កីឡាជាតិ
ស៊ីម៉ាក់ជួបវេស្ទើន ប៉ូលិសប៉ះអាស៊ីអឺរ៉ុប នៅអូឡាំពិក ការពារជួបបៀលប្រាយ នៅស្ដាតចាស់
× ក្រុមបាល់ទាត់មជ្ឈមណ្ឌលកំចាត់មីនកម្ពុជា (ស៊ីម៉ាក់) ត្រូវប្រកួតជាមួយក្រុមវេស្ទើនភ្នំពេញ ហើយក្រុមអគ្គស្នងការដ្ឋាននគរបាលជាតិ (ប៉ូលិស) ជួបក្រុមអាស៊ីអឺរ៉ុបយូណាយធីត នៅទីលានពហុកីឡដ្ឋានជាតិ ស្របពេលក្រុមក្រសួងការពារជាតិ ទទួលក្រុមបៀលប្រាយយូណាយធីត នៅទីលានកីឡដ្ឋានកងយោធពលខេមរភូមិន្ទ (ស្ដាតចាស់) ក្នុងវគ្គសន្សំពិន្ទុសប្ដាហ៍ទី ១៨ នៃពានរង្វាន់បាល់ទាត់មិត្តហ្វូនខេមបូឌានលីករដូវកាល២០១៥ (Metfone Cambodian League 2015) នៅល្ងាចថ្ងៃពុធ ទី ២៣ ខែកញ្ញា ឆ្នាំ ២០១៥ នេះ។
*ស៊ីម៉ាក់ ជួប វេស្ទើន (វេលាម៉ោង៣:៣០ នាទី)
កាល ពីជើងទី១ ក្នុងពាន MCL2015 នេះក្រុមស៊ីម៉ាក់ ធ្លាប់យកឈ្នះក្រុមវេស្ទើន ម្ដងហើយដោយលទ្ធផល ៣ ទល់ ១។ ក្រុមទាំង២ មានគម្លាតពីគ្នាតែ២ពិន្ទុប៉ុណ្ណោះ ប៉ុន្ដែស្ថិតនៅតំបន់បាតតារាង ប្រហាក់ប្រហែលគ្នា។ ៦ ប្រកួតចុងក្រោយស៊ីម៉ាក់ ស្មើ ២ និងចាញ់ ៦ លើក ខណៈវេស្ទើន ៦ ប្រកួតចុងក្រោយដូចគ្នា ឈ្នះតែ១ និងចាញ់៥ ។
*ប៉ូលិស ប៉ះ អាស៊ីអឺរ៉ុប (វេលាម៉ោង៦ល្ងាច)
ក្រុមប៉ូលិស មានចំណាត់ថ្នាក់លេខ៧ កំពុងស្ថិតក្នុងកៅអីប្រជែងយកតារាងចំណាត់ថ្នាក់ក្រុមខ្លាំងទាំង៤ (top4) ព្រោះមាន ២៦ ពិន្ទុស្មើគ្នាជាមួយក្រុមលេខ ៥ ស្វាយរៀងអែហ្វស៊ី និងក្រុមលេខ ៦ ក្រសួងការពារជាតិ ស្របពេលអាស៊ីអឺរ៉ុប គេចឱ្យផុតពីតំបន់បាតតារាង។ ជំនួប ៥លើកចុងក្រោយរបស់ក្រុមទាំង២ ក្នុងពាន MCL ប៉ូលិស ធ្លាប់ឈ្នះ២ ដង អាស៊ីអឺរ៉ុប ធ្លាប់ឈ្នះ ២ ដងនិងធ្លាប់ស្មើគ្នា១ដង។
*ក្រសួងការពារជាតិ ជួប បៀលប្រាយ
៣ ពិន្ទុនៅរសៀលនេះពិតជាចាំបាច់ណាស់សម្រាប់ក្រសួងការពារជាតិ ព្រោះដើម្បីបន្តក្ដីសង្ឃឹម ប្រជែងយក Top4 ជាមួយស្វាយរៀង និង ប៉ូលិស ខណៈបៀលប្រាយ ក៏មិនទាន់អស់ឱកាស Top4 នៅឡើយនោះដែរ។ ជំនួបចុងក្រោយរវាងក្រុមទាំង២ បញ្ចប់ទៅដោយលទ្ធផល ០ ទល់ ០ ប៉ុណ្ណោះ។
តើក្រុមណានឹងស្វែងរកបាន ៣ ពិន្ទុនៅរសៀលថ្ងៃពុធ នេះ?
© រក្សាសិទ្ធិដោយ thmeythmey.com