សុវត្តិភាព ចរាចរណ៍
មនុស្ស១៧នាក់ស្លាប់និងរបួសធ្ងន់ស្រាល ក្នុងករណីគ្រោះថ្នាក់ចរាចរណ៍នៅថ្ងៃទី១៧ សីហា
×
ភ្នំពេញ៖ មនុស្សស្លាប់៥នាក់ និងរបួសធ្ងន់ស្រាល១២នាក់ ក្នុងករណីគ្រោះថ្នាក់ចរាចរណ៍នៅទូទាំងប្រទេសចំនួន៨លើក (យប់៤លើក) កាលពីថ្ងៃទី១៧ សីហាម្សិលមិញ។ នេះបើតាមការចុះផ្សាយនៅក្នុងគេហទំព័ររបស់អគ្គស្នងការដ្ឋាននគបាលជាតិ។
ក្នុងករណីគ្រោះថ្នាក់ចរាចរណ៍ទាំង៨លើកនោះ បណ្តាលឲ្យយានយន្តខូចខាតសរុប១៥គ្រឿង ក្នុងនោះមានម៉ូតូ៨គ្រឿង, រថយន្តធុនតូច៤គ្រឿង, រថយន្តធុនធំ២គ្រឿង, និងយានផ្សេង១គ្រឿង។
មូលហេតុដែលបណ្តាលឲ្យមានគ្រោះថ្នាក់ចរាចរណ៍នោះ រួមមាន ល្មើសល្បឿន៣លើក, មិនគោរពសិទ្ធិ១លើក, កត្តយានយន្ត២លើក និងប្រជែងគ្រោះថ្នាក់២លើក។ រីឯ អ្នកជិះម៉ូតូគ្រោះថ្នាក់ដោយមិនពាក់មួកសុវត្ថិភាពចំនួន៩នាក់ (យប់៥នាក់)៕
© រក្សាសិទ្ធិដោយ thmeythmey.com