ជាតិ
សេដ្ឋកិច្ច
×![]()
ដោយ: ថ្មីៗ
រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុបានស្នើសុំអាជ្ញាធរពន្ធដារនៃប្រទេស ស៊ុយអែត ជួយចែករំលែកបទពិសោធន៍ល្អៗ ចំពោះការកែទម្រង់គោលនយោបាយពន្ធដារ និងរដ្ឋបាលពន្ធការកម្ពុជា។
ការលើកឡើងបែបនេះ គឺបានធ្វើឡើងនៅក្នុងជំនួបពិភាក្សា រវាង លោក អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ជាមួយគណៈប្រតិភូអាជ្ញាធរពន្ធដារ នៃប្រទេសស៊ុយអែត ដែលដឹកនាំដោយ លោកស្រីAnna Maj Hultgard ឯកអគ្គរាជទូតស៊ុយអែតប្រចាំកម្ពុជា កាលពីពេលកន្លងទៅ។
លោក អូន ព័ន្ធមុនីរ័ត្ន ក៏បានថ្លែងកោតសរសើរ និងសង្ឃឹមថាដំណើរទស្សនកិច្ចរបស់គណៈប្រតិភូអាជ្ញាធរពន្ធដារស៊ុយអែតនាពេលនេះទទួលបានលទ្ធផលល្អ និងឈានទៅមានការរៀបចំគម្រោងជំនួយបច្ចេកទេសដល់អគ្គនាយកដ្ឋានពន្ធដារកម្ពុជា។
ក្នុងជំនួបនោះភាគីទាំងពីរ ក៏បានពិភាក្សាផ្តោតលើការស្វែងរកសក្តានុពលសម្រាប់កិច្ចសហប្រតិបត្តិការ រវាងអគ្គនាយកដ្ឋានពន្ធដារកម្ពុជា ជាមួយអាជ្ញាធរពន្ធដារស៊ុយអែត ព្រមទាំងពិនិត្យលទ្ធភាពក្នុងការផ្តល់ជំនួយបច្ចេកទេសដល់អគ្គនាយកដ្ឋានពន្ធដារកម្ពុជា ការអនុវត្តកម្មវិធីកំណែទម្រង់ការគ្រប់គ្រងហិរញ្ញវត្ថុសាធារណៈរបស់រាជរដ្ឋាភិបាល និងបន្តពង្រីក និងពង្រឹងកិច្ច សហប្រតិបត្តិការថែមទៀតរវាងកម្ពុជា និងស៊ុយអែត៕
ប្រភព ៖ AKP
Tag:
ពន្ធដារ
ស៊ុយអែត
© រក្សាសិទ្ធិដោយ thmeythmey.com
