ពីនេះ ពីនោះ
×![]()
ដោយ: ថ្មីៗ
តើមានវិធីសាស្ត្រអ្វីខ្លះ ដែលអាចជួយអ្នក ឲ្យទទួលបានការងារធ្វើ? ឲ្យតែអ្នកឆ្លើយត្រូវសំណួរដែលសំភាសន៍ នោះអ្នកនឹងអាចទទួលបាន ការងារយ៉ាងងាយស្រួល ដូចនេះ គួរតែឆ្លើយដូចម្តេចទៅ?
1. បើគេឲ្យអ្នកណែនាំពីខ្លួនឯង អ្នកមិនត្រូវនិយាយតែពីឈ្មោះ អាយុ ចំណង់ចំណូលចិត្តអ្នកទេ ព្រោះទាំងនេះសុទ្ធតែមាន ក្នុងស៊ីវីរបស់អ្នក ប៉ុន្តែ អ្នកត្រូវតែនិយាយពី សមិទ្ធិផលផ្សេងៗ ដែលអ្នកធ្លាប់ទទួលបាន ឬនិយាយពីអត្តចរឹតអ្នក ជាមនុស្សប្រភេទណា ដើម្បីទាក់ទាញអ្នកដែលសំភាសន៍អ្នក ឲ្យមានចំណាប់អារម្មណ៍លើអ្នក។
2. នៅពេលដែលគេសួរអ្នក ពីមុខវិជ្ជាណា ដែលអ្នកមិនពេញចិត្តនៅសាលា អ្នកមិនត្រូវឆ្លើយ ដោយប្រាប់មូលហេតុច្បាស់លាស់ពេកទេ អ្នកត្រូវតែឆ្លើយថា មានមុខវិជ្ជាមួយចំនួន ដែលអ្នកមិនពេញចិត្ត ប៉ុន្តែ ដោយសារតែមិនពេញចិត្ត អ្នកតែងតែខិតខំប្រឹងប្រែងស្រាវជ្រាវ លុះយូរទៅ មុខវិជ្ជាទាំងនោះ ធ្វើឲ្យអ្នកចូលចិត្តឡើងវិញ។ នៅពេលដែលអ្នកឆ្លើយបែបនេះ នោះគេនឹងគិតថា ពេលដែលអ្នកជួបនឹងការងារមិនពេញចិត្ត អ្នកនឹងខិតខំធ្វើ ដោយមិនត្អូញត្អែរឡើយ។
3. នៅពេលដែលគេសួរ ពីគុណវិបត្តិរបស់អ្នក អ្នកមិនត្រូវឆ្លើយពីគុណវិបត្តិភ្លាមនោះទេ អ្នកត្រូវតែឆ្លើយពីគុណសម្បតិ្ត ហើយទើបនិយាយចូលគុណវិបត្តិបន្តិច ទើបចូលគុណសម្បត្តិវិញ នោះអ្នកដែលសំភាសន៍អ្នក នឹងយល់ថា អ្នកជាមនុស្សដែលឆ្លាត។
4. នៅពេលដែលគេសួរអ្នក ទាក់ទងនឹងថ្នាក់លើមុនរបស់អ្នក និងមិត្តរួមការងារចាស់អ្នកថាតើ អ្នកមានជំលោះនឹងពួកគេ ឬទេ? អ្នកត្រូវតែស្ងាត់មួយសន្ទុះ ហើយនិយាយថាគ្មានទេ ហើយត្រូវតែសរសើពីថ្នាក់លើចាស់របស់អ្នក ដើម្បីឲ្យគេគិតថា អ្នកជាមនុស្សដែលងាយស្រួលចុះសម្រុង ហើយមិនចេះនិយាយដើម របស់ចៅហ្វានាយឡើយ។
5. គេនឹងអាចសួរអ្នក ទាក់ទងនឹងភាពបរាជ័យនៃការរៀនសូត្រ និងការងារចាស់របស់អ្នក ដើម្បីចង់ដឹងថា អ្នកចេះរៀនពីកំហុសទាំងនោះ ឬនៅ។ នោះអ្នកអាចឆ្លើយចំណុច ដែលអ្នកបរាជ័យ បន្ទាប់មក ឆ្លើយពីចំណុច ដែលអ្នកធ្វើឲ្យវាប្រសើរវិញ ហើយថ្ងៃក្រោយ អ្នកមិនប្រព្រឹត្តខុសទៀតទេ នេះជាអ្វីដែលអ្នកសំភាសន៍អ្នក ចូលចិត្តស្តាប់បំផុត៕
ត្រួតពិនិត្យដោយ www.health.com.kh
Tag:
ប្លែក
© រក្សាសិទ្ធិដោយ thmeythmey.com
