សុខភាព៖ អត្ថប្រយោជន៍ដ៏គួរឲ្យភ្ញាក់ផ្អើល របស់ម្រេចខ្មៅ

ព័ត៍មានសុខភាព

សុខភាព៖ អត្ថប្រយោជន៍ដ៏គួរឲ្យភ្ញាក់ផ្អើល របស់ម្រេចខ្មៅ

04, Nov 2016 , 6:59 am

រូបភាព

ដោយ: ថ្មីៗ

ក្រៅពីរសជាតិហឹរតិចៗរបស់ម្រេចខ្មៅ វាក៏ផ្តល់ជាគ្រឿងផ្សំដ៏ឈ្ងុយឆ្ងាញ់ ដល់ម្ហូបអាហាររបស់មេផ្ទះគ្រប់រូប ដែលនិយមភាពហឹរ តាមបែបធម្មជាតិរបស់វាដែរ។ អ្វីដែលគួរឲ្យភ្ញាក់ផ្អើលនោះគឺថា ម្រេចខ្មៅ នឹងផ្តល់នូវអត្ថប្រយោជន៍ ដ៏អស្ចារ្យមួយចំនួនទៀត ដល់សុខភាពមនុស្សយើង ដូចជា អាចយកមកផ្តាច់បារី ជំនួយដល់ការឈឺចាប់ ជួយឲ្យការបោកសម្លៀកបំពាក់កាន់តែស្អាតល្អ បំបាត់ការតឹងច្រមុះ និងអ្វីៗជាច្រើនទៀត។

ជួយរក្សាពណ៌សម្លៀកបំពាក់ពេលបោក

តើពណ៌សម្លៀកបំពាក់ដែលអ្នកចូលចិត្ត កំពុងតែខូចខាត ដោយសារតែការបោកសម្លៀកបំពាក់ញឹកញាប់ពេកមែនទេ? តើមានដំណោះស្រាយហើយ ឬនៅ? អ្នកគួរតែរោយម្រេចខ្មៅមួយស្លាបព្រា លើសម្លៀកផង មុននឹងបើកទឹកបោកសម្លៀកបំពាក់ក្នុងម៉ាស៊ីន។ ការធ្វើបែបនេះ នឹងជួយថែរក្សាពណ៌សម្លៀកបំពាក់ កុំឲ្យបែកចេញ និងរក្សាភាពភ្លឺរលោងរបស់សម្លៀកបំពាក់បានទៀត។

សម្រួលដល់ការក្អកមានស្លេស

ឥឡូវនេះ អ្នកអាចលុបបំបាត់ ការក្អកមានស្លេស បានយ៉ាងងាយតាមរយៈ ការញ៉ាំតែម្រេច លាយទឹកឃ្មុំមួយពែង។ ឥទ្ធិពលរបស់ម្រេច នឹងភ្ញោចទៅរបត់ឈាមរត់ និងជួយឲ្យស្លេសចេញបានស្រួល ខណៈពេលដែលទឹកឃ្មុំ ដើរតួនាទីជាថ្នាំផ្សះ និងបំបាត់ការក្អកតាមបែបធម្មជាតិ។ ចូរលាយម្រេចខ្មៅស្រស់ៗមួយស្លាបព្រាកាហ្វេ ជាមួយទឹកឃ្មុំពីរស្លាបព្រាបាយក្នុងពែងមួយ។ បន្ទាប់មក ចាក់ទឹកដាំពុះបំពេញល្បាយនេះ ហើយទុកចោល ១៥ នាទី។ ពេលនេះ អ្នកអាចក្រេបរសជាតិរបស់វាតិចៗបានហើយ។ វិធីដើម្បីបំបាត់ការក្អកមួយទៀតគឺ រោយម្រេចខ្មៅលើចំណិតក្រូចឆ្មារ ហើយព្យាយាមជញ្ជក់ក្រូចឆ្មារនោះរហូតដល់មានអារម្មណ៍ថា ការក្អករបស់អ្នកធូរស្រាលហើយ។

ជំនួយដល់ការផ្តាច់បារី

តាមការសិក្សាមួយ ដែលចុះផ្សាយកាលពីឆ្នាំ ២០១៣ ក្នុងសារព័ត៌មាន Joual of Alteative and Complementary Medicine បានរកឃើញថា ការស្រូបក្លិនរបស់ប្រេងម្រេចខ្មៅ អាចជួយកាត់បន្ថយការស្រេកឃ្លាន របស់អ្នកញៀនជាតិនីកូទីន។ នៅពេលពួកគេធ្វើការសម្ភាសន៍នោះ អ្នកចូលរួមបានឲ្យដឹងថា ពួកគេមានអារម្មណ៍ល្អហើយ និងឈឺឈៀបៗក្នុងបំពង់ក ដែលជាអារម្មណ៍ស្រដៀងគ្នា នឹងពេលពួកគេ ជក់បារីមានជាតិនីកូទីនដែរ។ បន្ទាប់មក អ្នកស្រាវជ្រាវបានណែនាំឲ្យអ្នកជក់បារីទាំងអស់ បន្តក់ប្រេងម្រេចពីរបីដំណក់ក្នុងសម្លី និងស្រង់ក្លិនរបស់វា នៅពេលមានអារម្មណ៍ចង់ជក់បារី៕

ត្រួតពិនិត្យដោយ www.health.com.kh