ជាតិ
×![]()
ដោយ: ម៉ៅ សុផា
កម្ពុជាបានរៀបចំកិច្ចប្រជុំជាមួយភាគីថៃ ដើម្បីផ្លាស់ប្តូរព័ត៌មានគ្នា ទាក់ទងនឹងបទល្មើស និងសភាពការណ៍ផ្សេងៗ តាមបន្ទាត់ព្រំដែនរវាងប្រទេសទាំងពីរ ដែលប្រព្រឹត្តទៅ នៅសណ្ឋាគារ ស៊ីធីអង្គរ ខេត្តសៀមរាប នាពេលព្រឹកថ្ងៃទី០៨ ខែសីហា ឆ្នាំ២០១៥។
កិច្ចប្រជុំនេះមិនត្រឹមតែផ្លាស់ប្តូរព័ត៌មាន និងស្ថានភាពព្រំដែននោះទេ តែថែមទាំងបង្កើនកិច្ចសហប្រតិបតិ្តការជាមួយគ្នា ដើម្បីបង្ក្រាបបទល្មើសផ្សេងៗនៅតាមព្រំដែនទៀតផង។ លើសពីនេះទៅទៀត ការជួបពិភាក្សានេះ ក៏បានរឹតបណ្តឹងចំណងសម្ព័ន្ធភាព រវាង ស្នងការរដ្ឋាននគរបាលខេត្តឧត្តរមានជ័យ និងស្នងការដ្ឋាននគរបាលខេត្តសុរិន្ទ ប្រទេសថៃផងដែរ។
បើតាមគេហទំព័រអគ្គស្នងការនគរបាលជាតិ ក្នុងជំនួបនោះ ភាគីកម្ពុជាដឹកនាំដោយ លោក ម៉ែន លី ស្នងការនគរបាលខេត្ត រួមទាំងស្នងការរង នាយការិយាល័យ នៃស្នងការដ្ឋាននគរបាលខេត្តឧត្តរមានជ័យ ជាច្រើននាក់ទៀត។ ចំណែកឯ ភាគីថៃដឹកនាំដោយ លោកស្នងការខេត្តស៊ីសាកេត និងស្នងការខេត្តសុធន់ ព្រមទាំងលោកស្នងការខេត្តផ្សេងទៀត នៃប្រទេសថៃ៕
© រក្សាសិទ្ធិដោយ thmeythmey.com
