អន្តរជាតិ
×![]()
ដោយ: ធីតា
តើអ្នកធ្លាប់ជួបបញ្ហាពុលរថយន្ត នៅពេលដែលរថយន្តបើកបរលើផ្លូវក្រវេចក្រវេន រថយន្តចាប់ហ្វាំងញឹកញាប់ ឬក៏ដោយសារតែអ្នកអង្គុយនៅផ្នែកខាងក្រោយដែរឬទេ ? ដើម្បីចៀសវាងនូវការពុលរថយន្ត យើងមានវិធី ៥ យ៉ាងយកមកបង្ហាញជូនលោកអ្នក។
1. បរិភោគឲ្យបានត្រឹមត្រូវ
មិនត្រូវបរិភោគច្រើនជ្រុលនោះទេ តែក៏មិនត្រូវធ្វើដំណើរដោយពោះទទេដែរ។ ត្រូវហូបអាហារណាដែលនឹងពោះ។ ចៀសវាងដាច់ខាតការបរិភោគជាតិខ្លាញ់ច្រើន និងផឹកសារជាតិអាល់កុល។
2. អង្គុយឲ្យបានត្រឹមត្រូវ
ដើម្បីកុំឲ្យក្អួតចង្អោរ នៅក្នុងពេលធ្វើដំណើរ អ្នកត្រូវតែធ្វើយ៉ាងណាទប់ក្បាលឲ្យនឹង ដោយប្រើប្រាស់ខ្នើយសម្រាប់ធ្វើដំណើរ និងលើកជើងទាំងពីរឡើងលើឲ្យបានខ្ពស់បន្តិច។
3. មិនត្រូវអង្គុយបែរក្រោយទេ
អ្នកត្រូវអង្គុយដោយធ្វើយ៉ាងណាឲ្យក្រសែភ្នែកស្របតាមការបំលាស់ទីរបស់រថយន្ត។
4. មិនត្រូវអានសៀវភៅទេ
អ្នកមិនត្រូវអាន ឬសរសេរក្នុងពេលធ្វើដំណើរលើរថយន្តទេ។ អ្នកគួរតែចំណាយពេលមើលទេសភាពតាមផ្លូវប្រសើរជាង។ បើសិនជាអ្នកក្អួតចង្អោរ ត្រូវធ្វើយ៉ាងណាកុំឲ្យស្ងួតបំពង់ក។
5. គ្រប់គ្រងសីតុណ្ហភាពក្នុងរថយន្ត
សីតុណ្ហភាពក្នុងរថយន្តមិនត្រូវក្តៅពេក ហើយក៏មិនត្រូវត្រជាក់ពេកដែរ។
ប្រសិនបើវិធីងាយៗទាំងនេះនៅតែមិនអាចបំបាត់អាការពុលរថយន្តបានទេនោះ អ្នកអាចប្រើប្រាស់ថ្នាំបាន ដោយផឹកវាកន្លះម៉ោង ឬមួយម៉ោងមុនពេលចេញដំណើរ។ ថ្នាំនេះមានប្រសិទ្ធភាពរយៈពេល ៦ ម៉ោង។ ប៉ុន្តែ អ្នកត្រូវដឹងថា ជួនកាល ឱសថប្រភេទនេះមានផ្ទុកសារជាតិថ្នាំងងុយគេង៕
Tag:
ប្លែក
© រក្សាសិទ្ធិដោយ thmeythmey.com
