ពីនេះ ពីនោះ
មិនទាន់មានឱកាសពុករលួយដូចគេ រិះគន់គេ តែបើមានប្រឡោះហើយសម្ងំស្ងៀមតែម្តង
× ដើរទៅណាមកណានៅក្នុងប្រទេសរំដួល គេតែងតែលឺមន្ត្រីមួយចំនួនដែលតាំងខ្លួនជាអ្នកស្អាតស្អំដោយខ្លួនឯង រិះគន់មន្ត្រីដទៃទៀតថា ពុករលួយណាស់, ពួករលួយដល់ឆ្អឹង។ ប្រភេទមន្ត្រីដដែលនោះ បានបន្តទៀតថា បើប្រទេសរំដួលពុករលួយយ៉ាងដូច្នេះ ពេលនោះ សង្គមរំដួលមិនអាចរីកចម្រើនបានឡើយ។ មន្ត្រីនៃប្រទេសរំដួលប្រភេទនេះរិះគន់អ្នកដទៃខ្លាំងមែន, រិះគន់មើលទៅហាក់បីដូចជារូបគេជាមនុស្សល្អមែនទែនអ៊ីចឹង។
ប៉ុន្តែ អ្វីដែលជាការគួរអោយអាម៉ាស់នោះ គឺនៅត្រង់ថា មន្ត្រីនៃប្រទេសរំដួលដែលរិះគន់គេនោះ នៅពេលដែលទទួលបានតួនាទី ឬមុខតំណែងដែលអាចអនុញ្ញាតអោយរកចំណូលក្រៅផ្លូវការបានដែរ ចាប់ផ្តើមនៅស្ងៀម ហើយសុខចិត្តទទួលយកសំណូកដូចគេដូចឯង ហើយបំភ្លេចចោលនូវសតិសម្បជញ្ញៈខ្លួនឯងយ៉ាងស្រួល។ នេះហើយ គឺជាចរិតស្អាតស្អំរបស់មន្ត្រីមួយចំនួននៃប្រទេសរំដួល៕
© រក្សាសិទ្ធិដោយ thmeythmey.com