីពរបស់ខ្លួន។
ប្រសិនបើ Mayweather ឈ្នះលើកនេះទៀតគាត់នឹងស្មើកំណត់ត្រាចាស់របស់កីឡាករប្រដាល់អាមេរិក Rocky Marciano កាលពីទសវត្សរ៍ ៥០ ដែលបញ្ចប់អាជីពរបស់ខ្លួនដោយមិនដែលស្គាល់ពាក្យថាចាញ់សោះ៕
© រក្សាសិទ្ធិដោយ thmeythmey.com