កីឡាអន្តរជាតិ
អន្តរជាតិ
Angel Di Maria អាចស្តារមុខមាត់នៅ PSG ក្រោយចាកចេញពី Man Utd
×
Paris St-Germain បានចុះកិច្ចព្រមព្រៀងចប់សព្វគ្រប់អស់ហើយដើម្បីនាំយកខ្សែបម្រើរបស់ Manchester United កីឡាករ Angel Di Maria ក្នុងតម្លៃ ៤៤លានផោន (ជិត៦៧លានដុល្លារអាមេរិក)កាលពីម្សិលមិញ បន្ទាប់ពីធ្លាក់ជើងយ៉ាងខ្លាំងជាមួយបីសាចក្រហមកាលពីរដូលកាលមុន ។
ខ្សែបម្រើអន្តរជាតិអាហ្សង់ទីនវ័យ២៧ឆ្នាំ ដែលក្រុមបីសាចក្រហមទិញក្នុងតម្លៃថ្លៃជាងគេក្នុងកំណត់ត្រាបាល់ទាត់របស់អង់គ្លេស ពីក្រុមសមោសរ Real Madrid របស់អេស្ប៉ាញក្នុងតម្លៃ ៥៩.៧លានផោន (ជាង៩១លានដុល្លារ) រូបនេះបានចុះហត្ថលេខា រយៈពេល៤ឆ្នាំជាមួយម្ចាស់ជើងឯកលីកកំពូលរបស់បារាំងហើយ បន្ទាប់ពីទៅពិនិត្យសុខភាពរួចរាល់ក្នុងប្រទេសកាតាកាលពីថ្ងៃអង្គា។
អតីតខ្សែបម្រើររបស់ Benfica បាននិយាយថា «យើងនឹងធ្វើអ្វីគ្រប់យ៉ាងដែលយើងអាចធ្វើបានដើម្បីនាំយកពានរង្វាន់ដ៏ធំបំផុតរបស់អឺរ៉ុបទៅកាន់ប្រទេសបារាំង និងអ្នកគាំទ្រទាំងអស់របស់ក្លិប Paris St-Germain មួយនេះ»។
Di Maria បានបន្ថែមទៀតថា គេពិតជារីករាយដែលបានលេងជាមួយកីឡាកររបស់ PSG ដែលមានសម្ថភាពខ្ពស់លើទីលាន ដូចជា Zlatan Ibrahimovic, Edinson Cavani , David Luiz និង Ezequiel Lavezzi ជាដើម ដោយរំពឹងថា នឹងអាចឈ្នះពានជាច្រើនទៀតនារដូវកាលថ្មីខាងមុននេះ។
ការផ្ទេរកីឡាករកន្លងមក៖
៦ សីហា
Yann M'Vila [Rubin Kazan - Sunderland] ខ្ចីជើង
Ivan Toney [Northampton - Newcastle] តម្លៃបិទជិត
Angel Di Maria [Manchester United - Paris St-Germain] ជាង ៦៧លានដុល្លារ
Bakary Sako [Wolves - Crystal Palace] គ្មានតម្លៃខ្លួន
Aly Cissokho [Aston Villa - Porto] ខ្ចីជើង
២៨ កក្កដា
Filipe Luis [Chelsea - Atletico Madrid] តម្លៃបិតជិត
Arturo Vidal [Juventus - Bayern Munich] តម្លៃបិតជិត
Abou Diaby [Arsenal - Marseille] គ្មានតម្លៃខ្លួន
២៧ កក្កដា
Ibrahim Afellay [Barcelona - Stoke City] គ្មានតម្លៃខ្លួន
Jordan Ayew [Lorient - Aston Villa] តម្លៃបិតជិត
Steven Berghuis [AZ Alkmaar - Watford] ជាង ៧លានដុល្លារ
Sergio Romero [Sampdoria - Manchester United] គ្មានតម្លៃខ្លួន
© រក្សាសិទ្ធិដោយ thmeythmey.com