ពីនេះ ពីនោះ
ដើម្បីឲ្យជីវិតជោគជ័យ, តើអ្នកត្រូវគិតមួយណា រវាងអតីតកាល បច្ចុប្បន្ន និងអនាគត?
×![]()
ដោយ: ថ្មីៗ
ទស្សនៈផ្ទុយគ្នារបស់មនុស្សទាក់ទិននឹងរឿងរ៉ាវអតីតកាល, បច្ចុប្បន្នភាព, និងអនាគតកាល។ មនុស្សមួយចំនួនគិតថា ត្រូវតែស្វែងយល់ពីរឿងរ៉ាវអតីតកាលរបស់ខ្លួនឲ្យបានច្បាស់ ទើបអាចដឹកនាំជីវិតនាពេលបច្ចុប្បន្នកុំឲ្យខុសដូចកាលកន្លងទៅ។ អ្នកខ្លះទៀតយល់ថា រឿងរ៉ាងអតីតកាលគួរតែកប់ចោល ហើយគិតតែរឿងពេលបច្ចុប្បន្ន គឺគ្រប់គ្រាន់សម្រាប់រៀបចំខ្សែជីវិតទៅថ្ងៃអនាគតឲ្យជោគជ័យ។ ចំណែកមនុស្សមួយចំនួនទៀតយល់ថា បញ្ហាធំរបស់ជីវិត គឺអនាគតដែលពួកគេចង់សម្រេចឲ្យបាន។ រីឯ បច្ចុប្បន្នកាលគ្រាន់តែជាចំណុចចាប់ផ្តើមដើម្បីសម្រេចគោលដៅធំប៉ុណ្ណោះ។ រវាងអតីតកាល, បច្ចុប្បន្ន, និងអនាគត មនុស្សគួរគិតមួយណា?
ទស្សនៈផ្ទុយគ្នាបែបនេះមិនមែនជាការខុសឆ្គងទេ ប៉ុន្តែក៏មិនអាចត្រូវទាំងស្រុងនោះដែរ ពីព្រោះមនុស្សរស់នៅតែងតែឆ្លងកាត់អតីតកាល, រស់នៅក្នុងបច្ចុប្បន្នកាល និងរស់នៅដើម្បីអនាគតរបស់ខ្លួនឯង។ នៅពេលដែលពួកគេបោះចោលចំណែកណាមួយនៃជីវិត គឺពួកគេកំពុងបោះបង់ចោលផ្លូវមួយលើខ្សែជីវិតខ្លួនឯងអ៊ីច្ចឹង។ ដូច្នេះត្រូវតែគិតពីរឿងរ៉ាវទាំងបីនេះជានិច្ច ពោលគឺ រស់នៅជាមនុស្សចាំបាច់ត្រូវតែចងចាំរាល់អ្វីដែលជាអតីតកាលរបស់ខ្លួន ទាំងរឿងរ៉ាវល្អ ទាំងរឿងរ៉ាវអាក្រក់ ដើម្បីកែច្នៃសម្រាប់ការរស់នៅនាពេលបច្ចប្បន្នឲ្យបានល្អ ហើយកំណត់គោលដៅជីវិតទៅថ្ងៃអនាគត ដោយមិនឲ្យជាន់ដានអ្វីដែលធ្លាប់កើតឡើងកន្លងមកឡើយ៕
© រក្សាសិទ្ធិដោយ thmeythmey.com
