ជាតិ
សេដ្ឋកិច្ច
អ្នកជំនួញកម្ពុជា-ឥណ្ឌាជួបគ្នាស្វែងរកឱកាសវិនិយោគនៅកម្ពុជា
× ក្រសួងពាណិជ្ជកម្ម សហការជាមួយឯកអគ្គរាជទូតឥណ្ឌាប្រចាំនៅកម្ពុជា បានរៀបចំឲ្យជំនួបរវាងក្រុមអ្នកជំនួញកម្ពុជា និងឥណ្ឌា ព្រមទាំងអ្នកបច្ចេកទេស ដើម្បីបង្ហាញពីជំហរក្នុងកិច្ចសហប្រតិបត្តិការលើវិស័យពាណិជ្ជកម្ម និងឧស្សាហកម្មរវាងប្រទេសទាំង២ ។
នេះជាជំនួបលើកទី១ ហើយដែលក្រុមធុរកិច្ចឥណ្ឌា មកស្វែងរកកិច្ចសហប្រតិបត្តិការវិនិយោគនៅកម្ពុជា។ សម្រាប់ លោក យ៉ាង ហៃ ប្រធានសមាគមពាណិជ្ជកម្មអន្តរជាតិកម្ពុជា និងជាប្រធានក្រុមប្រឹក្សាអភិវឌ្ឍន៍សេដ្ឋកិច្ចកម្ពុជា-ចិន បានគូសបញ្ជាក់ថានេះជាចំណុចចាប់ផ្តើមដ៏ល្អមួយដែលឥណ្ឌាសំឡឹងឃើញ និងជំរុញឲ្យវិនិយោគិនរបស់ខ្លួនមកបណ្តាក់ទុននៅកម្ពុជា។
ឥណ្ឌាជាប្រទេសមួយដែលមានបច្ចេកវិជ្ជាខ្ពស់ទាំងផ្នែកពាណិជ្ចកម្ម នឹងឧស្សាហកម្ម។ តាមរយៈកិច្ចប្រតិបត្តិការនេះ នឹងធ្វើឲ្យកម្ពុជាមានការអភិវឌ្ឍមួយជំហានទៀត។ នេះជាការបញ្ជាក់របស់លោក លោក យ៉ាង ហៃ។ ប្រធានសមាគមពាណិជ្ជកម្មអន្តរជាតិកម្ពុជា និងជាប្រធានក្រុមប្រឹក្សាអភិវឌ្ឍន៍សេដ្ឋកិច្ចកម្ពុជា-ចិនរូបនេះ ក៏អះអាងដែរថាផលិតផលរបស់កម្ពុជា នឹងនាំចេញទៅប្រទេសឥណ្ឌា ក្នុងពេលឆាប់ៗខាងមុខផងដែរ៕
ប្រភព៖AKP
Tag:
ពាណិជ្ជកម្ម
កម្ពុជា
ឥណ្ឌា
© រក្សាសិទ្ធិដោយ thmeythmey.com