ជាតិ
នយោបាយជាតិ
អ្នកនាំពាក្យថា ទោះមន្រ្តីCNRP ចេញពីសម រង្ស៊ីនិងកឹម សុខា តែមន្ត្រីមិនពិបាកធ្វើការជាមួយគ្នា
× អ្នកនាំពាក្យគណបក្សសង្គ្រោះជាតិ លោក យឹម សុវណ្ណ បានច្រានចោលព័ត៌មានដែលថា មន្ត្រីរបស់គណបក្សសង្គ្រោះជាតិធ្វើការមិនចុះសម្រុងគ្នា ពីព្រោះតែមន្ត្រីគណបក្សនេះ ចេញពីគណបក្សពីរផ្សេងគ្នា គឺក្រុមមន្ត្រីរបស់គណបក្ស លោក សម រង្ស៊ី និងក្រុមមន្ត្រីរបស់គណបក្ស លោក កឹម សុខា ដែលជាអតីតប្រធានគណបក្សសិទ្ធមនុស្ស។ «វាជាព័ត៌មានមួយមិនពិតទេ» ។ នេះជាការបញ្ជាក់របស់លោក យឹម សុវណ្ណ។
តែយ៉ាងណាលោក យឹម សុវណ្ណ ក៏ទទួលស្គាល់ថា នៅក្នុងគណបក្សមួយ មិនអាចឲ្យមនុស្សមានចិត្តគំនិតដូចគ្នានោះឡើយ។ លោក បញ្ជាក់យ៉ាងនេះថា៖«តាមធម្មតាមនុស្សមួយរយនាក់ មានបញ្ហាមួយរយ សំខាន់មេដឹកនាំចេះដោះស្រាយបញ្ហា ។ ខ្ញុំមិនជឿថា គណបក្សណាគ្មានបញ្ហានោះទេ។ការខុសគ្នាពហុមតិ ពហុគំនិត តែងតែមាន។ តែសំខាន់ គឺត្រូវមានការសម្រេចចិត្តមួយដើម្បីផលប្រយោជន៍ជាតិ ឯកភាពគ្នា ក្នុងគោលដៅសម្រេចគោលបំណងរួម។ គណបក្សប្រជាធិបតេយ្យ ការខុសគំនិតគ្នា គេចមិនផុត»។
ស្តាប់សំឡេងលោក យឹម សុវណ្ណ
កន្លងមកមានពាក្យចចាមអារ៉ាមថា មន្ត្រីគណបក្សសង្គ្រោះជាតិបែងចែកជាពីរក្រុម គឺក្រុម លោក កឹម សុខា និងក្រុមរបស់លោក សម រង្ស៊ី។ ថ្វីដ្បិតមន្ត្រីទាំងនោះ ជ្រកក្រោមដំបូលនៃគណបក្សតែមួយ គឺគណបក្សសង្គ្រោះជាតិក៏ដោយ តែមន្ត្រីវិញគោរព និងបែងចែកមេរៀងៗខ្លួន ដែលធ្វើឲ្យមន្ត្រីទាំងនោះ មិនអាចធ្វើការជាមួយគ្នាដោយរលូន។
Tag:
CNRP
សម រង្ស៊ី
កឹម សុខា
© រក្សាសិទ្ធិដោយ thmeythmey.com