ជាតិ
រូបថតពីហ្វេសប៊ុក លោក ឈិត សុខុន អភិបាលខេត្តព្រះសីហនុ
×![]()
រូបថតពីហ្វេសប៊ុក លោក ឈិត សុខុន អភិបាលខេត្តព្រះសីហនុ
×![]()
រូបថតពីហ្វេសប៊ុក លោក ឈិត សុខុន អភិបាលខេត្តព្រះសីហនុ
×![]()
ភ្នំពេញ៖ កម្ពុជានឹងទទួលរងឥទ្ធិពលសម្ពាធទាបថ្មីមួយ មកលើតំបន់ជាប់ផ្ទៃសមុទ្រ និងតំបន់មួយចំនួននៅទូទាំងប្រទេសកម្ពុជា ចន្លោះពីថ្ងៃទី២០ ទៅថ្ងៃទី២១ កញ្ញាខាងមុខនេះ។ ឥទ្ធិពល សម្ពាធទាបនឹងបង្កឲ្យមានរលកធំៗ និងមានភ្លៀងធ្លាក់ច្រើន។
អ្នកនាំពាក្យក្រសួងធនធានទឹក និងឧតុនិយម លោក ចាន់ យុត្ថា ឲ្យដឹងនៅរសៀលថ្ងៃ១៧ កញ្ញានេះថា ឥទ្ធិពលសម្ពាធទាបថ្មីមួយ ដែលកំពុងតែមានសកម្មភាពនៅក្នុង ប្រទេសបង់ក្លាដេស នឹងបក់កាត់ប្រទេសហ្វីលីពីន មកអាងទន្លេមេគង្គប្រទេសថៃ ហើយវានឹងឥទ្ធិពលមកដល់ប្រទេសកម្ពុជាចន្លោះពីថ្ងៃទី២០ កញ្ញានេះ។
លោក ចាន់ យុត្ថា បានបញ្ជាក់ថា ឥទ្ធិពលសម្ពាធទាបនេះ នឹងបង្កឲ្យមានខ្យល់បក់បោកខ្លាំង មានរលកធំៗ មានភ្លៀងធ្លាក់ និងមេឃអាប់អួរនៅលើផ្ទៃសមុទ្រ។ «រហូតមកដល់ពេលនេះក្រសួងធនធានទឹកកំពុងតែពិនិត្យតាមដានលើដំណើរការណ៍ នៃការវិវដ្តឥទ្ធិពលសម្ពាធទាបនេះ»។ លោក ចាន់ យុត្ថា បញ្ជាក់ប្រាប់សារព័ត៌មានថ្មីៗ តាមទូរសព្ទ នៅរសៀលនេះ។
អ្នកនាំពាក្យ បានអំពាវនាវដល់ប្រជាពលរដ្ឋនៅតំបន់មាត់សមុទ្របង្កើន ការប្រុងប្រយ័ត្នខ្ពស់ ជាពិសេសប្រជានេសាទ និងអ្នកធ្វើដំណើរទេសចរតាមសមុទ្រ សូមផ្អាកសកម្មភាពនេសាទ និងការធ្វើដំណើរកម្សាន្តលើផ្ទៃសមុទ្រ អំឡុងពេលឥទ្ធិពលសម្ពាធទាប ដើម្បីចៀសវាងគ្រោះថ្នាក់ដែលអាចកើតឡើងជាយថាហេតុ៕
© រក្សាសិទ្ធិដោយ thmeythmey.com
