ជាតិ
សង្គមជាតិ
កម្ពុជាមានអាកាសធាតុធម្មតាវិញហើយ នៅថ្ងៃទី២១ កញ្ញានេះ
× កម្ពុជាមិនទទួលរងឥទ្ធិពលសម្ពាធទាបថ្មីទេ នៅទូទាំងប្រទេស នៅថ្ងៃទី២១ កញ្ញានេះ។
អ្នកនាំពាក្យក្រសួងធនធានទឹក និងឧតុនិយម លោក ចាន់ យុត្ថា ឲ្យដឹងនៅថ្ងៃច័ន្ទនេះថា តាមការព្យាករណ៍អាកាសធាតុ កន្លងទៅ កម្ពុជាមានអាកាសធាតុធម្មតា នៅថ្ងៃទី២១នេះ ពោលគឺទឹកភ្លៀងធ្លាក់តាមធម្មតាក្នុងរដូវវស្សា។ «ស្ថានភាពអាកាសធាតុ នៅថ្ងៃទី២១នេះ ក្រសួងពិនិត្យឃើញថា ពុំមានរងឥទ្ធិពលសម្ពាធទាបថ្មីទេ ភ្លៀងធ្លាក់តាមរដូវវស្សាធម្មតា»។ លោក ចាន់ យុត្ថា បញ្ជាក់ប្រាប់សារព័ត៌មានថ្មីៗ នៅថ្ងៃនេះ។
ដោយឡែក ស្ថានភាពជំនន់ទឹកភ្លៀងដែលបណ្តាលមកពីឥទ្ធិពលព្យុះនៅក្នុងសមុទ្រចិនភាគខាងត្បូង ពីថ្ងៃទី១៣ ដល់ថ្ងៃទី១៨ ខែកញ្ញា កន្លងមក នៅខេត្តកំពត ព្រះសីហនុ និងបាត់ដំបង កន្លងមក អ្នកនាំពាក្យបានបញ្ជាក់ថា ជំនន់ទឹកភ្លៀងបានចុះស្រកបណ្តើរៗវិញហើយ។
© រក្សាសិទ្ធិដោយ thmeythmey.com