វិធីធ្វើឲ្យកូន ចូលចិត្តញ៉ាំអាហារ

ពីនេះ ពីនោះ

វិធីធ្វើឲ្យកូន ចូលចិត្តញ៉ាំអាហារ

20, Aug 2015 , 9:44 am

រូបភាព

ដោយ: ថ្មីៗ

ចំណង់អាហាររបស់ទារក គឺអាស្រ័យទៅលើអាយុរបស់គេ។ គំនិតដ៏ល្អមួយ ដើម្បីឲ្យទារក អាចទទួលទានអាហារបាន អ្នកត្រូវចាប់ផ្ដើម នៅពេលទារកមានអាយុចាប់ពី ៦ ខែឡើងទៅ។ ប៉ុន្តែ ទារកទាំងអស់ គឺមានលក្ខណៈមិនដូចគ្នាទេ។

ទារកមួយចំនួន អាចឆាប់នឹងទទួលយកអាហារ ហើយចំពោះការផ្តាច់ដោះ គឺត្រូវធ្វើឡើងបន្តិចម្ដង។ ជាធម្មតា ទារកភាគច្រើន នឹងត្រូវការទឹកដោះម្ដាយ ឬទឹកដោះគោ យ៉ាងហោចណាស់ ដល់គេមានអាយុ ១ ឆ្នាំ។ ដូច្នេះ អ្នកមិនចាំបាច់ប្រញាប់ ផ្ដល់គ្រាប់ធញ្ញជាតិ ឬបបរ នៅពេលទារកមានអាយុ ៦ ខែនោះទេ។

នៅក្នុងជំហានដំបូង អ្នកអាចនឹងរកឃើញថា ទារកអាចចាប់ផ្ដើមទទួលទាន អាហារបានហើយនោះ ដូចជា ៖

• គេចាប់យករបស់ ហើយដាក់ចូលទៅក្នុងមាត់

• សំលឹងមើល នៅពេលអ្នកបរិភោគអាហារ ជាមួយនឹងការចាប់អារម្មណ៍ជាពិសេស

• ឆាប់ឃ្លានជាថ្មីម្តងទៀត បន្ទាប់ពីបំបោះដោះរួច

• ចង់ឲ្យអ្នកផ្តល់អាហារឲ្យគេញ៉ាំ

• ទារកអស់កំលាំងខុសពីធម្មតា បន្ទាប់ពីបំបោះដោះរួច។

ដូច្នោះ អ្នកត្រូវព្យាយាមផ្ដល់អាហារភ្លាម បន្ទាប់ពីទារកងើបពីគេង ឬនៅពេលថ្ងៃ។ នៅពេលអ្នកផ្ដល់អាហារដល់ទារក ទារកអាចនឹងឡើងទម្ងន់ ដូច្នោះ អ្នកអាចបន្ដផ្ដល់អាហារដល់ទារក នៅក្នុងរយៈពេល ១ ឬ ២ សប្តាហ៍ម្តងទៀត។

កត្តាដែលអ្នកត្រូវតែចាំបាច់ ផ្ដល់អាហារដល់ទារក នៅអាយុ ៦ ខែព្រោះ ៖

• ជាតិដែកដែលបានស្តុកទុកនៅក្នុងខ្លួនទារក នឹងចាប់ផ្តើមថយចុះ បន្ទាប់ពីអាយុបាន ៦ ខែ

• ទារកត្រូវរៀនទំពារ ដើម្បីជួយកក្នុងការអភិវឌ្ឍន៍ការនិយាយ

• ការបំបៅទឹកដោះតែមួយមុខ គឺមិនគ្រប់គ្រាន់ សម្រាប់ទារកនោះទេ បន្ទាប់ពីអាយុបាន ៦ ខែ៕

ត្រួតពិនិត្យដោយ www.health.com.kh