ជាតិ
សង្គ្រោះជាតិគ្រោងកែតម្រូវ ប្រសាសន៍លោក ហុង សុខហួរ
× មន្ត្រីជាន់ខ្ពស់គណបក្សសង្គ្រោះជាតិនៅតែមិនទាន់ដឹងអំពីវាសនារបស់លោក ហុង សុខហួរ នៅឡើយ។ ប៉ុន្តែ បើតាមលោក អេង ឆៃអ៊ាង ដែលជាអ្នកតំណាងរាស្ត្រ និងជាមន្ត្រីជាន់ខ្ពសនៃគណបក្សនេះ ការពិភាក្សារកដំណោះស្រាយមួយត្រូវបានធ្វើឡើងភា្លមៗដែរ ដើម្បីសម្របសម្រួលមិនឲ្យមានការចាប់ខ្លួនលោក ហុង សុខហួរ ដែលជាសមាជិកព្រឹទ្ធសភានៃគណបក្សសម រង្ស៊ី។
តាមបើតាមលោក អេង ឆៃអ៊ាង ដដែល លោក គង់ គាំ ដែលជាប្រធានគណបក្ស សម រង្ស៊ី គួរតែជួបជាមួយលោក សាយ ឈុំ ដើម្បីពន្យល់អំពីបញ្ហានេះ ហើយថា ថ្នាក់ដឹកនាំគណបក្សសង្គ្រោះជាតិក៏គួរជួបថ្នាក់ដឹកនាំគណបក្សប្រជាជនកម្ពុជា។
«យើងបានជជែកក្នុងរង្វង់ថ្នាក់ដឹកនាំយើងហើយ។ គណបក្សសង្គ្រោះជាតិអាចធ្វើលិខិតកែតម្រូវ ហើយសាមីខ្លួន (លោក ហុង សុខហួរ) ធ្វើលិខិតសុំទោស។ យើងមានបំណងយ៉ាងដូច្នេះ ប៉ុន្តែប្រសិនបើអាជ្ញាធរ ឬរដ្ឋាភិបាលមានបំណងចង់គ្រញិចយើងហើយ ខ្ញុំក៏មិនដឹងថាម៉េចដែរ។ មនុស្សយើងអស់ត្រឹមមានមាត់សុំទោស ទទួលស្គាល់កំហុសហ្នឹងហើយ»។
Tag:
ហុង សុខហួរ
ព្រំដែន
© រក្សាសិទ្ធិដោយ thmeythmey.com