កីឡាជាតិ
U-18 ភ្នំពញក្រោន ប៉ះម្ចាស់ផ្ទះ PVF FA របស់វៀតណាម នៅម៉ោង ៣:៣០ នាទីល្ងាចនេះ
× ក្រុមបាល់ទាត់យុវជនក្រោមអាយុ១៨ឆ្នាំភ្នំពេញក្រោន (U-18) របស់កម្ពុជា ត្រូវប្រកួតក្នុងជម្រុះពូល B ក្នុងពានរង្វាន់ Asia Champions Trophy U-18 2015 ជាមួយក្រុមម្ចាស់ផ្ទះ PVF FA របស់វៀតណាម នៅថ្ងៃពុធ ទី ៨ ខែ សីហា ឆ្នាំ ២០១៥ នេះវេលាម៉ោង ៣:៣០ នាទីល្ងាច នៅកីឡដ្ឋាន Thong Nhat Stadium ក្នុងទីក្រុងហូជីមិញ។
ក្រុមU-18ភ្នំពេញក្រោន ដែលមានកីឡាករ១៨នាក់ បានធ្វើដំណើរទៅដល់ប្រទេសវៀតណាម នៅព្រឹកថ្ងៃអង្គារ ទី ៨ ខែ កញ្ញា ម្សិលមិញនេះ ក្រោមការដឹកនាំរបស់លោក ប៊ូយ ដារី ជាគ្រូបង្វឹក និងលោក Tom Legg ជាមន្ត្រីបច្ចេកទេសរបស់ក្លិប។
សម្រាប់ក្រុមភ្នំពេញក្រោន នេះជាប្រកួតលើកទី៣ ហើយស្របពេលលើកដំបូងធ្លាប់បានប្រកួតចាញ់ក្រុម Kashima Antlers របស់ជប៉ុន ៥ ទល់ ០ កាលពីថ្ងៃទី ៥ សីហា កន្លងទៅ ហើយបានប្រកួតស្មើគ្នា ១ ទល់ ១ ជាមួយក្រុម Frenz United B លើទឹកដីកីឡដ្ឋាន RSN Stadium ក្នុងរាជធានីភ្នំពេញនៅថ្ងៃទី ១៤ ខែ សីហា។
ចំណែកក្រុម PVF FA ដែលដឹកនាំដោយលោក Nguyen Phuc Nguyen Chuong ឆ្លងកាត់ប្រកួតបាន ២ លើកមកហើយដោយបើកឆាកស្មើគ្នាជាមួយក្រុម Frenz United ១ ទល់ ១ កាលពីថ្ងៃទី ៨ ខែ សីហា និងបន្តចាញ់ក្រុម Kashima Antles របស់ជប៉ុន ១ ទល់ ០ កាលពីថ្ងៃទី ១៤ ខែ សីហា នៅទឹកដីក្នុងក្រុងហូជីមិញ របស់ខ្លួន។
សម្រាប់ពូល B ក្រៅពីភ្នំពេញក្រោន ជួប PVF FA នៅម៉ោង ៣:៣០ នាទីថ្ងៃនេះ ក៏មានគូប្រកួតមួយគូទៀតដែរ ដោយក្រុម Frenz United B របស់ម៉ាឡេស៊ី ទទួលស្វាគមន៍ក្រុមភ្ញៀវ Kashima Antles របស់ជប៉ុន នៅវេលាម៉ោង ៨:១៥ នាទី (ម៉ោងនៅម៉ាឡេស៊ី)
សរុបតារាងចំណាត់ថ្នាក់បណ្ដោះអាសន្នប្រចាំពូល B មានក្រុមKashima Antles របស់ជប៉ុនឈលេខ១ មាន ៦ ពិន្ទុ ហើយក្រុមលេខ២ Frenz United របស់ម៉ាឡេស៊ី មាន២ ពិន្ទុ ក្រុមលេខ៣ PVF FA របស់វៀតណាមមាន ១ ពិន្ទុ និង ក្រុមភ្នំពេញក្រោន របស់កម្ពុជា មាន ១ ពិន្ទុ ក្រោយឆ្លងកាត់ ២ ប្រកួតដូចគ្នា។
ពានរង្វាន់ Asia Champions Trophy U-18 2015 បានបែងចែកក្រុមទាំង ៨ ជា ២ ពូលផ្សេងគ្នា ដោយពូល A មាន Chonburi របស់ថៃ, India U-18 National Team (All India Football Federation (AIFF)) របស់ឥណ្ឌា, Frenz United A របស់ម៉ាឡេស៊ី និង Felda United របស់ម៉ាឡេស៊ី។ ចំណែកពូល B មានយុវជន U-18 ភ្នំពេញក្រោន ក្រុម Kashima Antlers របស់ជប៉ុន, PVF របស់វៀតណាម និង Frenz United B របស់ម៉ាឡេស៊ី ដោយចាប់ពីថ្ងៃទី៥ សីហា ដល់ថ្ងៃទី១៩ ខែវិច្ឆិកា ឆ្នាំ២០១៥ ប្រើប្រព័ន្ធប្រកួតក្នុងដីនិងក្រៅដី (Home/Away)៕
© រក្សាសិទ្ធិដោយ thmeythmey.com