កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
ក្លិបយក្ស Real Madrid ទិញបានខ្សែប្រើ Mateo Kovacic ពីក្រុម Inter Milan ជាផ្លូវការហើយក្នុងតម្លៃ២៥លានផោន (ជាង៣៩លានដុល្លារអាមេរិក) ខណៈ Tottenham ក៏លក់ខ្សែប្រយុទ្ធសញ្ជាតិអេស្បាញកីឡាករ Roberto Soldado ទៅឲ្យក្រុម Villarreal ផងដែរ ក្នុងតម្លៃ ៧លានផោន ប្រហែលជិត១១លានដុល្លារ។
កីឡាករសញ្ជាតិក្រូអាតវ័យ២១ឆ្នាំ Mateo Kovacic បានចុះកិច្ចសន្យារយៈពេល៦ឆ្នាំឲ្យក្រុមស្តេចសរួចរាល់ហើយ ហើយរូបគេក៏ត្រូវបង្ហាញខ្លួនក្នុងទឹកដី Santiago Bernabeu នៅថ្ងៃពុធនេះដែរ។
Kovacic បានបង្ហាញខ្លួនអោយ Inter ៩៧ប្រកួត រកគ្រាប់បាល់បាន ៨គ្រាប់ និងបញ្ជូនបាល់ឲ្យដៃគូ១១ដង បន្ទាប់ពីផ្ទេរពីក្រុម Dinamo Zagreb មកInter កាលពីឆ្នាំ២០១៣។ ការមកដល់ទឹកដី Bernabeu នេះ Kovacic នឹងត្រូវចូលរួមជាមួយមិត្តរួមជាតិរបស់គេ កីឡាករ Luka Modric ផងដែរ។
ចំណែកខ្សែប្រយុទ្ធវ័យ៣០ឆ្នាំ កីឡាករ Soldado ដែល Spurs ទិញពីក្លិប Valencia កាលពីឆ្នាំ ២០១៣ ក្នុងតម្លៃជាកំណត់ត្រារបស់ក្លឹប ប្រមាណជាង៤០លានដុល្លារអាមេរិកនោះក៏បានផ្ទេរទៅកាន់ក្រុម Villarreal ផងដែរដោយចុះកិច្ចសន្យារយៈពេល ៣ឆ្នាំក្នុងតម្លៃ ជិត ១១លានដុល្លារ។
Soldado បាននិយាយថា «នេះគឺជាជំហានដ៏សំខាន់ខ្លាំងណាស់ក្នុងអាជីពរបស់ខ្ញុំ។ ពេលដែលសំណើរបស់គេបានមកដល់ខ្ញុំ ខ្ញុំមិនស្ទាក់ស្ទើរដើម្បីទទួលយកឱកាសដ៏ល្អនេះក្នុងការវិលត្រឡប់ទៅចូលរួមជាមួយក្លិបដ៏ធំនៅអេស្ប៉ាញមួយនេះឡើយ»។
Soldado បានចាប់ផ្តើមអាជីពរបស់ខ្លួនក្នុងក្រុម Real Madrid ដោយសុទ្ធបញ្ជូលទីបាន ៦៣គ្រាប់ ក្នុងការបង្ហាញខ្លួន ១២០លើកឲ្យក្រុម Real Madrid ឈុត B មុនផ្លាស់ទៅ Getafe, Valencia និងចុងក្រោយផ្លាស់ទៅ Tottenham៕
Tag:
ដោះដូរកីឡាករ
© រក្សាសិទ្ធិដោយ thmeythmey.com
