ជាតិ
សង្គមជាតិ
ព្រៃវែង៖ អនុរក្សម្នាក់យកទូរសព្ទដៃតាមខ្លួន ប្រព្រឹត្តផ្ទុយវិន័យក្រសួងអប់រំ
×![]()
ដោយ: ថ្មីៗ
ភ្នំពេញ៖ ប្រធានមេប្រយោគប្រចាំមណ្ឌលប្រឡងមួយក្នុងខេត្តព្រៃវែង បានដកហូតទូរស័ព្ទដៃរបស់ អនុរក្សម្នាក់ នៅព្រឹកថ្ងៃ២៤ សីហា។ នេះបើតាមការផ្សាយលើទំព័រហ្វេសប៊ុកអង្គភាពប្រឆាំងអំពើពុករលួយ ដែលរាយការណ៍ដោយលោក នួន បូផល អនុប្រធានអង្គភាពប្រឆាំងអំពើអំពើពុករលួយ។
បើតាមការផ្សាយដែល ACU មិនបញ្ចេញអត្តសញ្ញាណអនុរក្ស ករណីមួយនេះ ជាកំហុសរបស់អនុរក្ស ដែលបានប្រព្រឹត្តផ្ទុយពីការណែនាំរបស់ក្រសួងអប់រំយុវជន និងកីឡា។
កាលពីថ្ងៃទី១៩ ខែសីហា រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណា រ៉ុន បញ្ជាក់ថា អ្នកដែលអាចប្រើប្រាស់គ្រឿងអេឡិចត្រូនិច ក្នុងមណ្ឌលប្រឡងនីមួយៗ រួមមាន គណៈមេប្រយោគទូទាំងប្រទេស ប្រធានអប្បមាទ ប្រធានមណ្ឌលសំណេរប្រធានកម្លាំងការពារម្នាក់ និងអ្នកសង្កេតការណ៍ ប៉ុណ្ណោះ។
ចំពោះកម្រិតពិន័យរដ្ឋបាលលើមន្ត្រីអប់រំវិញ លោករដ្ឋមន្ត្រីរៀបរាប់ពីទណ្ឌកម្មខាងវិន័យថា ចែកចេញជាពីរកម្រិតគឺ កម្រិតទីមួយ, ការស្តីបន្ទោស, ការបន្ទោសដោយមានចំណារក្នុងសំណុំលិខិតផ្ទាល់ខ្លួន, ការផ្លាស់ដោយបង្ខំតាមវិធានការខាងវិន័យ, ការលុបឈ្មោះចេញពីតារាងឡើងឋានន្តរស័ក្ដិ ឬថ្នាក់ជាដើមចំពោះមន្ត្រីអប់រំប្រព្រឹត្តកំហុស។
ទណ្ឌកម្មកម្រិតមួយ រួមមាន អនុញ្ញាតឲ្យបេក្ខជនចម្លងកិច្ចការគ្នា,អនុញ្ញាតឲ្យបេក្ខជនយកសំណៅឯកសារនិងឧបករណ៍អេឡិចត្រូនិកចូលក្នុងបន្ទប់ប្រឡង, អនុញ្ញាតឲ្យបេក្ខជននិយាយឆ្លើយឆ្លងគ្នាឬដើរពីតុមួយទៅតុមួយ, យកសំណៅឯកសារពីអ្នកដទៃឬពីបេក្ខជនម្នាក់ទៅឲ្យបេក្ខជនម្នាក់ទៀតចម្លង,ប្ដូរប្លង់តុឲ្យបេក្ខជនខុសពីការកំណត់របស់គណៈមេប្រយោគ, អនុញ្ញាតឲ្យសិស្សប្រើប្រាស់ឧបករណ៍អេឡិចត្រូនិកក្នុងបន្ទប់ប្រឡង, ដាក់ពិន្ទុខុសប្រក្រតីក្នុងការកែសន្លឹកកិច្ចការបេក្ខជន, អនុញ្ញាតឲ្យអ្នកដទៃប្រឡងជំនួសបេក្ខជន, និងជួយលាក់កំបាំងទង្វើមិនត្រឹមត្រូវរបស់មន្ត្រីអប់រំផ្សេងទៀត។
ដោយឡែក ទណ្ឌកម្មខាងវិន័យកម្រិតទីពីរ គឺការស្ដីបន្ទោសជាទម្ងន់និងលុបឈ្មោះចេញពីតារាងឡើងឋានន្តរស័ក្ដិ ឬថ្នាក់, ដាក់ឲ្យនៅទំនេរគ្មានបៀវត្សមិនឲ្យលើសពីមួយឆ្នាំ, ព្រមទាំងដាក់ឲ្យចូលនិវត្តន៍មុនកំណត់ ឬបញ្ឈប់ពីការងារដោយបង្ខំនិងបណ្ដេញចេញពីមុខតំណែងរាជការជាដើម។
មន្ត្រីអប់រំដែលចាត់ថាប្រព្រឹត្តកំហុសនេះ រួមមាន មន្ត្រីជួយធ្វើចម្លើយឲ្យបេក្ខជននិងធ្វើចរាចរចម្លើយពីបន្ទប់ប្រឡងមួយទៅបន្ទប់មួយទៀត, ជួយបេក្ខជនដោយសហការគ្នាមើលផ្លូវគណៈគ្រប់គ្រង, ផ្ដល់សញ្ញាឲ្យសិស្សឬផ្ដល់លេខសម្ងាត់ដល់អ្នកកែដើម្បីជាសញ្ញាសម្រាប់កែកិច្ចការ,ធ្វើឲ្យបែកធ្លាយវិញ្ញាសា, ប្ដូរសន្លឹកកិច្ចការឲ្យបេក្ខជនក្រោយពេលប្រឡងរួច, សរសេរបន្ថែមខ្លឹមសារលើសន្លឹកកិច្ចការបេក្ខជន, បញ្ចុះបញ្ចូលបេក្ខជន ឬអ្នកអាណាព្យាបាលឲ្យសូកប៉ាន់ដើម្បីប្រឡងជាប់ឬទទួលបាន និទ្ទេសល្អ, បង្កើតបណ្ដាញស្វែងរកផលកម្រៃពីការប្រឡង, ទទួលប្រាក់ពីបេក្ខជនជាថ្នូរនឹងការចម្លង ឬធ្វើចម្លើយឲ្យបេក្ខជន, គំរាម ឬសម្លុតបេក្ខជនក្នុងពេលប្រឡង, និងបង្កើតក្រុមធ្វើចម្លើយក្នុងពេលកំពុងដំណើរការប្រឡង និងការចូលរួមឬឲ្យគេធ្វើគណៈកម្មការជំនួសបុគ្គលិកអប់រំទូទៅ៕
បើតាមការផ្សាយដែល ACU មិនបញ្ចេញអត្តសញ្ញាណអនុរក្ស ករណីមួយនេះ ជាកំហុសរបស់អនុរក្ស ដែលបានប្រព្រឹត្តផ្ទុយពីការណែនាំរបស់ក្រសួងអប់រំយុវជន និងកីឡា។
កាលពីថ្ងៃទី១៩ ខែសីហា រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួនណា រ៉ុន បញ្ជាក់ថា អ្នកដែលអាចប្រើប្រាស់គ្រឿងអេឡិចត្រូនិច ក្នុងមណ្ឌលប្រឡងនីមួយៗ រួមមាន គណៈមេប្រយោគទូទាំងប្រទេស ប្រធានអប្បមាទ ប្រធានមណ្ឌលសំណេរប្រធានកម្លាំងការពារម្នាក់ និងអ្នកសង្កេតការណ៍ ប៉ុណ្ណោះ។
ចំពោះកម្រិតពិន័យរដ្ឋបាលលើមន្ត្រីអប់រំវិញ លោករដ្ឋមន្ត្រីរៀបរាប់ពីទណ្ឌកម្មខាងវិន័យថា ចែកចេញជាពីរកម្រិតគឺ កម្រិតទីមួយ, ការស្តីបន្ទោស, ការបន្ទោសដោយមានចំណារក្នុងសំណុំលិខិតផ្ទាល់ខ្លួន, ការផ្លាស់ដោយបង្ខំតាមវិធានការខាងវិន័យ, ការលុបឈ្មោះចេញពីតារាងឡើងឋានន្តរស័ក្ដិ ឬថ្នាក់ជាដើមចំពោះមន្ត្រីអប់រំប្រព្រឹត្តកំហុស។
ទណ្ឌកម្មកម្រិតមួយ រួមមាន អនុញ្ញាតឲ្យបេក្ខជនចម្លងកិច្ចការគ្នា,អនុញ្ញាតឲ្យបេក្ខជនយកសំណៅឯកសារនិងឧបករណ៍អេឡិចត្រូនិកចូលក្នុងបន្ទប់ប្រឡង, អនុញ្ញាតឲ្យបេក្ខជននិយាយឆ្លើយឆ្លងគ្នាឬដើរពីតុមួយទៅតុមួយ, យកសំណៅឯកសារពីអ្នកដទៃឬពីបេក្ខជនម្នាក់ទៅឲ្យបេក្ខជនម្នាក់ទៀតចម្លង,ប្ដូរប្លង់តុឲ្យបេក្ខជនខុសពីការកំណត់របស់គណៈមេប្រយោគ, អនុញ្ញាតឲ្យសិស្សប្រើប្រាស់ឧបករណ៍អេឡិចត្រូនិកក្នុងបន្ទប់ប្រឡង, ដាក់ពិន្ទុខុសប្រក្រតីក្នុងការកែសន្លឹកកិច្ចការបេក្ខជន, អនុញ្ញាតឲ្យអ្នកដទៃប្រឡងជំនួសបេក្ខជន, និងជួយលាក់កំបាំងទង្វើមិនត្រឹមត្រូវរបស់មន្ត្រីអប់រំផ្សេងទៀត។
ដោយឡែក ទណ្ឌកម្មខាងវិន័យកម្រិតទីពីរ គឺការស្ដីបន្ទោសជាទម្ងន់និងលុបឈ្មោះចេញពីតារាងឡើងឋានន្តរស័ក្ដិ ឬថ្នាក់, ដាក់ឲ្យនៅទំនេរគ្មានបៀវត្សមិនឲ្យលើសពីមួយឆ្នាំ, ព្រមទាំងដាក់ឲ្យចូលនិវត្តន៍មុនកំណត់ ឬបញ្ឈប់ពីការងារដោយបង្ខំនិងបណ្ដេញចេញពីមុខតំណែងរាជការជាដើម។
មន្ត្រីអប់រំដែលចាត់ថាប្រព្រឹត្តកំហុសនេះ រួមមាន មន្ត្រីជួយធ្វើចម្លើយឲ្យបេក្ខជននិងធ្វើចរាចរចម្លើយពីបន្ទប់ប្រឡងមួយទៅបន្ទប់មួយទៀត, ជួយបេក្ខជនដោយសហការគ្នាមើលផ្លូវគណៈគ្រប់គ្រង, ផ្ដល់សញ្ញាឲ្យសិស្សឬផ្ដល់លេខសម្ងាត់ដល់អ្នកកែដើម្បីជាសញ្ញាសម្រាប់កែកិច្ចការ,ធ្វើឲ្យបែកធ្លាយវិញ្ញាសា, ប្ដូរសន្លឹកកិច្ចការឲ្យបេក្ខជនក្រោយពេលប្រឡងរួច, សរសេរបន្ថែមខ្លឹមសារលើសន្លឹកកិច្ចការបេក្ខជន, បញ្ចុះបញ្ចូលបេក្ខជន ឬអ្នកអាណាព្យាបាលឲ្យសូកប៉ាន់ដើម្បីប្រឡងជាប់ឬទទួលបាន និទ្ទេសល្អ, បង្កើតបណ្ដាញស្វែងរកផលកម្រៃពីការប្រឡង, ទទួលប្រាក់ពីបេក្ខជនជាថ្នូរនឹងការចម្លង ឬធ្វើចម្លើយឲ្យបេក្ខជន, គំរាម ឬសម្លុតបេក្ខជនក្នុងពេលប្រឡង, និងបង្កើតក្រុមធ្វើចម្លើយក្នុងពេលកំពុងដំណើរការប្រឡង និងការចូលរួមឬឲ្យគេធ្វើគណៈកម្មការជំនួសបុគ្គលិកអប់រំទូទៅ៕
© រក្សាសិទ្ធិដោយ thmeythmey.com
