ជាតិ
លោក William Heidt និងលោកស្រី មនោ សូទ្ធី ជាភរិយា
×![]()
ដោយ: ម៉ៅ សុផា
លោក William Heidt ឯកអគ្គរដ្ឋទូតថ្មីនៃសហរដ្ឋអាមេរិកប្រចាំកម្ពុជា បានចាត់ទុកកម្ពុជា ជាទឹកដីដ៏ពិសេសក្នុងបេះដូងរបស់លោក។ ឯកអគ្គរដ្ឋទូតរូបនេះ បានមានប្រសាសន៍ជាភាសាខ្មែរយ៉ាងដូច្នេះ ក្នុងឃ្លីបវីដេអូមួយជាមួយភរិយារបស់លោក ដែលជាជនជាតិខ្មែរ គឹលោកស្រី មនោ សូទ្ធី។ ឃ្លីបវីដេអូដែលមានរយៈពេល១នាទី និង៤១វិនាទី ត្រូវបានបង្ហោះផ្សព្វផ្សាយក្នុងទំព័រហ្វេសប៊ុករបស់ស្ថានទូតសហរដ្ឋមេរិក នៅថ្ងៃទី១៦ ខែកញ្ញានេះ។
«ប្រទេសកម្ពុជា ជាកន្លែងពិសេសក្នុងបេះដូងខ្ញុំ។ ខ្ញុំមានកិត្តិយសណាស់ ដែលលោកប្រធានាធិបតី បារ៉ាក់ អូបាម៉ា បានតែងតាំងខ្ញុំជាឯកអគ្គរដ្ឋទូតថ្មីរបស់សហរដ្ឋអាមេរិកប្រចាំនៅព្រះរាជាណាចក្រកម្ពុជា»។ នេះជាប្រសាសន៍របស់លោក William Heidt ដែលសម្តែងពីមោទនភាព ដែលបានទទួលតំណែងជាឯកអគ្គរដ្ឋទូតប្រចាំនៅកម្ពុជា។
តាមរយៈវីដេអូឃ្លីបនេះ លោក William Heidt បានប្តេជ្ញាថា រូបលោកនឹងខិតខំបំពេញភារកិច្ចជាអ្នកការទូត ដើម្បីធ្វើឲ្យកម្ពុជា និងសហរដ្ឋអាមេរិកមានទំនាក់ទំនងកាន់តែរឹងមាំ។ លោកបញ្ជាក់ដូច្នេះថា៖ «ខ្ញុំនឹងខំធ្វើការ ដើម្បីធ្វើឲ្យទំនាក់ទំនងរវាងសហរដ្ឋអាមេរិក និងប្រជាជនខ្មែរឲ្យកាន់តែស៊ីជម្រៅ និងដើម្បីបង្រួមចំណងមិត្តភាពរវាងប្រទេសទាំងពីរឲ្យកាន់តែរឹងមាំឡើង»។
លើសពីនេះទៅទៀត ឯកអគ្គរដ្ឋទូតថ្មីរូបនេះក៏បានអះអាងដែរថា រូបលោកធ្លាប់បានរស់នៅ និងធ្វើការនៅកម្ពុជា កាលពីចុងទសវត្សទី៩០ ។ លោកបញ្ជាក់ថា៖ «កាលពីចុងទសវត្សទី៩០ ខ្ញុំធ្លាប់ធ្វើការក្នុងស្រុកខ្មែរ។ ពេលនោះខ្ញុំបានជួយបង្កើនពាណិជ្ជកម្មរវាងប្រទេសយើងទាំងពីរ ជួយលើកកម្ពស់សន្តិសុខ និងជួយការពារបរិស្ថានផងដែរ»។
លោកស្រី មនោ សូទ្ធី ក៏បានបង្ហាញពីអារម្មណ៍រំភើបរីករាយរបស់ខ្លួនផងដែរ ដែលបានវិលត្រឡប់មកប្រទេសកំណើតរបស់ខ្លួន ដែលលោកបានមើលឃើញពីការរីកចម្រើននារយៈពេល២០ឆ្នាំចុងក្រោយនេះ។
នៅឃ្លីបវីដេអូ គេក៏សង្កេតឃើញការភ្ជាប់នូវរូបថតអនុស្សាវរីយ៍ផ្សេងៗនាអំឡុងបេសកកម្មរបស់លោក William Heidt កាលពីចុងទសវត្សទី៩០នៅកម្ពុជា រួមទាំងរូបថតអាពាហ៍ពិពាហ៍ក្នុងសម្លៀកបំពាក់ប្រពៃណីខ្មែរផងដែរ៕
«ប្រទេសកម្ពុជា ជាកន្លែងពិសេសក្នុងបេះដូងខ្ញុំ។ ខ្ញុំមានកិត្តិយសណាស់ ដែលលោកប្រធានាធិបតី បារ៉ាក់ អូបាម៉ា បានតែងតាំងខ្ញុំជាឯកអគ្គរដ្ឋទូតថ្មីរបស់សហរដ្ឋអាមេរិកប្រចាំនៅព្រះរាជាណាចក្រកម្ពុជា»។ នេះជាប្រសាសន៍របស់លោក William Heidt ដែលសម្តែងពីមោទនភាព ដែលបានទទួលតំណែងជាឯកអគ្គរដ្ឋទូតប្រចាំនៅកម្ពុជា។
តាមរយៈវីដេអូឃ្លីបនេះ លោក William Heidt បានប្តេជ្ញាថា រូបលោកនឹងខិតខំបំពេញភារកិច្ចជាអ្នកការទូត ដើម្បីធ្វើឲ្យកម្ពុជា និងសហរដ្ឋអាមេរិកមានទំនាក់ទំនងកាន់តែរឹងមាំ។ លោកបញ្ជាក់ដូច្នេះថា៖ «ខ្ញុំនឹងខំធ្វើការ ដើម្បីធ្វើឲ្យទំនាក់ទំនងរវាងសហរដ្ឋអាមេរិក និងប្រជាជនខ្មែរឲ្យកាន់តែស៊ីជម្រៅ និងដើម្បីបង្រួមចំណងមិត្តភាពរវាងប្រទេសទាំងពីរឲ្យកាន់តែរឹងមាំឡើង»។
លើសពីនេះទៅទៀត ឯកអគ្គរដ្ឋទូតថ្មីរូបនេះក៏បានអះអាងដែរថា រូបលោកធ្លាប់បានរស់នៅ និងធ្វើការនៅកម្ពុជា កាលពីចុងទសវត្សទី៩០ ។ លោកបញ្ជាក់ថា៖ «កាលពីចុងទសវត្សទី៩០ ខ្ញុំធ្លាប់ធ្វើការក្នុងស្រុកខ្មែរ។ ពេលនោះខ្ញុំបានជួយបង្កើនពាណិជ្ជកម្មរវាងប្រទេសយើងទាំងពីរ ជួយលើកកម្ពស់សន្តិសុខ និងជួយការពារបរិស្ថានផងដែរ»។
លោកស្រី មនោ សូទ្ធី ក៏បានបង្ហាញពីអារម្មណ៍រំភើបរីករាយរបស់ខ្លួនផងដែរ ដែលបានវិលត្រឡប់មកប្រទេសកំណើតរបស់ខ្លួន ដែលលោកបានមើលឃើញពីការរីកចម្រើននារយៈពេល២០ឆ្នាំចុងក្រោយនេះ។
នៅឃ្លីបវីដេអូ គេក៏សង្កេតឃើញការភ្ជាប់នូវរូបថតអនុស្សាវរីយ៍ផ្សេងៗនាអំឡុងបេសកកម្មរបស់លោក William Heidt កាលពីចុងទសវត្សទី៩០នៅកម្ពុជា រួមទាំងរូបថតអាពាហ៍ពិពាហ៍ក្នុងសម្លៀកបំពាក់ប្រពៃណីខ្មែរផងដែរ៕
Tag:
ស្ថានទូតអាមេរិក
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
