អន្តរជាតិ
×![]()
ជនភៀសរាប់ម៉ឺននាក់ បានសម្រុកទៅកាន់អឺរ៉ុប ដែលជាកន្លែងដែលពួកគេរំពឹងទុកថាជាកន្លែងដែលអាចឲ្យគេកសាងជីវិតសារជាថ្មី។ រយៈពេលប៉ុន្មានសបា្តហ៍ចុងក្រោយនេះ ក្រុមជនភៀសខ្លួនរាប់ពាន់នាក់បានជាប់គាំងនិងកកស្ទះតាមបណ្តោយព្រំដែនរដ្ឋអឺរ៉ុបមួយចំនួន ដ្បិតរដ្ឋទាំងនោះមានការរឹតត្បិតនិង ចាត់វិធានការតឹងរឹងចំពោះជនភៀសខ្លួនច្រើនពេកដែលគេមិនមានសមត្ថភាពគ្រប់គ្រាន់ដើម្បីផ្តល់ទីលំនៅ។ ចុងក្រោយរដ្ឋមន្ត្រីមហាផ្ទៃសហភាព អឺរ៉ុប បានអនុម័តលើគម្រោងកំណត់កូតាដើម្បីទទួលយកជនភៀសខ្លួនប្រមាណ១២ម៉ឺននាក់ ទាំងរដ្ឋមួយចំនួនជំទាស់ដាច់ខាតមិនព្រមអនុវត្តការកំណត់នេះ។
កាលពីម្សិលមិញនេះ រដ្ឋមន្ត្រីមហាផ្ទៃសហភាពអឺរ៉ុប បានអនុម័តលើគម្រោងក្នុងការទទួលយកជនភៀសខ្លួនដប់ពីរម៉ឺននាក់មករស់នៅក្នុងតំបន់អឺរ៉ុបទាំង២៨ប្រទេស។ ការសម្រេចទទួលយកនេះ មិនទទួលបានការឯកភាពពីរដ្ឋសមាជិកទាំងអស់នោះទេ ដ្បិតរដ្ឋមួយចំនួនបានជំទាស់និងប្រកែកមិនអនុវត្តតាមការសម្រេចនេះ។
ចុងក្រោយជនភៀសខ្លួនរាប់ម៉ឺននាក់ដែលកំពុងតែកកស្ទះតាមព្រំដែនអឺរ៉ុបអាចមានសង្ឃឹមជាថ្មីបន្ទាប់ពីសមាជិកអឺរ៉ុបភាគច្រើន បានសម្រេចអនុម័តក្នុងការផ្តល់ទីជម្រកសម្រាប់ពួកគេនៅក្នុងតំបន់អឺរ៉ុប។លោក Dimitris Avramopoulos គណៈកម្មាធិការចំណាកស្រុកសហភាពអឺរ៉ុប បានអះអាងថាការអនុម័តទទួលយកជនភៀសខ្លួន គឺបង្ហាញយ៉ាងច្បាស់ពីការទទួលខុសត្រូវ និង សាមគ្គីរបស់សហភាពអឺរ៉ុប។
ការពិភាក្សាលើបញ្ហាជនភៀសខ្លួន និង ការទទួលយកជនភៀសខ្លួន មិនមែនទើបតែត្រូវបានធ្វើឡើងនោះទេ ពោលគឺរដ្ឋមន្ត្រីមហាផ្ទៃសហភាពអឺរ៉ុប ធ្លាប់បរាជ័យក្នុងការទទួលជនភៀសខ្លួន ម្តងរួចទៅហើយ កាលពីថ្ងៃទី១៤ ខែកញ្ញា ដ្បិតរដ្ឋមួយចំនួនបានជំទាស់។ សម្រាប់ការអនុម័តទទួលយកជនភៀសខ្លួនទាំង១២ម៉ឺននាក់ គឺជាជំហានដំបូងហើយដែលសហភាពអឺរ៉ុបបានសម្រេច។
តាមពិតទៅ អឺរ៉ុប ក៏មិនសូវពេញចិត្តប៉ុន្មាននោះទេក្នុងការទទួលយកជនភៀសខ្លួនជាច្រើនម៉ឺននាក់នោះ។ ទោះចង់ ឬមិនចង់ នេះគឺជាការទទួលខុសត្រូវ និង កាតព្វកិច្ចអន្តរជាតិ។ អ្វីគួរកត់សម្គាល់នោះ ក្រោយពីរដ្ឋមន្ត្រីមហាផ្ទៃ បានបរាជ័យក្នុងការអនុម័តទទួលយកជនភៀសខ្លួន អង្គការសហប្រជាជាតិ បានរិះគន់ខ្លាំងៗចំពោះស្ថាប័ននេះ ថាមិនបានធ្វើឲ្យវិបត្តិជនភៀសខ្លួនមានស្ថិរភាព។ ជាពិសេសនោះ អវត្តមាននៃការព្រមព្រៀងគ្នានេះ បានធ្វើឲ្យរដ្ឋអឺរ៉ុបមួយចំនួនដូចជាហុងគ្រី បានចាត់វិធានការយ៉ាង តឹងរឹងទៅលើជនភៀសខ្លួនដូចជាការដាក់របងលូសតាមព្រំដែន ការកាត់ទោសជនភៀសខ្លួនខុសច្បាប់ និង ធ្ងន់ធ្ងរនោះ ហុងគ្រី បានប្រើប្រាស់យោធាដើម្បីទប់ទល់ជាមួយនឹងជនភៀសខ្លួនទៀតផង។ បើអឺរ៉ុបនៅតែបណ្តោយឲ្យរដ្ឋសមាជិកខ្លួន បន្តធ្វើសកម្មភាពបែបនេះ នោះអឺរ៉ុប នឹងត្រូវខាតទាំងប្រយោជន៍ និង កេរ្តិ៍ឈ្មោះក្នុងឆាកអន្តរជាតិ។
យ៉ាងណាក៏ដោយ អ្នកវិភាគបាន បានចាត់ទុកថា ការទទួលយកជនភៀសខ្លួនទាំងចម្រូងចម្រាស នឹងធ្វើឲ្យសហភាពអឹរ៉ុបត្រូវបានបែងចែកគ្នា។ តួយ៉ាង ខណៈពេលដែលសមាជិកភាគច្រើនបានយល់ព្រម ហុងគ្រី រ៉ូម៉ានី សាធារណៈឆែក និង ស្លូវ៉ាគី បានប្រឆាំងទៅនឹងការសម្រេចនេះ។ បន្ថែមពីនេះ រដ្ឋទាំងនេះបានជំទាស់ក្នុងការអនុវត្តផងដែរ។
បើយោងតាមភ្នាក់ងារជនភៀសខ្លួនអង្គការសហប្រជាជាតិ មានជនភៀសខ្លួនជាង៤០ម៉ឺននាក់ បានមកដល់អឺរ៉ុបក្នុងឆ្នាំ២០១៥ ហើយ ជនភៀសខ្លួន៦០០០នាក់ បានមកដល់អឺរ៉ុបជារៀងរាល់ថ្ងៃ។ កន្លងមក រដ្ឋអឺរ៉ុប ដែលបានទទួលជនភៀសខ្លួនច្រើនជាងគេមានដូចជា អាល្លឹម៉ង់ បារាំង អង់គ្លេស អ៊ីតាលី និង ស៊ុយអែត៕
កាលពីម្សិលមិញនេះ រដ្ឋមន្ត្រីមហាផ្ទៃសហភាពអឺរ៉ុប បានអនុម័តលើគម្រោងក្នុងការទទួលយកជនភៀសខ្លួនដប់ពីរម៉ឺននាក់មករស់នៅក្នុងតំបន់អឺរ៉ុបទាំង២៨ប្រទេស។ ការសម្រេចទទួលយកនេះ មិនទទួលបានការឯកភាពពីរដ្ឋសមាជិកទាំងអស់នោះទេ ដ្បិតរដ្ឋមួយចំនួនបានជំទាស់និងប្រកែកមិនអនុវត្តតាមការសម្រេចនេះ។
ចុងក្រោយជនភៀសខ្លួនរាប់ម៉ឺននាក់ដែលកំពុងតែកកស្ទះតាមព្រំដែនអឺរ៉ុបអាចមានសង្ឃឹមជាថ្មីបន្ទាប់ពីសមាជិកអឺរ៉ុបភាគច្រើន បានសម្រេចអនុម័តក្នុងការផ្តល់ទីជម្រកសម្រាប់ពួកគេនៅក្នុងតំបន់អឺរ៉ុប។លោក Dimitris Avramopoulos គណៈកម្មាធិការចំណាកស្រុកសហភាពអឺរ៉ុប បានអះអាងថាការអនុម័តទទួលយកជនភៀសខ្លួន គឺបង្ហាញយ៉ាងច្បាស់ពីការទទួលខុសត្រូវ និង សាមគ្គីរបស់សហភាពអឺរ៉ុប។
ការពិភាក្សាលើបញ្ហាជនភៀសខ្លួន និង ការទទួលយកជនភៀសខ្លួន មិនមែនទើបតែត្រូវបានធ្វើឡើងនោះទេ ពោលគឺរដ្ឋមន្ត្រីមហាផ្ទៃសហភាពអឺរ៉ុប ធ្លាប់បរាជ័យក្នុងការទទួលជនភៀសខ្លួន ម្តងរួចទៅហើយ កាលពីថ្ងៃទី១៤ ខែកញ្ញា ដ្បិតរដ្ឋមួយចំនួនបានជំទាស់។ សម្រាប់ការអនុម័តទទួលយកជនភៀសខ្លួនទាំង១២ម៉ឺននាក់ គឺជាជំហានដំបូងហើយដែលសហភាពអឺរ៉ុបបានសម្រេច។
តាមពិតទៅ អឺរ៉ុប ក៏មិនសូវពេញចិត្តប៉ុន្មាននោះទេក្នុងការទទួលយកជនភៀសខ្លួនជាច្រើនម៉ឺននាក់នោះ។ ទោះចង់ ឬមិនចង់ នេះគឺជាការទទួលខុសត្រូវ និង កាតព្វកិច្ចអន្តរជាតិ។ អ្វីគួរកត់សម្គាល់នោះ ក្រោយពីរដ្ឋមន្ត្រីមហាផ្ទៃ បានបរាជ័យក្នុងការអនុម័តទទួលយកជនភៀសខ្លួន អង្គការសហប្រជាជាតិ បានរិះគន់ខ្លាំងៗចំពោះស្ថាប័ននេះ ថាមិនបានធ្វើឲ្យវិបត្តិជនភៀសខ្លួនមានស្ថិរភាព។ ជាពិសេសនោះ អវត្តមាននៃការព្រមព្រៀងគ្នានេះ បានធ្វើឲ្យរដ្ឋអឺរ៉ុបមួយចំនួនដូចជាហុងគ្រី បានចាត់វិធានការយ៉ាង តឹងរឹងទៅលើជនភៀសខ្លួនដូចជាការដាក់របងលូសតាមព្រំដែន ការកាត់ទោសជនភៀសខ្លួនខុសច្បាប់ និង ធ្ងន់ធ្ងរនោះ ហុងគ្រី បានប្រើប្រាស់យោធាដើម្បីទប់ទល់ជាមួយនឹងជនភៀសខ្លួនទៀតផង។ បើអឺរ៉ុបនៅតែបណ្តោយឲ្យរដ្ឋសមាជិកខ្លួន បន្តធ្វើសកម្មភាពបែបនេះ នោះអឺរ៉ុប នឹងត្រូវខាតទាំងប្រយោជន៍ និង កេរ្តិ៍ឈ្មោះក្នុងឆាកអន្តរជាតិ។
យ៉ាងណាក៏ដោយ អ្នកវិភាគបាន បានចាត់ទុកថា ការទទួលយកជនភៀសខ្លួនទាំងចម្រូងចម្រាស នឹងធ្វើឲ្យសហភាពអឹរ៉ុបត្រូវបានបែងចែកគ្នា។ តួយ៉ាង ខណៈពេលដែលសមាជិកភាគច្រើនបានយល់ព្រម ហុងគ្រី រ៉ូម៉ានី សាធារណៈឆែក និង ស្លូវ៉ាគី បានប្រឆាំងទៅនឹងការសម្រេចនេះ។ បន្ថែមពីនេះ រដ្ឋទាំងនេះបានជំទាស់ក្នុងការអនុវត្តផងដែរ។
បើយោងតាមភ្នាក់ងារជនភៀសខ្លួនអង្គការសហប្រជាជាតិ មានជនភៀសខ្លួនជាង៤០ម៉ឺននាក់ បានមកដល់អឺរ៉ុបក្នុងឆ្នាំ២០១៥ ហើយ ជនភៀសខ្លួន៦០០០នាក់ បានមកដល់អឺរ៉ុបជារៀងរាល់ថ្ងៃ។ កន្លងមក រដ្ឋអឺរ៉ុប ដែលបានទទួលជនភៀសខ្លួនច្រើនជាងគេមានដូចជា អាល្លឹម៉ង់ បារាំង អង់គ្លេស អ៊ីតាលី និង ស៊ុយអែត៕
Tag:
សហភាពអឺរ៉ុប
ជនភៀសខ្លួន
© រក្សាសិទ្ធិដោយ thmeythmey.com
